溫碧霞出道40年激罕換新髮型！打扮十年如一日，齊蔭look成功減齡？

55歲嘅溫碧霞近年北上發展，出演綜藝都會讚佢「不老美魔女」，不過佢十年如一日嘅造型曾被指唔適合佢嘅實際年齡。近日佢喺微博分享近照，一改以往嘅經典髮型，以齊蔭新look示人，引起熱議！

Photo from 溫碧霞微博

溫碧霞身材外型保養得宜

溫碧霞出道多年，參演嘅香港電視劇唔算多，但佢喺《火玫瑰》飾演嘅「海潮」、《封神榜》嘅「妲己」都令人留下深刻印象，成為經典角色，佢更係好多人心目中「最美妲己」。

Photo from 《封神榜》

Photo from 《封神榜》

演藝生涯有代表角色，溫碧霞本人亦保養得宜，多年嚟努力維持少女身型，上綜藝節目又憑「神仙身材」登上微博熱搜，可見大眾都認同佢駐顏有術。

Photo from 溫碧霞微博

中間分界長髮十年如一日，溫碧霞突換齊蔭新髮型

溫碧霞於1982年拍攝電影《靚妹仔》入行至今已有40年，佢身材外型keep得同出道差唔多，連造型、打扮都充滿少女心，尤其係髮型，中間分界長髮幾乎係佢個人標誌，十年如一日。

Photo from 溫碧霞微博

近日佢喺微博公開近照：「心情靚靚換個新髮型來迎接美好的夏天來臨」，相中佢罕有轉咗新髮型，唔再係萬年不變嘅中分頭，而係堪稱減齡效果超強嘅齊瀏海！

Photo from 溫碧霞微博

Photo from 溫碧霞微博

齊蔭look成功減齡？

溫碧霞影相不忘大擺嘟嘴pose，少女心滿滿！佢於6月1日兒童節發文：「勿忘初心，永遠帶着童心快樂每一天：）」睇嚟佢心態的確非常年輕！唔少網友都大讚佢新髮型顯得好年輕，但亦有人指似假髮。

Photo from 溫碧霞微博

Photo from 溫碧霞微博

但溫碧霞隨後再晒新相，相中佢依然係「跌膊」造型，但髮型就係齊蔭頭，相信佢真係剪咗新髮型，有fans留言：「終於換髮型了！好看！」大讚「姐姐好美」～

Photo from 溫碧霞微博

Photo from 溫碧霞微博

Photo from 溫碧霞微博

相關文章：55歲溫碧霞擔任時裝秀模特兒，超少女心穿搭被網民狠批！獨特穿衣風格頻頻惹關注，偏愛吊帶衫？

相關文章：古巨基+鄧麗欣獲封被唱歌耽誤嘅畫家！溫碧霞、容祖兒作品走可愛路線？ 5位藝人老虎畫作大比拼！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

溫碧霞事隔19年再扮妲己零違和！54歲凍齡外貌身材都同二十年前一樣！

17 Nov 2020

TVB劇集《封神榜》中溫碧霞飾演「蘇妲己」，成為經典角色，估唔到19年後佢再扮妲己，外貌身材都keep得好好，54歲做返35歲嘅造型都零違和感！好似時光倒流咁無變過！

TVB劇集《封神榜》於2001年播出，係唔少90後嘅童年回憶，劇中好多角色都深入民心，其中包括溫碧霞飾演「蘇妲己」。

Photo from 溫碧霞微博

當年溫碧霞飾演嘅奸妃妲己，雖然係奸角，但係造型非常美艷，角色亦好受歡迎，更成為經典。

Photo from 溫碧霞微博

當時溫碧霞35歲，演禍國狐狸精展現嫵媚神態，獲譽為「最美麗妲己」。

Photo from 溫碧霞微博

溫碧霞最近再扮妲己，回憶返晒嚟！佢再扮返2001年《封神榜》中嘅造型，完全無違和感，睇落根本唔似20年後新相。

Photo from 溫碧霞微博

今年54歲嘅溫碧霞保養得超好，唔止外貌凍齡，連身材都相當苗條，演返魅惑眾生嘅奸妃妲己都入型入格！

Photo from 溫碧霞微博

佢晒出造型照：「這次拍攝廣告又演妲己，感覺又回來了，紂王跟以前感覺也是一模一樣，哈哈，時光又再倒流啊：）?❤️❤️❤️ps. 妲己回來了❤️❤️❤️ ​​​​」

Photo from 溫碧霞微博

Photo from 溫碧霞微博

可左右滑動看圖：

網友大讚佢一啲都無變：「我甚至覺得你拿20年前的舊圖騙我！」

大家係咪都覺得佢0走樣？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）