download HolidaySmart 假期日常 app
挪威郵輪公司推出為期2日「百慕達三角之旅」!每位費用為1.4萬!強調「乘客們消失將獲全額退款」

挪威郵輪公司推出為期2日「百慕達三角之旅」!每位費用為1.4萬!強調「乘客們消失將獲全額退款」

旅遊攻略 生活熱話
By Stephanie on 02 Jun 2022
Digital Content Writer

百慕達三角(Bermuda Triangle)過往曾多次發生船隻失蹤或者飛機失事嘅事件,十分神秘!最近,一間挪威郵輪公司Prima打算推出「百慕達三角之旅」,從紐約出發到達神秘嘅百慕達,船程為2日,票價大約係1,450英鎊(逾1萬4千港幣),最搞笑嘅係郵輪公司強調「萬一船隻消失,將會全額退款!」

外界盛傳百慕達三角區域佈滿沈沒嘅船隻,而且亦有唔少靈異事件發生!Photo from 國家地理YouTube

神秘「百慕達三角」傳聞超多!

百慕達三角位於北大西洋嘅馬尾藻海,而附近嘅海域為世界上最繁忙嘅海域,唔少大型船隻都會途徑該區抵達美洲、歐洲等港口。然而,歷史上卻盛傳唔少途徑百慕達三角嘅船隻都會離奇失蹤,就連飛機於上空經過都會「消失」,坊間一直都對呢個神秘嘅區域有各種傳聞!

百慕達三角洲一直以來都係非常神秘嘅存在!Photo from Getty image

挪威郵輪公司推出「百慕達三角之旅」

不過有旅遊公司睇準機會,打算用此作為賣點帶大家勇闖「神秘百慕達三角」!挪威郵輪公司Prima即將推出為期2日嘅「百慕達三角之旅」,展示預計喺明年3月28日由美國紐約啟程~

挪威郵輪公司Prima推出「百慕達三角之旅」!Photo from CruiseNorwegian @ Twitter

邀請英國神秘學家一起探討秘密!

郵輪公司仲表示成功邀請到前英國國防部UFO研究員Nick Pope、英國神秘學作家Nick Redfern舉辦講座及問答環節,同乘客們一齊探討有關百慕達嘅秘密!據悉,郵輪能夠載到大約3,215名乘客,係佢哋最寬敞嘅郵輪~

仲邀請到英國神秘學作家Nick Redfern上船開講座!Photo from Amazon

據悉郵輪大概能夠載道郵輪能夠載3,215名乘客Photo from 《三文治女孩的逆襲》劇照

每位乘客費用為1萬4千,若果失蹤即獲全數退款!

每位乘客嘅船票費用大約係1,450英鎊(逾1萬4千港幣),但業界表示「不用擔心會在百慕達三角洲消失,旅程回航率係100%。萬一船隻消失就會全額退款!」但呢番說話似乎唔係好安撫到大眾,唔少網民都瞬間突破盲點「消失咗咁退款俾邊個?」、「點知會唔會走數?!」等;亦有網民覺得呢個旅程主題非常有趣!

有指旅遊公司表示「若果旅客於航海時失蹤,將會獲得全額退款!」Photo from 《海洋之城》劇照

傳百慕達三角已累積逾千人消失?!

其實百慕達三角亦被稱為「魔鬼三角」,呢個地區頻繁發生各種靈異事件,當中唔少船隻以及飛機都會憑空「消失」;外界盛傳該區域可能擁有時空隧道,亦有唔少電影或紀綠片以該區域作為題材拍攝。有傳咁多年來,百慕達三角洲已經累積逾千人失蹤,又難怪網民們會有少少擔心「一去不返」嘅!

有傳百慕達三角至今已經累積逾千人失蹤!Photo from 《德魯納酒店》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

時空旅人指2022年地球將會面臨危機?!公開3大「重要」日子!約200萬人將神秘消失?

13 May , 2022

坊間經常都會流傳各種傳言~近日有一位自稱係「時空旅人」嘅抖音帳號就發佈一條預告影片,指地球將會於今年夏天面臨危機,並且會有多達大約200萬人突然消失;仲列出咗3個今年嘅重要日子,並揚言會有新嘅生物降臨地球?!

大家相信呢個世界上有從未來穿越過來嘅「時空旅人」嗎?Photo from 《信義》劇照

自稱「時空旅人」抖音用戶

唔知大家又相唔相信呢個世界上有時空穿梭嘅「未來人」呢?!一直以「時空旅人」自稱嘅抖音用戶Kawhi Leonard (@thehiddengod1) 經常都會上載有關外星人、世界末日等相關嘅影片;日前佢就上載咗一條影片而引起熱議!

一位自稱係「時空旅人」嘅抖音用戶經常都上載唔同嘅傳言!Photo from 《The King:永遠的君主 》

表示2022年地球將會面臨危機?!

「時空旅人」Kawhi 表示今年夏天地球將會面臨前所未有嘅挑戰,爆發一連串接近世界末日嘅危機,仲列出咗2022年嘅3個「重要」日子,分別係7月14日、8月9日以及10月3日,希望警惕大家!

自稱來自未來嘅時空旅人「Kawhi Leonard」表示2022年夏天地球會面臨危機?!Photo from thehiddengod @抖音

仲列出咗3個日子Photo from thehiddengod @抖音

列出3個日期警惕大眾

從影片中所講,喺7月14日美國將會經歷史上最強嘅地震,仲會因此而導致美國土地出現大裂痕!而8月9日世界上將近約200萬人將會神秘消失,咁未好似MARVEL《復仇者聯盟》電影中嘅情節咁~

預言7月14日美國將會經歷前所未有嘅大地震?!Photo from 《你是我的確幸》

佢表示8月9日當日將會有約200萬人憑空消失,似乎同《復仇者聯盟》嘅劇情有啲相似?!Photo from 《復仇者聯盟:無限之戰》

網民反應大不同!

而今年10月3日就將會有一種名為「潛行者(Stalkers)」嘅不明物體來臨地球。然而,Kawhi就並冇講3件事是否有關聯,影片上載後獲得逾45萬個評論!大部分嘅網民都認為只係無稽之談,認為「時空旅人只係睇得太多科幻電影」等;然而亦有部份人認為萬事皆有可能,希望世界能夠一直和平~不過呢類型嘅傳聞都係「信則有,不信則無」,睇完要自行斟酌!

10月3日仲會有不明物體「潛行者」降落地球?!Photo from 《Stranger Things 3》

美國眾議院將舉行首個UFO主題聽證會!

另一邊廂,美國眾議院舉行59年來首個關於UFO嘅聽證會,並將於本月17日舉行!由於上年美國國家情報總監上載咗一份長達9頁嘅報告,當中提及144宗UFO目擊個案;而眾議院情報委員會主席Adam Schiff希望能夠藉此機會等美國市民了解一直以來嘅謎團~

美國眾議院將會喺5月17日舉行關於UFO嘅聽證會!Photo from 電影《長江7號》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel