【無人能抗拒嘅奶茶!】LEAVES砂拉越三色奶茶開箱試飲~香滑濃郁+健康椰糖製造~雪凍飲超有驚喜又消暑

【無人能抗拒嘅奶茶!】LEAVES砂拉越三色奶茶開箱試飲~香滑濃郁+健康椰糖製造~雪凍飲超有驚喜又消暑

美食推介
By Twinky Chan on 08 Jun 2022
Project Editor

炎夏侵襲,喺街上經常大汗疊細汗,想秒速降溫,一杯冰凍奶茶相信係唔少人嘅心頭好,尤其喺奶茶控,飲一啖瞬間透心涼~然而唔少朋友都有住想飲但又怕邪惡糖份嘅矛盾,好彩小編最近試到一款全新登陸香港嘅馬來西亞特色飲品「LEAVES砂拉越三色奶茶」,佢唔單止香滑,最開心嘅係以健康嘅純天然椰糖製成,就算飲多啲都唔覺有罪惡感!想知邊到有得買,就要繼續睇小編嘅介紹啦~文末仲有獨家試飲優惠𠻹,記得要Bookmark定喔!

 

#跟低升糖Trend~純天然椰糖製,奶茶控必試!

對於奶茶控嚟講,馬來西亞嘅三色奶茶(3-Layer Milk Tea)一定唔會陌生!佢比起香港嘅奶茶多咗一分椰糖香~而「LEAVES砂拉越三色奶茶」最令小編心心眼嘅係以馬來西亞嘅傳統純天然糖-馬六甲椰糖(Gula Melaka)製成!仲要全人手採集~製作過程一啲都唔簡單!

唔講唔知,原來椰糖嘅升糖指數屬於低,只有54(相等於糙米、豆類等食品);而且係天然健康代糖!難怪小編試飲個陣,都覺得甜而不膩 、就算飲多幾啖,都唔會覺得邪惡!

由馬來西亞傳統純天然糖-馬六甲椰糖製成~甜而不膩!Photo from HolidaySmart

 

#完美透心涼之選~飲一啖即時降溫!爽

香港嘅夏天真係彷如「蒸爐」 一樣,除咗可以自攜風扇享受涼風之外,而家推介多個消暑方案畀大家,就係享受一杯冰凍透心涼嘅「LEAVES砂拉越三色奶茶」!雪凍佢飲簡直令人即時降溫,而且開罐飲之前先搖一搖,味蕾感受到清涼嘅椰糖甜蜜味之餘,奶茶嘅芳香濃郁都更Level Up~

罐面亦加入經典三色奶茶同砂拉越新州立法議會大廈傳統氣息嘅長屋建築圖案,就算而家去唔到馬來西亞旅行都可以飲住罐地道十足嘅「LEAVES砂拉越三色奶茶」重溫當地風光!

雪凍飲超有驚喜~啱晒夏天降溫消暑飲!Photo from HolidaySmart

 

#製作認真,質地醇厚香滑,每啖都係驚喜!

「LEAVES砂拉越三色奶茶」嘅口感亦令小編大為驚喜!佢以高度發酵嘅紅茶為基底,加入咗新西蘭奶源,濃郁滑口!而喺茶香、奶香、糖香三重口感Mix下,令呢款馬來西亞「國民飲料」口感層次更加豐富!仲要唔含人造甜味劑、防腐劑同人造色素~難怪喺馬來西亞榮獲多個獎項啦,真係令人一啖一驚喜!

茶香、奶香、糖香三重口感Mix埋~口感非常豐富Photo from HolidaySmart

 

#即Check Circle K獨家限時試飲優惠!唔好錯過~

睇完小編介紹係咪心心眼想即刻飲返罐呢?而家機會嚟啦!全新「LEAVES砂拉越三色奶茶」已經獨家登陸全港Circle K便利店啦,仲要由即日起至6月15日有獨家試飲價優惠!Circle K總有一間喺你左近,快啲即刻入手同小編享受一個冰涼夏日啦!

 

Text:HolidaySmart Editorial
Photo from:HolidaySmart
Featured for:ACE EXCELLENT LIMITED

 

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel