陳家樂向連詩雅求婚成功,證實訂婚消息!二人情史同樣豐富!女方曾自爆4年內愛19位男生、男方緋聞對象大多係合作演員?!

陳家樂向連詩雅求婚成功,證實訂婚消息!二人情史同樣豐富!女方曾自爆4年內愛19位男生、男方緋聞對象大多係合作演員?!

娛樂新聞
By Stephanie on 07 Jun 2022
Digital Content Writer

藝人陳家樂今日(7日)驚傳求婚成功,與緋聞女友連詩雅(Shiga)結束2年地下情,正式拉埋天窗!有傳二人喺同朋友一齊出海釣墨魚時求婚成功,而陳家樂亦回覆媒體承認訂婚一事,但就尚未確定結婚日子,將會集中精神將手頭上嘅工作完成先,有好消息將會再作公佈~恭喜晒!

陳家樂與連詩雅今日(7日)傳出已訂婚消息!Photo from 《12個夏天》

陳家樂 連詩雅2019年拍攝旅遊節目結緣!

陳家樂同連詩雅(Shiga)發展地下情長達2年,雖然並未有對外承認戀情,但已經係圈中公開嘅秘密~據悉二人喺2019年拍攝旅遊節目《十二個夏天》而認識,但當時二人都各有對象:Shiga同音樂才子徐浩交往中;而陳家樂就同陳瀅傳出緋聞。後來,佢哋因為同樣熱愛戶外運動而變得熟絡,繼而發展成情侶關係。

陳家樂同連詩雅於2019年拍攝旅遊節目《12個夏天》而結緣!Photo from 娛樂新聞台

二人都鍾意戶外活動而變得更加熟絡,發展成情侶關係。Photo from 連詩雅IG

船上求婚過程公開!

據悉,陳家樂當日相約女友以及朋友一齊出海釣墨魚;不過好戲在後頭,當Shiga再次回到船艙時,陳家樂突然跪地求婚,成功用誠意打動對方,二人2年嘅戀情正式修成正果!隨後,陳家樂透過所屬經理人公司承認已經訂婚「但係結婚日子未有確實嘅計劃,因為我哋手頭上仍然有好多工作要專注完成先,遲啲有好消息一定同大家分享。」

據悉,陳家樂喺出海釣墨魚時向連詩雅求婚成功!Photo from 《12個夏天》

連詩雅情史豐富,曾自爆4年內戀上19個男生!

其實二人自入行以來感情生活都非常豐富,曾多次傳出緋聞,女方仲自爆4年內戀上19個男仔。連詩雅剛出道時發展不錯,憑電影《喜愛夜蒲》人氣急升;直到2015年被爆與前男友曲赤嘅親密照片,其後佢開記者招待會承認16歲時與男方交往過,但並唔清楚照片流出嘅原因。

連詩雅承認16歲時與曲赤交往過!Photo from 連詩雅IG

坦承年少時誤打誤撞戀上有婦之夫?!

之後,連詩雅接受訪問時坦承16、17歲時曾與「永安太子爺」郭永淳交往,二人關係只係維持咗幾個月就結束!但佢分手後先知道對方係有婦之夫,仲因此被網民冠上「小三」之名,而佢亦因此而傷心流淚。其後,佢同王浩信喺2006年拍攝《愛你便愛》MV時擦出愛火,二人交往咗幾個月。

16、17歲時連詩雅表示曾與「永安太子爺」郭永淳交往幾個月,宜家男方已經與楊愛瑾結婚多年!Photo from Miki IG

2006年,連詩雅與王浩信合作拍攝MV而拍拖幾個月Photo from 《愛你便愛》MV

多次與合作男演員傳緋聞

2012年,連詩雅與周柏豪傳出緋聞,不過佢哋解釋佢哋已經相識10幾年,只係兄妹關係。其後,拍攝電影《喜愛夜蒲》系列時,因為同對手關楚耀有多場親密對手戲而傳出緋聞。當時關楚耀喺受訪時表示拍攝期間身心都有反應,仲因此愛上對方;搞到被關楚耀前圈外女友不停於社交媒體大罵Shiga係「小三」,男方後來澄清二人絕無發展空間,但Shiga已經因此而形象插水!

連詩雅與周柏豪曾多次合作,仲因此傳出緋聞,但佢哋表示二人只係兄妹關係。Photo from 娛樂新聞台

拍攝電影《喜愛夜蒲》系列時,關楚耀坦承一度愛上連詩雅!Photo from 關楚耀IG

先後戀上「麻將館大王」太子爺石恆聰、音樂才子徐浩

2014年,連詩雅傳出與「百億麻將館大王」太子爺石恆聰拍拖。2017年,佢就傳出與音樂才子徐浩熱戀,但當時一度盛傳佢與石恆聰「重燃愛火」,不過對方最終選擇同阿Sa一齊,而佢亦正式與對方斷絕來往,與徐浩相戀。其後佢於2020年出席活動時承認於2019年年尾與徐浩分手,結束2年多感情,二人再見亦是朋友!

2014年,連詩雅與麻雀館太子爺石恆聰相戀Photo from 連詩雅IG

2017年,連詩雅與徐浩熱戀,不過戀情於2019年年尾結束!Photo from 徐浩IG

陳家樂入行後都緋聞不斷!

陳家樂入行後都曾傳出唔少緋聞㗎~2013年,陳家樂與林欣彤疑似因拍攝《DIVA華麗之後》而戲假情真;然而當時女方正與羅孝勇交往中,有傳二人亦因此而分手收場。

陳家樂同林欣彤因合作拍攝電影而傳出戲假情真!Photo from 《DIVA華麗之後》

當時同林欣彤交往中嘅羅孝勇,不過二人好快就分咗手!Photo from 羅孝勇IG

被前女友「Emily-EY」爆料

後來,有一位名叫「Emily-EY」嘅女網民自稱係陳家樂交往多年嘅女友,突然於微博大爆遭男方背叛,暗示對方一腳踏幾船等;而陳家樂亦承認該女子係前女友,當時表示想一心專注工作先!

「Emily-EY」自稱係陳家樂嘅前女友大爆男方過往黑歷史!Photo from 陳家樂IG

當時呢位女網民暗示男方一腳踏幾船,而陳家樂亦承認佢前女友嘅身份!Photo from 微博

與余香凝約4年情最受關注!

2014年,陳家樂因為拍攝《總有出頭天》與余香凝擦出愛火,二人愛得高調,經常一齊出席活動及大晒甜蜜合照,當時男方仲向傳媒承諾會於5年內與女友結婚!直到2018年,二人分手嘅消息傳出,而女方仲被拍到疑似移情別戀金融財俊Victor。後來余香凝否認因第三者介入導致感情決裂,而陳家樂就喺接受傳媒訪問時忍唔住傷心落淚,一度引起網民熱議。

陳家樂與余香凝相戀3年多,但2018年傳出分手。Photo from 陳家樂IG

余香凝喺2020年尾與圈外男友結婚,仲誕下囡囡~Photo from 余香凝IG

同時與湯怡、陳瀅傳緋聞

回復單身嘅陳家樂喺2019年被拍到與湯怡、陳瀅過從甚密,與陳瀅緋聞鬧得沸沸揚揚。有指二人因為拍攝劇集《廉政行動2019》而認識,二人喺訪問中表現得非常熟絡;仲被傳媒拍攝到拜訪女方香閨,不過佢澄清二人僅朋友關係!

當時湯怡亦剛好與洪卓立分手,二人合作導致傳出緋聞。Photo from 湯怡IG

廣告
廣告

陳家樂回復單身後仲有同陳瀅傳緋聞!Photo from 娛樂新聞台

與連詩雅感情一度出現暗湧?!

上年4月,已經同連詩雅傳出緋聞多時嘅陳家樂被指與2019年港姐冠軍黃嘉雯互動頻繁,據悉二人因為拍攝劇集《把關者們》而變熟,令外界一度認為佢同連詩雅嘅感情出現暗湧!

陳家樂與連詩雅傳出緋聞期間,曾與19年港姐冠軍黃嘉雯傳緋聞!Photo from 黃嘉雯IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

連詩雅罕有性感晒好身材!谷出3吋事業線,網民:估唔到有啲料到

22 Apr , 2022

連詩雅(Shiga)一向身型纖幼,近日佢仲剪去長髮,以清爽短髮示人。連詩雅喺IG大晒靚相,更性感打扮,大方派福利罕露事業線,即吸近1萬個likes!不過有網民留言暗指佢之前身材無咁勁。

連詩雅(Shiga)一向身型纖幼Photo from 連詩雅IG

連詩雅剪短頭髮大讚方便

連詩雅出道超過10年,入行以嚟佢都幾乎無點變過,一直都係以長髮look示人,不過今年初佢就剪咗短頭髮,成個人氣質都唔同咗!

今年初連詩雅剪咗短頭髮,成個人氣質都唔同咗!Photo from 連詩雅IG

剪咗短髮後Shiga有繼續喺IG大晒靚相,佢最近就公開身穿白色長裙嘅美照並留言表示:「短頭髮真的幾方便,5分鐘沖個涼洗頭,唔使5分鐘吹乾。」又hashtag「#而家冇藉口唔洗頭」

剪咗短髮後Shiga有繼續喺IG大晒靚相,佢最近就公開身穿白色長裙嘅美照Photo from 連詩雅IG

收起長腿,大晒3吋事業線

雖然連詩雅大讚短髮夠方便,但仍有好多fans留言指佢長髮更好睇,希望佢快啲留返長。有網民就關注另一個「重點」,Shiga今次著長裙收起一雙長腿,但就罕有小露性感。

雖然連詩雅大讚短髮夠方便,但仍有好多fans指佢長髮更好睇Photo from LIHKG

連詩雅IG唔少人留言希望佢快啲留返長Photo from 連詩雅IG

長裙deep V設計令連詩雅谷出3吋事業線,一洗以往「iPad」之名,唔少網民驚歎佢嘅好身材,但亦有人留言暗指:「點變條界出來㗎?」、「咁都擠到條線」、「好用力big出來的」

長裙deep V設計令連詩雅谷出3吋事業線Photo from 連詩雅IG

有人留言暗指:「擠擠還是有的」Photo from 連詩雅IG

網民:「佩服你咁都擠到條線」Photo from 連詩雅IG

網友似有所指:「好用力big出來的」Photo from 連詩雅IG

以往亦經常派福利

其實連詩雅一向唔吝嗇晒出心口派福利,但就被指「無咩睇頭」,即使係著泳衣都未見有咁震撼嘅效果。

其實連詩雅一向唔吝嗇晒出心口派福利Photo from 連詩雅IG

連詩雅IG有唔少靚相Photo from 連詩雅IG

連詩雅之前著泳衣都未見有咁震撼嘅效果。Photo from 連詩雅IG

連詩雅曾著晚裝大方展露身材,當時亦成為話題,今次再度「升cup」谷出3吋事業線難怪like數同留言數都大幅上升!

連詩雅曾著晚裝大方展露身材,當時亦成為話題Photo from 連詩雅IG

連詩雅熱愛運動Photo from 連詩雅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel