download HolidaySmart 假期日常 app
東張西望|男友擅自用港女賬戶向銀行借錢,信用卡透支逾$13萬!一發脾氣就判若兩人,借錢真正原因極荒謬?

東張西望|男友擅自用港女賬戶向銀行借錢,信用卡透支逾$13萬!一發脾氣就判若兩人,借錢真正原因極荒謬?

時事熱話 生活熱話
By Stephanie on 09 Jun 2022
Digital Content Writer

東張西望》昨日(8日)訪問做一位名叫Eva嘅女生,佢於節目中講述認識男生「阿豪」嘅故事。二人只係交往咗幾個月,但卻發現男友利用佢嘅銀行帳戶前後借錢足足借咗$13萬,而且仲用佢嘅信用卡購買唔少電器,可以話係名副其實嘅「軟飯王」!

22歲港女Eva分享被男友騙嘅經歷??!Photo from 《東張西望》

22歲港女因工作認識男友

相信大家喺認定另一半之前,都會同對方相處一段時間先會確定情侶關係。22歲嘅Eva喺3年前因為工作關係而認識25歲嘅阿豪,隨後Eva離職二人亦因此斷咗聯絡,直到近年佢再次搵返Eva,並主動告白表示鍾意佢好耐!

Eva表示與25歲嘅阿豪喺3年前認識,其後斷咗聯絡。Photo from 《東張西望》

而男方同佢重遇後,就表白話鍾意咗佢好耐!Photo from 《東張西望》

阿豪不惜花盡心思,用2個月就成功追求到Eva!Photo from 《東張西望》

交往初期非常甜蜜,但男友卻突然180度大變?!

二人重新聯絡後,阿豪就落力追求Eva,設法討好佢嘅家人及好友,不停講甜言蜜語;亦令Eva認為佢係一位有禮貌嘅好男仔,僅僅花咗2個月就成功奪取到佢嘅芳心!交往初期,佢哋都同普通情侶一樣處於熱戀期,但唔點解阿豪突然態度180度大變!

而Eva相處後亦覺得阿豪係一位有禮貌嘅好男仔!Photo from 《東張西望》

但阿豪突然之間態度180度大變,脾氣變得好火爆!Photo from 《東張西望》

吵架時判若兩人!

Eva表示二人成日都會為小事而吵架,而男友嘅一發脾氣嘅時候判若兩人!Eva講述其中一次吵架嘅狀況,當時佢表示想離開,但男友卻拒絕,並且用比較誇張嘅手法阻止佢,令佢造成好大陰影。

Eva表示男友發脾氣時旁若兩人,非常可怕!Photo from 《東張西望》

吵架時二人都情緒激動,導致Eva心裏造成極大陰影!Photo from 《東張西望》

擅自利用其網上銀行借13萬!

事後,Eva仲發現阿豪偷偷地利用佢嘅網上銀行申請信用卡現金分期透支,足足透支咗13萬,總共分開咗3次借錢!知道實情後,佢立刻質問男友,而男友就當然否認借錢啦!而且阿豪交往初期曾表示自己做裝修,收入唔錯;但實際上交往期間男友一直都冇工作。

Eva事後發現男友居然用佢嘅信用卡申請現金分期透支!Photo from 《東張西望》

一共分咗3次借錢,總共係大約13萬1千蚊!Photo from 《東張西望》

Eva質問阿豪時,男友否認借錢一事。Photo from 《東張西望》

發現交往期間一直都「養」男友!

Eva一下子恍然大悟,「一開始以為佢(男友)好好啦請我食飯,但宜家先知原來佢食飯、買禮物嘅錢都係用我信用嘅借錢俾」,揭發男友只係一位「軟飯男」!Eva現時已經狠心於對方分手,但嘗試報警求助不果,由於事件涉及感情瓜葛,加上係佢自己自願將個人資料透露俾男友,所以比較難為佢追討金錢。

Eva突然發現交往一直以來所使用嘅費用,全部都係自己嘅錢,簡單而言就係佢養緊男友!Photo from 《東張西望》

雖然佢嘗試報警求助,但因為涉及感情瓜葛,警方建議私下解決。Photo from 《東張西望》

男友阿豪出面回應,解釋借錢真正原因!

而節目組亦成功以電話方式聯絡到阿豪,而對方一開始就承認做錯事「係!我瞞住佢,係我錯!」,仲透露自己用女友信用卡借錢全因「我好奇點解佢只係學生,點解佢獲批嘅信用額可以咁高,但我就唔得?」,解釋真係為咗滿足好奇心,而並非有預謀。

節目組致電阿豪,而阿豪亦承認自己做錯事!Photo from 《東張西望》

阿豪向主持人解釋用Eva信用卡借錢嘅原因,只係因為好奇!Photo from 《東張西望》

未有遵守諾言償還款項!

阿豪仲話已經同Eva嘅姐夫傾好咗,將會每個月償還$6,142,預計2年內還清款項,並且會歸還所購買嘅物品。不過,Eva姐夫表示阿豪承諾過4月會長還第一筆款項,但直到宜家都仲未還錢!

阿豪表示已經同Eva姐夫談妥,將會每個月慢慢還清款項及購買嘅物品!Photo from 《東張西望》

不過由4月講到宜家,Eva尚未接受到第一批嘅還款!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|醫生收$7,800開「免針紙」!觀眾用過後驚犯法即報寸

23 May , 2022

東張西望》有觀眾報料指喺深水埗一間診所有西醫為市民開「疫苗豁免證明書」,其間未有為佢診症及檢查,收費更高達$4,600元!《東張西望》多次「放蛇」報道,更被醫生趕出診所,掀起熱議。

《東張西望》有觀眾報料指喺深水埗一間診所有西醫為市民開「疫苗豁免證明書」

《東張西望》獲報料,有醫生收天價開「免針紙」

「疫苗通行證」已實施咗一段時間,不過仍有唔少市民因為各種原因而無打到疫苗。近日《東張西望》接獲觀眾報料,指深水埗一間診所有西醫為顧客開「免針紙」,收費絕不便宜!

近日《東張西望》接獲觀眾報料,指深水埗一間診所有西醫為顧客開「免針紙」,收費絕不便宜!

報料者Kelly未獲「康復二維碼」,付費買免針紙

Kelly(化名)表示佢之前曾經感染新冠肺炎,但無奈打去衛生署無人接聽,所以佢未能獲取「康復紀錄二維碼」以代替疫苗接種紀錄。眼見唔打疫苗就好多地方都去唔到,喺朋友介紹下Kelly到訪位於深水埗嘅診所。

elly(化名)表示佢之前曾經感染新冠肺炎,但無奈打去衛生署無人接聽,所以佢未能獲取「康復紀錄二維碼」以代替疫苗接種紀錄。

Kelly指醫生無幫佢使任何診症、檢查,又同佢講開免針紙嘅人通常都係話「心臟唔舒服」,醫生打完份報告後表示要收$5,500,Kelly認為收費太貴,好唔合理,醫生就打咗個折畀佢,只收$4,600,由於Kelly身上唔夠現金,所以只係支付$600,再轉帳$4,000。

Kelly指醫生無幫佢使任何診症、檢查

醫生同佢講開免針紙嘅人通常都係話「心臟唔舒服」

醫生打完份報告後表示要收$5,500,Kelly認為收費太貴,好唔合理

醫生就打咗個折畀佢,只收$4,600,由於Kelly身上唔夠現金,所以只係支付$600,再轉帳$4,000。

《東張西望》「放蛇」,醫生指豁免180日收$7,800

《東張西望》節目組致電診所,對方直認有得做免針紙,但指要面對面做,收費則由$3,000至$8,000元不等。之後節目組「放蛇」派幕後工作人員扮顧客,醫生稱可以「敏感」作為免針原因,又表示如果豁免90日收$3,800、180日就收$7,800。

《東張西望》節目組致電診所,對方直認有得做免針紙,但指要面對面做,收費則由$3,000至$8,000元不等

節目組「放蛇」派幕後工作人員扮顧客,醫生稱可以「敏感」作為免針原因,又表示如果豁免90日收$3,800

豁免180日收$7,800。

另一位幕後就扮幫屋企人詢問有關免針紙,醫生問佢唔打針原因,工作人員指:「佢唔想打」,醫生即時一口拒絕:「咁樣開唔到!要有個原因!」,醫生強調要提供到健康原因,又指有啲人會話敏感。

另一位幕後就扮幫屋企人詢問有關免針紙,醫生問佢唔打針原因,工作人員指:「佢唔想打」

醫生即時一口拒絕:「咁樣開唔到!要有個原因!」

醫生強調要提供到健康原因,又指有啲人會話敏感。

《東張西望》引述家庭醫生訪問以及衛生署指引,又喺網上搵到有關診所嘅評價。

《東張西望》引述家庭醫生訪問以及衛生署指引

喺網上有關診所嘅評價。

Kelly怕犯法,醫生大罵《東張西望》節目組

Kelly表示佢攞到免針紙後曾經使用過一次,但之後感到害怕,擔心免針紙有問題,自己有可能已經犯咗法。節目組同佢一齊到有關診所同該名醫生面對面溝通,醫生即時以紙遮面,並嘗試趕走拍攝人員。

Kelly表示佢攞到免針紙後曾經使用過一次,但之後感到害怕

Kelly擔心免針紙有問題,自己有可能已經犯咗法

節目組同佢一齊到有關診所同該名醫生面對面溝通

醫生即時以紙遮面,並嘗試趕走拍攝人員。

主持利穎怡再度追問醫生,更追到入診症室,醫生突然發嬲趕人走之餘,更向節目組同Kelly破口大罵。而診所內其他顧客亦急忙離開,《東張西望》指佢哋疑似都係為攞「免針紙」,有工作人員追其中一位女士追到出街,不過對方對節目組問題一律唔答。

主持利穎怡再度追問醫生

更追到入診症室

醫生突然發嬲趕人走之餘,更向節目組同Kelly破口大罵。

診所內其他顧客亦急忙離開,《東張西望》指佢哋疑似都係為攞「免針紙」,有工作人員追其中一位女士追到出街

網民反應不一

事主Kelly面對呢個情況亦情緒失控,要到節目組車內平復心情。有網民認為醫生「獅子開大口」,但亦有人指Kelly自己買完免針紙又報寸好過分。另外節目組喺受訪者明顯唔願意接收訪問嘅情況下仍然無視對方意願追訪,包括其他診所顧客,令唔少網友認為有所不妥。

事主Kelly面對呢個情況亦情緒失控,要到節目組車內平復心情。

有網民認為醫生「獅子開大口」,但亦有人指Kelly自己買完免針紙又報寸好過分。

圖片來源:《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel