download HolidaySmart 假期日常 app
【Ian陳卓賢生日應援】Hellosss賀Ian29歲生日!慈善展覽/期間限定店/巨型生日壁畫打卡!

【Ian陳卓賢生日應援】Hellosss賀Ian29歲生日!慈善展覽/期間限定店/巨型生日壁畫打卡!

娛樂新聞
By Haitaeng on 09 Jun 2022
Digital Editor

MIRROR成員Ian陳卓賢於6月9日迎來29歲生日喇!為慶祝偶像生日,陳卓賢國際歌迷會今年嘅生日應援特別以慈善為宗旨,舉辦一連串活動,其中重點推介為期10天嘅生日慈善展覽,設有多個打卡位、遊戲及期間限定店!另外,在上環仲有巨型生日卡壁畫,Hellosss(Ian粉絲昵稱)記得抓緊機會去朝聖啊~即睇Ian 29歲生日應援活動詳情!

Ian陳卓賢於6月9日迎來29歲生日啊~生日快樂!Photo from IG@Ian陳卓賢

·Ian陳卓賢生日應援 | Ian壽星驚喜亮相【更新:6月12日】

6月9日為Ian的正日生日,一眾Hellosss當日特別在慈善生日展覽舉行全球慶祝活動,與世界各地的粉絲透過視像形式,一起進行全球連線切蛋糕儀式,同步為偶像慶祝生日。Ian不但突然驚喜加入直播環節,之後更親身出現在會場,立即引起全場粉絲轟動,齊齊合唱生日歌,獻上滿滿的祝福~

Ian驚喜亮相,現場的Hellosss都相當激動!Photo from 陳卓賢國際歌迷會

Ian非常感謝粉絲為自己舉行的大小生日應援和慈善活動~Photo from 陳卓賢國際歌迷會

細心欣賞Hellosss精心準備的生日蛋糕~Photo from 陳卓賢國際歌迷會

Ian許願中~Photo from 陳卓賢國際歌迷會

Ian與Hellosss們一起大合照~現場有超過2,000人一起見證這場盛事,場面墟冚!Photo from 陳卓賢國際歌迷會

·Ian陳卓賢生日應援 | 生日慈善展覽「Paint The World Spread Your Love」

為慶祝Ian迎來29歲生日,陳卓賢國際歌迷會於九龍灣國際展貿中心舉辦為期10天嘅生日慈善展覽,以慈善為宗旨,主題設為「Paint The World · Spread Your Love」,相當有心思!展覽以Ian嘅歌曲作串連組成7大部分,現場有影片、相片、畫作和打卡位,以及售賣應援物和玩遊戲等環節~活動所得嘅款項在扣除成本後,會以Ian嘅名義,全數捐贈各個慈善機構,為偶像慶生之餘,齊齊獻愛心喇!

陳卓賢國際歌迷會為慶祝Ian生日,特別舉辦為期10天的生日慈善展覽「Paint The World Spread Your Love」,並以Ian的歌曲串連,特設7大打卡位!Photo from IG@kongpigation

-二期大mon

九展二期大螢幕會播放長達20分鐘歌迷會收錄關於Ian不同時段嘅回顧~另外,歌迷會特別安排於6月9日下午5時,與展覽會會場嘅Hellosss們透過二期大Mon和海外粉絲全球連線一齊切生日蛋糕!同時,ianchan.hk會安排IG Live予未能出席或加入連線嘅Hellosss一同參與及見証。有興趣嘅朋友記得Mark實時間!

九展二期大螢幕播放歌迷會收錄關於Ian的各種回顧~Photo from IG@kongpigation

-搞不懂畫展定相展

《尋· 卓賢音樂之旅》畫展兼相展邀請10位畫家以Ian出道至今嘅10首作品為主題化成畫作,仲會展出Ian各式各樣嘅靚相!

「搞不懂畫展定相展」以Ian的十首歌曲為主題~Photo from IG@kongpigation

邀請10位畫家創作不同風格的Ian畫作!Photo from IG@mcsiubboo

Ian出席不懂活動的靚相~Photo from IG@fiilmbyyme

-正式開始壓幣…機

首次登場嘅壓幣機,推出4款不同設計嘅金幣匙扣,相當有紀念價值,絕對好好收藏!每人限壓4次,每次$20,但須自備$10或$20紙幣~

-GOT U扭蛋GOT!

推出8款不同嘅生日扭蛋應援物,包括迷你立牌、小卓賢胸針及磁石貼等,會扭到邊一款就完全靠運氣!扭一次$40,可同工作人員兌換代幣,每人每次限買4個代幣。

現場有生日限定應援物的扭蛋可以玩!Photo from IG@mcsiubboo

-留一天與你合照拼圖

在現場拍照打卡,再上傳到Instagram,並hashtag #happyian29thbirthday,可即時印出拼圖貼紙,組合成一張巨型橫幅~而當中嘅照片可以列印成4R相作為紀念!

集合多位Hellosss親自貼上的拼圖貼紙,組成一張巨型橫幅!Photo from IG@kongpigation

-另一個pop up store

期間限定店售賣多款紀念品,包括水晶球小擺設、大象杯、漫畫書、皮製搓手液套及應援毛巾等。6月9日當天更有小卓賢野餐墊及小小卓賢匙扣限量發售~凡購買任何商品,即可獲得1張HAPPYIANDAY生日海報,但每人每款產品只限購兩件,售完即止!

期間限定店售賣各式各樣的限量紀念品,Hellosss必買Photo from IG@mcsiubboo

-Don't wanna only be助養「SAA x Hellosss毛孩助養計劃」

除咗生日慈善展覽,歌迷會是次特別與保護遺棄動物協會(SAA)合作,舉辦「SAA x Hellosss毛孩助養計劃」~歌迷會早前自組義工隊和SAA合辦賣旗日,在屯門、大埔、荃灣和將軍澳賣旗,所有收益全數撥捐作支付會內動物診金及醫療費用。另外,SAA亦有派出義工到展覽設置一日限定嘅助養站,並配合Ian於6月9日生日,安排69隻毛孩供在場人士助養。而SAA早前就宣布69隻可愛的毛孩已全數被成功助養,讓慶生活動變得更有意義!不過,除咗是次嘅助養站,有興趣助養/領養毛孩嘅朋友,亦可到SAA網站查詢相關詳情~

歌迷會早前自組義工隊和SAA合辦賣旗日~Photo from 陳卓賢國際歌迷會

歌迷會與保護遺棄動物協會(SAA)合作舉辦「SAA x Hellosss毛孩助養計劃」,呼籲大家助養/領養毛孩~Photo from IG@kongpigation

「Paint The World · Spread Your Love」生日慈善展覽
日期:2022年6月3日~12日
時間:12pm~8pm
地點:九龍灣國際展貿中心地下中庭

「Paint The World · Spread Your Love」期間限定店
日期:2022年6月3日~5日、6月9日、6月11日~12日
時間:12pm~8pm
地點:九龍灣國際展貿中心地下中庭

*特別留意,為配合6月9日下午嘅全球連線切蛋糕活動,當天所有展覽及各遊戲會於下午4時開始暫停開放,直至儀式全部完成。

建築墻外仲有巨型生日打卡景點!Photo from IG@pipimirror

·Ian陳卓賢生日應援 | 巨大生日卡壁畫

又多一個Ian生日必打卡景點!配合今年嘅生日主題,陳卓賢國際歌迷會特別邀請本地著名插畫師皮忠在上環一外墻繪製街頭繪畫,並由Hellosss們幫手填色,製作一個色彩繽紛嘅巨型生日卡壁畫墻,並以Ian嘅歌曲《留一天與你喘息》其中一句歌詞「悠悠一刻枱頭…」為靈感,命名為「油油一刻街頭繪畫」~壁畫以慶祝Ian生日為主題,並加入與他生活相關的元素,包括愛犬「雞髀」和代表動物樹熊。而它們嘅服飾靈感源自Ian最新單曲《Got U》MV中嘅造型,太有心思啦!至於畫中嘅地球則代表著Ian在世界各地都擁有歌迷會,一齊為偶像慶生~

油油一刻街頭繪畫~Ian和愛犬雞髀和代表動物樹熊一起慶祝生日!Photo from IG@mirror_channel

Hellosss們一起參與填色,讓這幅巨大的生日卡壁畫更具意義!Photo from 陳卓賢國際歌迷會

當中仲有家長帶同小Hellosss前來參與填色啊~Photo from 陳卓賢國際歌迷會

油油一刻街頭繪畫
日期:2022年6月5日~6月12日
地點:上環荷里活道180號

在上環仲有Ian新歌《Got U》的宣傳Sticker Wall~記得要打卡!Photo from IG@mirror_channel

《Got U》上環Sticker Wall戶外宣傳
日期:即日至2022年6月12日
地點:上環東街38號

·Ian陳卓賢生日應援 | 巴士站生日燈箱

配合Ian近期推出嘅新歌《Got U》,歌迷會特別打造巴士應援及巴士站燈箱~不過,配合Ian嘅生日,部分巴士站燈箱就換成生日燈箱,Hellosss們記得把握機會去打卡喇!

生日限定的巴士站生日燈箱~Photo from IG@pipimirror

巴士站生日燈箱
日期:2022年6月3日~25日
地點:K004尖沙咀-彌敦道九龍酒店對外/K023油麻地-彌敦道近逸東酒店/K082尖沙咀-彌敦道柏麗大道對外/K088旺角-彌敦道銀行中心對

·Ian陳卓賢生日應援 | 世界各地生日應援

除咗香港,世界各地嘅Hellosss們亦紛紛發起生日應援活動,包括澳門、加拿大、澳洲、美國、馬來西亞、台灣及英國等,都相繼推出及參與不同的慈善及義賣活動,包括為兒童醫院籌款、幫助發性硬化症嘅患者、露宿家庭嘅兒童、癌症病人及為毛孩買糧食等~慶祝偶像生日之餘齊齊獻愛心,認真有愛!即睇部分海外粉絲的生日應援活動~

加拿大Fan Club率先發起慈善活動,以「Ian Chan Fan Club Canada」組隊參加慈善跑步活動「Million Reasons Run」,一起為加拿大12間兒童醫院籌款。Photo from IG@ianchan.hk

美國歌迷會以「Ian Chan International Fan Club」名義籌辦「Building A Future Without Homelessness」活動,收集所需物資幫助露宿家庭的兒童~Photo from IG@ianchan.hk

馬來西亞Fan Club舉辦「留一天與你行善」慈善義跑/步行,並以Ian陳卓賢的名義一齊做慈善~Photo from IG@ianchan.hk

台灣歌迷會推出打卡捐款活動,在台灣各地景點和Ian應援打卡,再短片送上生日祝福,並捐款到台灣任何慈善機構~Photo from IG@ianchan.hk

澳門歌迷會與澳門扶康會合辦手作工藝工作坊,藉以藝術創作的方式,Ian送上祝福之餘,亦為支持殘疾人士的身心發展出一分力。Photo from IG@ianchan.hk

澳門歌迷會捐出11套「留一天與你喘息」應援物作義賣,善款全數用作予澳門毛孩守護舍購買幼犬糧食。Photo from IG@ianchan.hk

悉尼和墨爾本的Hellosss以「Ian Chan Fan Club Australia (SYD)」和「Ian Chan Fan Club Australia (MEL)」名義,參加由Multiple Sclerosis Limited舉辦的MS慈善步行2022,以幫助多發性硬化症的患者可以重投社會~Photo from IG@ianchan.hk

英國歌迷會於6月舉辦每日一萬步活動,以步行籌款來支持英國Macmillan Cancer Support,所有善款全數撥入該機構,讓更多癌症病人得到適當的支援吧!Photo from IG@ianchan.hk

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel