荃灣豬肉檔AK劉宋威搞生日見面會 過百粉絲到場 連薛影儀都係威威豬？

「荃灣豬肉檔AK」劉宋威（威威）近期人氣爆燈，佢今日（5日）在荃灣一商場舉行生日粉絲見面會，吸引過百粉絲到場支持，場面熱鬧。令人驚喜嘅係，「亞視一姐」薛影儀都係觀眾之一，更上載現場片到IG，搞到網民都問佢係咪「威威豬」。

Photo from 劉宋威IG

在荃灣豬肉檔工作嘅劉宋威（威威）因為被指貌似羅志祥及MIRROR成員AK（江?生）而爆紅，之後佢設立社交帳戶，更開始接拍廣告正式出道，而一班威威豬（粉絲）亦為佢成立了應援團，非常熱心。

Photo from Facebook @荃灣鮮肉威威應援團

過百威威豬到場，與偶像進行生日見面會

今日，威威在荃新天地舉辦粉絲見面會，預先慶祝佢6月8日生日。在活動開始前一小時，已有逾一百名威威豬排隊等候，佢哋都帶上名牌、海報等應援物，現場同一般明星活動無咩分別。當威威現身時，粉絲都落力大叫其名字，而對方都立即向在場支持者揮手打招呼，表現親民。

Photo from Facebook @荃灣鮮肉威威應援團

Photo from Facebook @荃灣鮮肉威威應援團

現場可見，到場支持者大多為主婦，亦有陪老婆而來嘅老公、小朋友和工人姐姐。活動中，威威即場大騷廚藝，又邀請部分粉絲上台玩遊戲。最後，威威亦跟一眾粉絲影大合照，相信威威豬們都好滿足。另外，可能無估到有咁多粉絲現身，威威竟然一時感動到落淚！

Photo from Facebook @荃灣鮮肉威威應援團

Photo from Facebook @荃灣鮮肉威威應援團

「亞視一姐」薛影儀都係威威豬？

除此，連「亞視一姐」薛影儀都有到現場。佢在IG上載數條影片，並在帖文寫道：「今日在荃新天地見到威威豬肉佬」。憑角度可見，影儀在商場一樓位置遠距離拍攝威威，除此以外，佢未有上載任何合照。

Photo from 薛影儀IG

Photo from 薛影儀IG

Photo from 薛影儀IG

網民：「你係咪暗戀佢？」

大批網民都非常好奇，留言問影儀係咪威威粉絲：「阿儀你係咪暗戀佢？」亦有人問影儀有無被威威注意到，希望可以見到二人合照，睇嚟大家都好期待佢哋有合作機會。

Photo from 薛影儀IG

Photo from Facebook @荃灣鮮肉威威應援團

威威強調會繼續做「豬肉切割員」

威威在活動後接受傳媒採訪，被問將來會否「除罩」答謝粉絲時，佢表示現時疫情下不便除掉口罩，但佢相信情況改善後，就會以真面目與大家見面。雖然佢透露有興趣參與幕前工作，但強調會繼續從事「豬肉切割員」嘅正職。

Photo from 荃新天地IG

相關文章：荃灣豬肉檔AK走紅疑似集團操作？盤點9位素人店員 爆紅後命運超不同！

相關文章：荃灣豬肉檔AK阿威否認有後台捧紅！承認對幕前工作大感興趣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）