download HolidaySmart 假期日常 app
置業6000萬洋房被財務公司收回,「呼吸Plan」貸款計劃供到缺氧!每月還132萬

置業6000萬洋房被財務公司收回,「呼吸Plan」貸款計劃供到缺氧!每月還132萬

生活熱話
By Moon Lam on 10 Jun 2022
Digital Content Writer

沙田有豪宅因業主未能價還「呼吸Plan」,被發展商旗下財務公司沒收單位2,144呎單位,並重新推出市場放盤,叫價更比四年前成交價低。

《金秘書為何那樣》劇照Photo from 《金秘書為何那樣》劇照

近年的經濟環境較差,有機構就推出名為「呼吸Plan」嘅貸款計劃,形容門檻低、批核寬鬆嘅嘅按揭計劃,申請人只需要提供簡單文件,例如身分證、住址證明,甚至連入息證明都有機會唔洗出示,就可以成功獲批高成數按揭,容易到好似只要申請人有呼吸就可以獲批咁!

《上流寄生族》劇照Photo from 《上流寄生族》劇照

位於沙田九肚山嘅豪宅澐灃,被沒收嘅係一幢單號屋,四年前買家透過「呼吸Plan」以5,940萬元買入。而當時嘅計劃係由發展商提供,買家向指定財務公司申請按揭貨款,最高可以貨款樓價嘅80%,即大約4,752萬,買家要係36個月內償還按揭貸款嘅全部本金。

代理提供圖片Photo from 九肚山:澐灃La Vetta Facebook

將呢筆款項分36個月還,即係每月要還132萬,而且金額未計利息。當年推售單位時,呢類計劃就以「先付後住」、「首三年供息不供本」、「一按八成免壓測」為賣點,更有代理形容為「白食白住plan」。

中原地產 影片截圖Photo from 中原地產 影片截圖

不過有指買家未能償還一按款項,導致單位被財務公司沒收,而洋房重新放售叫價約5,800萬元。據知沒收洋房嘅財務公司係發展商旗下公司,單位會由發展商繼續負責銷售。

《上流寄生族》劇照Photo from 《上流寄生族》劇照

根據放盤代理資料,澐灃由永泰亞洲及萬泰集團合作發展,洋房實用面積有2,144平方呎,四房間隔,有樓梯連接上下層,仲包全屋傢俱。

中原地產 影片截圖Photo from 中原地產 影片截圖

有網民就以為事主真係「白食白住」咗左三年先比財務公司收返單位,但有人就解釋事主係「呼吸Plan」變「呼救plan」,已經比咗約1,200萬首期,最後無辦法係36個月內還哂本金,仲話「呼吸Plan」置業隨時「中伏」,財務公司係發展商旗下,供到嘅賣到個單位,供唔到又賺咗人地個首期,個單位可以再賣,點都唔會輸,相反係事主得不償失。

《梨泰院class》劇照Photo from 《梨泰院class》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel