download HolidaySmart 假期日常 app
台灣直播網紅高價賣原味鞋,被轟當粉絲水魚有苦衷:被煩了三個月

台灣直播網紅高價賣原味鞋,被轟當粉絲水魚有苦衷:被煩了三個月

生活熱話
By Moon Lam on 08 Jun 2022
Digital Content Writer

開水小姐(謝似餘)係台灣遊戲直播主,曾經以歌手身分出過4張專輯,最近因以高價賣自己著過嘅「原味鞋」而被網友轟「唔好當粉絲水魚」。開水小姐事後亦公開回應。

IG @misswater1119Photo from IG @misswater1119

開水小姐一直有係台灣買賣平台售賣二手衣物,多數只係著過一兩次,而且都有洗過先寄出。

蝦皮購物 開水小姐二手衣物Photo from 蝦皮購物 開水小姐二手衣物

但日前係網誌上販售自己一對著過嘅「原味」舊鞋,帖文標題仲寫:「那個有人堅持要買被我蹂躪了好幾年的二手鞋」,然而開價8888台幣(約2360港幣)。估唔到販售文意外引起台灣網友討論!仲有網友私下傳訊比佢,話佢好唔好意思,有得賣就偷笑,仲要開咁貴嘅價,仲叫佢唔好當自己嘅粉絲係水魚。及後開水小姐亦係社交平台公開回應,表示「為什麼要不好意思!」,佢話自己因為被人糾纏咗三個月先出此下策,更反擊對方「不用逼我成就別人的癖好」。

IG @misswater1119Photo from IG @misswater1119

Facebook 開水小姐Photo from Facebook 開水小姐

佢亦公開其他買家同佢嘅私訊對話,有人向佢開價1000台幣(約260港幣),並不斷拜託佢,表示可以買更加污糟嘅鞋,甚至話:「求求你,我真的很想要」。開水小姐就公開回應:「不可以!」。

Facebook 開水小姐Photo from Facebook 開水小姐

二手鞋引起台灣媒體同大量網民關注,該位網友仍然苦苦哀求真係好想要,可唔可以1000台幣,開水小姐亦直接回應「不要!」,更馬上將舊鞋下架,畢竟日日都要著,買新鞋好麻煩。而且話之後只會賣狀況良好、乾淨嘅二手鞋,歡迎女生購買。而舊鞋下架後開水小姐亦係社交平台笑稱呢件事做「髒布鞋之亂」,總結同公開自己嘅睇法。

Facebook 開水小姐Photo from Facebook 開水小姐

開水小姐指8888台幣係勸退價,原意係唔想賣,所以故意開高價,亦指「不要強求別人賣東西給你,對方有開價的權力,強摘的果子不甜」。佢亦話因為呢件事收到好多侮辱性嘅私訊,但表示唔係只得「正妹」先會遇到呢種被有特別癖好嘅人糾纏住嘅情況,希望網友唔好將心力花費係聲討佢身上。

IG @misswater1119Photo from IG @misswater1119

係澄清高價賣舊鞋嘅原因後,有網友認同開水小姐嘅做法,認為開水小姐同想買原味鞋嘅人都無錯,用正當管道買自己鍾意嘅野係單純嘅交易行為,亦有網友叫佢唔好在意有特別癖好又唔願意付出相應金額,不斷糾纏吵吵鬧鬧嘅人。

網友評論Photo from IG @misswater1119

網友評論Photo from IG @misswater1119

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel