香港小姐2022｜重慶綺夢參選勁自信！曾想脫癦，一原因保留銷魂癦
Photo from 娛樂新聞台
《2022年香港小姐競選》首輪面試「重慶綺夢」登場震撼網民
每年嘅港姐面試都會成為話題，早前舉行嘅《2022年香港小姐競選》第一輪面試就有唔少令人留下深刻印象嘅佳麗，「重慶綺夢」Atlantico就係其中一個。
Photo from 娛樂新聞台
「抽水大師」林作就曾公開表示全力支持佢參選，又指已同重慶綺夢取得聯繫，並稱可透過佢邀約重慶綺夢參與採訪拍攝工作。可惜綺夢最終未能入圍複選，無緣喺電視機到見到佢。
Photo from 林作 IG
Photo from 林作 IG
Photo from 娛樂新聞台
「重慶綺夢」Atlantico受訪稱唔覺自己似綺夢
雖然唔入選，但綺夢人氣不減，曾參選上屆港姐嘅江婉穎（Wynn）就喺抖音拍片訪問佢，「重慶綺夢」Atlantico今年24歲，片中佢無再著紅裙，而係以香檳金連身裙出鏡。
Photo from 娛樂新聞台
Photo from 江婉穎 抖音
Atlantico坦言：「人人都不愛被罵得那麼慘。」但佢同時又大方表示自己既然喺娛樂版登場，令大眾開心一下都無所謂。被問到覺唔覺得自己似綺夢，佢就認為唔太似，但如果一定要有佢覺得可能係1%似。
Photo from 江婉穎 抖音
Photo from 娛樂新聞台
「重慶綺夢」坦言本來好有自信選港姐
提到外界對佢嘅一啲評價，Atlantico明顯都有留意，亦忍唔住雙手掩面，但隨即如常回應，佢直言自己參選港姐本來係好有自信嘅，但睇到一啲傳媒影嘅相佢承認：「連牛扒都不算！」佢又稱自己睇到報道都會笑：「如果大家覺得罵我開心呢可以繼續罵我，然後支持我的朋友呢也請不要上火，Love and Peace！」
Photo from 江婉穎 抖音
Photo from 江婉穎 抖音
Photo from 江婉穎 抖音
Atlantico又提到佢之所以揀著紅裙係因為以前睇香港電影入面有好多紅衣美人，加上上屆香港小姐佢見謝嘉怡都係著紅裙出嚟頒獎，認為紅衫係代表最高禮貌，佢為咗以示尊重亦著上紅裙現身面試。
Photo from 《賭神2》劇照
Photo from 娛樂新聞台
曾想脫癦，重慶綺夢睇相後改變主意
Atlantico仲話佢曾經好糾結想脫癦，但去咗黃大仙畀大師睇相後，對方稱呢粒癦真係好旺財，又指由今年開始行大運，仲要行足30年，令佢打消脫癦念頭。佢仲大讚面試嘅高層好溫柔好有禮貌！
Photo from 江婉穎 抖音
Photo from 江婉穎 抖音
Photo from 娛樂新聞台
網民大讚Atlantico EQ高
成個訪問江婉穎都係用廣東話問，Atlantico用普通話答，但中間有夾雜一兩句半鹹淡廣東話，相信佢係「識聽唔識講」，而睇完訪問後，好多網友大讚佢EQ高，對答得體，可惜唔識講廣東話，指佢無必要參選港姐。
Photo from 江婉穎 抖音
Photo from 江婉穎 抖音
Photo from 江婉穎 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
香港小姐2022｜初選超多鄉音佳麗！重慶紅衣女、女版曾彼特勁搶鏡
2 Jun 2022
《2022年香港小姐競選》召開第一輪面試，唔少參加者都現身將軍澳，今屆有好多佳麗都講普通話，或者有超濃口音嘅半鹹淡廣東話。其中一位著紅色裙嘅重慶佳麗嘴角嘅銷魂癦十分搶鏡！
一對佳麗分別著上黑、白色現身，其中白色裙佳麗爆炸頭非常引人注目，雖然佢哋無除口罩接受訪問，但討論區已有網民封佢為「女版曾比特」。
著上白色梅花裙嘅佳麗叫Rain，佢自言今年23歲，嚟自武漢。
著上紅裙嘅佳麗叫Atlia，一開口就係半鹹淡廣東話，佢從以充滿自信嘅步伐行上前影相。Atlia嘴角銷魂癦相當吸睛！
嚟自河北嘅26歲佳麗Blaire身材逼爆T裇成全場焦點！
呢一對孖妹全程黑面，十分有性格！
佳麗似乎揀錯衫，完全唔顯身型！
佳麗打扮casual，好有落街買餸feel
不過都有好多佳麗都唔錯，畢竟係海選，參加者人數眾多。
即睇其他佳麗：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
