download HolidaySmart 假期日常 app
吳若希罕有大晒P圖後泳裝照,卻被網民批評泳衣款式?!舉辦校服派對慶祝30歲生日,丈夫Alex大膽上載超大頭照片!

吳若希罕有大晒P圖後泳裝照,卻被網民批評泳衣款式?!舉辦校服派對慶祝30歲生日,丈夫Alex大膽上載超大頭照片!

娛樂新聞
By Stephanie on 07 Jun 2022
Digital Content Writer

天氣炎熱,唔少人假期時都會選擇去沙灘曬下太陽~最近,吳若希就帶埋一對子女去沙灘玩水,仲罕有地喺IG上載自己嘅泳裝照,大晒身材,就連好姐妹陳詩欣都忍唔住讚佢fit!不過部份網民似乎對泳衣嘅款式有啲意見?!

吳若希罕有大晒泳裝照Photo from 吳若希IG

吳若希一家四口超幸福!

現年30歲嘅吳若希喺2017年與何兆鴻(Alex)結婚,同年4月誕下女兒Giselle,其後再於2020年誕下兒子Kylian。而佢亦經常於IG上載溫馨家庭照,一家四口非常幸福~

吳若希與何兆鴻(Alex)於2017年結婚,並育有一對子女。Photo from 吳若希IG

佢曾經表示要保護女兒,所以盡可能都會遮樣;相反仔仔就已經被公開樣貌!Photo from 吳若希IG

罕有大晒泳衣照

日前,吳若希就趁天氣明媚帶埋一對子女去沙灘玩水,而今次佢仲罕有咁上載自己嘅泳裝照!只見佢身穿紫藍色嘅連身泳衣,配上長袖薄紗嘅公主袖;雖然泳裝照相對上比較保守,但都有唔少粉絲大讚佢身材fit爆,就連好友陳詩欣都留言話「靚!但過份!咁瘦!?」,而佢就直接回應「P過呀嘛!」

吳若希罕有上載泳裝照!Photo from 吳若希IG

唔少粉絲都大讚佢身材好,而圈中好友陳詩欣亦有讚佢瘦,但吳若希就公開承認有P圖?!Photo from 吳若希IG

部份網民批評泳衣款式

不過部份網民似乎唔太欣賞呢款泳裝嘅設計,認為泳裝嘅cutting反而令吳若希睇落有少少臃腫「件泳衣好奇怪」,部份網民仲覺得「似阿婆泳衣」!

部份網民就似乎唔太欣賞吳若希嘅泳衣款式?!Photo from 吳若希IG

校服look慶祝30歲生日

而早前剛迎來30歲生日嘅吳若希仲同好友一齊開「校服party」,仲貼上印有「熱烈祝賀 何吳若希太平女士成立30周年」嘅紅色banner,非常用心;而踏入3字頭嘅佢亦感慨表示「已經進入下半生!」似乎別有一番睇法~而丈夫Alex亦好大膽地公開吳若希「翻白眼」嘅超近距離照片贈慶,寫上「Happy Birthday My Lovely Wife!」以非常特別嘅形式晒恩愛~

兩星期前,吳若希迎來30歲生日~Photo from 吳若希IG

佢同一班朋友舉辦校服派對慶生~Photo from 吳若希IG

而丈夫Alex仲非常大膽地上載佢嘅「翻白眼」照片助慶!Photo from Alex IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

莊鍶敏坦承係新抱界反面教材?!分享與台灣奶奶相處有2大摩擦!吳若希:嫁得出係奇蹟!

13 May , 2022

現年42歲嘅莊鍶敏(前名莊思敏)於2020年宣佈與台灣珍珠奶茶店老闆楊秉逸(Brian)結婚,最近佢就獲邀上吳若希嘅YouTube頻道大談成為人妻後嘅生活,而佢就直率承認自己係「新抱界嘅反面教材」,就連一旁嘅好姐妹吳若希都忍唔住驚嘆「你咁都嫁得出犀利啊」!

莊鍶敏被好姐妹吳若希驚嘆「你咁都嫁得出真係勁!」Photo from 莊鍶敏IG

2020年與台灣籍男友結婚!

大馬拿督千金莊鍶敏憑優越身高,於2000年開始入行做模特兒,後來加入大台成為藝人,有份參與多部電視劇拍攝。2019年,佢與台灣珍珠奶茶店老闆楊秉逸(Brian)公開戀愛,拍拖僅僅半年就有結婚念頭,並於2020年3月於豪宅內進行簡單嘅簽紙儀式,正式成為夫婦!

大馬千金莊鍶敏因為高挑身形,入行初期擔任模特兒Photo from 莊鍶敏IG

莊鍶敏於2020年3月正式於台灣珍珠奶茶店老闆Brian結婚!Photo from 莊鍶敏IG

與吳若希大談成為人妻的改變!

日前,莊鍶敏接受好姐妹吳若希嘅YouTube頻道訪問,二人大談成為人妻後嘅分別。莊鍶敏坦承婚後身邊嘅人對佢嘅態度180度大變「一方面應該係因為覺得我比較多口啦」;而在旁嘅吳若希就表示認同「真心我覺得你以前mean啲嘅!」,對外人比較有戒心;不過就認為好大機會係楊先生(莊鍶敏丈夫)改變咗佢!

吳若希與莊鍶敏大談成為人妻後嘅分別!Photo from 吳若希YouTube

而莊鍶敏就覺得身邊嘅人對佢嘅態度截然不同,好似冇咁抗拒佢!Photo from 吳若希YouTube

吳若希認為莊鍶敏婚前的確比較mean!Photo from 吳若希YouTube

認為與丈夫認識時間剛剛好!

吳若希詢問莊鍶敏「幾時認定丈夫就係終生伴侶?」,而佢就表示自己非常相信緣分以及時機「如果我早啲識佢,就應該唔會一齊。」因為知道過往丈夫鍾意去蒲,而佢就唔太接受到;加上早幾年佢比較著重工作,就唔會願意花時間來回兩地見面。

莊鍶敏表示自己相信緣分同timing!Photo from 吳若希YouTube

認為如果太早認識丈夫,未必會選擇同對方一齊!Photo from 吳若希YouTube

4大契機決定結婚!

現時二人似乎都係保持住遠距離戀愛,而莊鍶敏就談及結婚嘅4個契機:想穩定下來、二人相處自在、大讚丈夫孝順、而且丈夫亦已經「玩夠喇」,綜合以上理由就決定與對方結婚!

莊鍶敏提及結婚嘅4大契機及原因!Photo from 吳若希YouTube

莊鍶敏表示想穩定下來,並且同丈夫相處時非常舒服~Photo from 吳若希YouTube

而佢就大讚丈夫夠孝順,而且已經「玩夠」Photo from 吳若希YouTube

夫婦二人從未長期相處?!

莊鍶敏話未來唔排除丈夫會來港居住,但就已經排除佢去台灣嘅可能性「我喺嗰度(台灣)有咩做啊」。而佢似乎非常適應異地戀嘅生活,認為兩人無法日見夜見,所以都好少有爭執;但坦承其實兩夫婦未試過長期相處!

莊鍶敏指未來丈夫有機會來港同佢一齊住Photo from 吳若希YouTube

但就話其實兩夫婦為試過長期一齊相處,唔肯定將來會否有更多爭執!Photo from 吳若希YouTube

奶奶曾經有微言?!

結婚後婆媳關係大多係常見嘅問題之一,而吳若希詢問莊鍶敏有關同台灣奶奶相處嘅經歷。佢表示只有喺結婚前見過奶奶,二人相處都冇大問題,但奶奶唯獨對佢「太遲起身」有微言;而當時佢就回答「因為我好鍾意瞓覺!」

莊鍶敏表示奶奶曾經詢問過佢點解咁遲起身!Photo from 吳若希YouTube

而佢就回應因為我鍾意睡覺!Photo from 吳若希YouTube

而莊鍶敏覺得台灣嘅家庭可能比較傳統,奶奶亦曾問過「點解只係用短訊同佢哋聯絡」,而丈夫就同佢講返「奶奶會話家人係要講電話㗎!」,令吳若希都忍唔住話「你都真係反面教材!」仲不禁驚嘆莊鍶敏居然嫁得出;而佢亦搞笑回覆「千祈唔好學啊!唔係個個好似我咁嫁得出!」

莊鍶敏亦表示奶奶曾抱怨點解佢只會短訊聯絡佢哋!Photo from 吳若希YouTube

而吳若希就形容佢係新抱界嘅反面教材!Photo from 吳若希YouTube

不願意與丈夫FaceTime?!

雖然莊鍶敏同丈夫正在遠距離戀愛,但佢就表示唔鍾意FaceTime。對此丈夫曾不滿表示「點解你肯開Live但唔肯FaceTime」,就連吳若希非常不解,而佢就回應「因為做Live係搵錢」。

莊鍶敏平時唔太鍾意同丈夫Facetime!Photo from 吳若希YouTube

莊鍶敏認為開live係為賺錢!Photo from 吳若希YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel