download HolidaySmart 假期日常 app
港男做壽司郎返工一日即辭職:唔係人做!不停講日文、忙到一腳踢

港男做壽司郎返工一日即辭職:唔係人做!不停講日文、忙到一腳踢

時事熱話
By Jennifer on 08 Jun 2022
Digital Editor

日本過江龍「壽司郎」登陸香港後十分受歡迎,不過日前喺Facebook群組「香港壽司刺身關注組」就有網友發文指自己返咗一日工就頂唔順辭職,大呻好多嘢做,又要狂嗌口號,直言:「唔係人做!」

日本過江龍「壽司郎」登陸香港後十分受歡迎Photo from 壽司郎

網友發文稱自己喺壽司郎做咗一日就辭職?

餐廳受歡迎唔代表員工都會中意。壽司郎來港開店後幾乎每日都大排長龍,分店越開越多,人氣依然高企!不過喺員工嘅眼中可能又係另一種睇法。喺Facebook群組「香港壽司刺身關注組」有網友發文稱自己喺「壽司X」做咗一日就無做。

壽司郎來港開店後幾乎每日都大排長龍,分店越開越多,人氣依然高企!Photo from HolidaySmart

要不停講日文

網民更列出3點,力證份工「唔係人做」!佢表示壽司郎要求不停講日文,一般日本食肆都會要求員工講下「いらっしゃいませ(irassyaimase)」,但事主稱壽司郎要講日文嘅頻密程度遠超其他日本食肆。

網民表示壽司郎要求不停講日文Photo from 《VOICE 4》劇照

佢表示:「去到公司門口要講、搵人睇住你洗手要講、洗完手要做精神確認要講、入去廚房要講、去樓面幫手要講」,基本上去到邊都要講日本,而且更要大聲講,事主呻如果唔夠材料要好大聲講出嚟,佢又指連每30分鐘清潔完都要大嗌「X號手握壽司完成清潔!」令佢不勝其煩。

事主呻如果唔夠材料要好大聲講出嚟,佢又指連每30分鐘清潔完都要大嗌「X號手握壽司完成清潔!」令佢不勝其煩。Photo from 《極道主夫》劇照

狂洗手,返工超忙、勁多嘢要記

事主補充稱佢返一日工就洗咗20分鐘手:「返工一次、去廁所一次、食完飯一次」,不過有網民就認為做飲食業勤洗手係好合理,尤其係做壽司,要確保雙手清潔先可以令食客安心。

事主補充稱佢返一日工就洗咗20分鐘手:「返工一次、去廁所一次、食完飯一次」Photo from 《怪胎》劇照

有網民就認為做飲食業勤洗手係好合理,尤其係做壽司,要確保雙手清潔先可以令食客安心。Photo from Facebook群組「香港壽司刺身關注組」

另外事主指份工超級多嘢要記,佢雖然只係第一日返工,但啲嘢點整、擺放位置等都要求佢2~3個鐘內記好晒,之後就要事主一個人做晒,佢大呻:「一腳踢…忙到飛起!!」事主仲話壽司郎要佢新手一個人做晒啲嘢,仲話做唔切、做得慢會被「問候」!

另外事主指份工超級多嘢要記,佢雖然只係第一日返工,但啲嘢點整、擺放位置等都要求佢2~3個鐘內記好晒,之後就要事主一個人做晒Photo from 《深夜食堂》劇照

同日返工員工放lunch即走!港男大呻人工低

事主稱好多人幾個月,甚至做幾日就唔做,佢表示第一日返工就見到同佢一齊返工嘅人食飯嗰陣已經執嘢走,證實有好多員工都頂唔順呢度嘅工作環境極速辭職。事主表示返足176個鐘月薪先有$15,000,每日要返9個鐘,lunch time得1個鐘,仲要係無錢嘅。

事主稱好多人幾個月,甚至做幾日就唔做,佢表示第一日返工就見到同佢一齊返工嘅人食飯嗰陣已經執嘢走Photo from 《IT狗》劇照

事主表示返足176個鐘月薪先有$15,000,每日要返9個鐘,lunch time得1個鐘,仲要係無錢嘅。Photo from Facebook群組「香港壽司刺身關注組」

即睇事主全文:

事主全文Photo from Facebook群組「香港壽司刺身關注組」

日資公司唔啱香港人做?

之前連登討論區有網民表示壽司郎呢種日資公司嘅經營方式對員工嚟講真係好唔友善:「寬人嚴己,福利又差」、「做飲食唔比傾計d時間點挨」、「日資人工普遍低市價一截」、「日資公司最鍾意做精神確認」

日資公司唔啱香港人?Photo from 《極道主夫》劇照

連登討論區有網民表示壽司郎呢種日資公司嘅經營方式對員工嚟講真係好唔友善Photo from LIHKG

網民:「做飲食唔比傾計d時間點挨」Photo from LIHKG

網友指:「日資公司最鍾意做精神確認」Photo from 《未生》劇照

網民稱側面反映壽司郎好衛生

不過亦有網民指睇完後反而對壽司郎好有好感,指佢要求員工洗足咁多次手感覺真係好衛生:「顧客角度睇完你個po,對衛生有要求壽司郎最少加20分」、「睇完即刻覺得間野衛生幾好,對員工都要求咁高其他應該都差極有個譜」、「對食客嚟講就好好,好衛生」

亦有網民指睇完後反而對壽司郎好有好感,指佢要求員工洗足咁多次手感覺真係好衛生Photo from Facebook群組「香港壽司刺身關注組」

網友:「睇完即刻覺得間野衛生幾好,對員工都要求咁高其他應該都差極有個譜」Photo from 《孤獨的美食家》劇照

有人認為員工角度唔啱做可以離職,指唔覺得公司要求好過分。網民稱做其他公司亦有機會遇到其他問題:「去邊到做嘢都係歷練。」

有人認為員工角度唔啱做可以離職,指唔覺得公司要求好過分。Photo from 《男人唔可以窮》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

55歲新同事返工5分鐘就辭職:份工唔啱我!公司請人求其vs份工太辛苦

13 Dec 2021

公司有同事離職都會招聘返新人接替其工作,近日有網友喺討論區指公司有新同事返工,點知新同事返咗一陣就自言唔適合,更表示要辭職,令網友同一班同事大為愕然!

公司有同事離職都會招聘返新人接替其工作

公司聘請新同事

同事離職喺職場上十分普遍,有時會慶幸一啲合作唔愉快嘅同事離開,令工作更順利;亦有時會擔心新同事無舊同事咁好相處,而新入職嘅員工亦可能會因為去到一個新環境而感到緊張。

新入職嘅員工亦可能會因為去到一個新環境而感到緊張。

最近喺香港討論區就有網友發文指公司一位同事即將離任,為填補返個空缺,公司聘請咗一位新員工,並希望即將離任嘅同事可以教返新同事日常工作。

最近喺香港討論區就有網友發文指公司一位同事即將離任,為填補返個空缺,公司聘請咗一位新員工

55歲新同事返工學習5分鐘決定離開公司

新同事入職當日樓主嘅上司就為部門各位同事作介紹,樓主指新同事年齡約為55歲以上,應該擁有豐富嘅工作經驗,並非職場新人。

新同事入職當日樓主嘅上司就為部門各位同事作介紹,樓主指新同事年齡約為55歲以上

之後將離職嘅同事就與新同事作工作交接,等佢了解實際工作嘅流程,點知令人意外嘅事發生,新同事聽咗大約5分鐘,就表示份工唔太適合佢,之後離開公司。

離職嘅同事就與新同事作工作交接

新同事聽咗大約5分鐘,就表示份工唔太適合佢,之後離開公司。

返工僅20分鐘就辭職

一班同事都十分錯愕,樓主指新同事由踏入公司門口計起、到上司介紹新同事、之後舊同事教新人工作,全程只係20分鐘左右,返工短短時間就辭職,樓主表示:「認真經典」

新同事返工僅20分鐘就辭職,一班同事都十分錯愕

樓主又稱呢位新同事打破佢喺舊公司時請完新人,唔夠一個鐘(約40分鐘)就唔做嘅記錄,真係一山還有一山高!

呢位新同事打破佢喺舊公司時請完新人,唔夠一個鐘(約40分鐘)就唔做嘅記錄

網民有唔同意見:份工好辛苦/公司請人太隨便

由於樓主未有透露有關職位,有網友就估計嗰位新同事年屆55歲,唔做得啲太辛苦嘅工作於是先辭職。有網友就指佢都見過有人返一個鐘就走咗,認為都係好事因為唔使浪費時間教佢,對方亦唔使花時間學佢唔想做嘅嘢。

樓主未有透露有關職位,有網友就估計嗰位新同事年屆55歲,唔做得啲太辛苦嘅工作於是先辭職

更有網民表示樓主嘅經歷只係小事,佢公司曾經有人返咗3日工,個個都以為係新同事,點知後來先知公司無請過人,「新同事」只係「白撞」。

有網民表示樓主嘅經歷只係小事,佢公司曾經有人返咗3日工,個個都以為係新同事,點知後來先知公司無請過人

亦有網友指出樓主公司請人好有問題:「你地公司請人都好求其喎」,不過可能面試嗰陣無咁多時間全面了解求職者嘅為人先會發生呢件事。

有網友指出樓主公司請人好有問題:「你地公司請人都好求其喎」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel