IG打卡甜品推介優惠合集!$109起歎流心麻糬甜品/奶蓋卷蛋/法式可麗露

IG打卡甜品推介優惠合集!$109起歎流心麻糬甜品/奶蓋卷蛋/法式可麗露

美食推介
By Cheryl on 13 Jun 2022
Digital Editor

近年,唔少人都會光顧網店,安在家中物色生日蛋糕或散水餅。今次,小編就為大家推介多間質素有保證嘅IG甜品店,款式超多元,包括流心麻糬曲奇、爆Cream瑞士卷、牛角包窩夫等等,必有一款啱心水!以下就即刻睇下優惠詳情啦!

#Kiuki sweet手工麻糬三文治組合/野餐甜品組合

KiuKi Sweet以純手工製作,選用最優質食材,保證低糖低油,口感輕柔細緻又具蓬鬆感,仲係用新西蘭進口嘅頂級忌廉,完全唔怕膩!麻糬三文治組合低至$140享4件三文治,斑斕椰子同黑芝麻口味各二!

$140 煙韌麻糬三文治組合

而野餐甜品組合就以$268優惠價,可享香草籽牛乳焦糖奶涷、血糯米乳酪Kroffle、伯爵茶粒粒海鹽焦糖盒子同斑斕輕芝士芋泥盒子各兩件,仲有兩支百香果果茶呀,真係野餐必備!>>>按此預訂

$268 野餐甜品組合

#Bakeabreak人氣甜品套裝

Bakeabreak推出超值甜品套裝,14款人氣原創口味甜品任君選擇,仲可以揀係旺角或荔枝角自取!佢地嘅口味非常特別,有爆炸糖同手工綿花糖味馬卡龍、開心果醬味馬卡龍,仲有花瓣同熱帶水果,佛手柑調合而成,內餡是Valrhona 70%巧克力嘅伯爵茶巧克力瑪德蓮!睇到已經流哂口水,最平既套裝更只需$78,送比人唔失禮,自己食更開心呀!>>>按此預訂

$78【愉快甜點組合】

$108【麻糬曲奇組合】

$148【人氣馬卡龍組合】

$298【5吋招牌麻糬撻:日本柚子青蘋果或香蕉巧克力口味】

#人氣爆漿毛巾卷

Mojiva主打多款奪目毛巾卷,及奶凍卷蛋糕。前者口味有:抹茶麻糬味、海鹽焦糖鐵觀音味、抹茶豆乳奶凍味、及超人氣粒粒花生朱古力麻糬。

Mojiva抹茶豆乳奶凍毛巾卷 Mojiva粒粒花生朱古力麻糬毛巾卷

而奶凍卷則有士多啤梨乳酪味、及藍莓乳酪味。全部打卡一流之餘,更集齊了蛋糕中最邪惡元素,一切即爆漿!>>>按此預訂

Mojiva士多啤梨乳酪奶凍卷 Mojiva藍莓乳酪奶凍卷

#散水餅必勝之選!精緻迷你蛋糕撻

Bagel n Cakes嘅招牌迷你套裝,雲集了4款不同口味嘅蛋糕及撻,包括:外型似Tiramisu嘅手沖咖啡撻、入口微微回甘,同時有清新果味嘅柚子宇治抺茶開心果撻、味道與口感新奇嘅薑檸蜜芝士蛋糕、以及超香脆嘅香蕉牛奶朱古力法式千層酥。

Bagel n Cakes【招牌迷你套裝】

柚子宇治抺茶開心果撻、手沖咖啡撻 薑檸蜜芝士蛋糕、香蕉牛奶朱古力法式千層酥

全部各有特色,能滿足不同口味。除此,蛋糕獨立包裝,送禮自用都適合!>>>按此預訂

#人氣熱賣千層卷/抹茶奶凍奶蓋卷蛋

Cake Cake Day開業僅兩年已廣受歡迎,其千層卷以層層班戟皮,包裹住幼滑忌廉及鬆軟海綿蛋糕,室溫下入口Creamy,凍食則似雪糕,一個價錢歎齊兩種口感!一共5款口味任選,唔驚唔啱食:美祿脆脆、曲奇、士多啤梨芝士、藍莓芝士及抹茶。

抹茶奶凍奶蓋卷蛋 千層卷

抹茶奶凍奶蓋卷蛋,入口充滿濃郁抹茶味,以軟綿綿戚風蛋糕配上奶凍、小山園若竹龍膽Cream及海鹽芝士奶蓋,口感超多層次,抹茶控不容錯過!>>>按此預訂

千層卷

#得意盒子蛋糕組合,1組3味!

瑪莉工房Mali Factory主打四方盒裝蛋糕,可愛又方便~ 品牌有多款蛋糕組合,「髒髒朱古力組」有齊焦糖朱古力咖啡、美祿恐龍朱古力脆脆及脆皮朱古力香蕉,邪惡與甜蜜兼備!

【盒子蛋糕】多款特色口味 豆乳芝麻蕨餅

「茶味濃組」則有伯爵茶士多啤梨鮮忌廉、伯爵茶芒果麻糬及玉桂蘋果烏龍茶,一次食勻自家製士多啤梨果蓉、當造芒果鮮忌廉、和煙韌麻糬口感!其他組合亦包括人氣豆乳芝麻蕨餅、芝芝芒芒等口味,每盒都雲集了一整個蛋糕嘅最佳精華!>>>按此預訂

盒子蛋糕組選擇多

#越食越上癮!煙韌流心麻糬曲奇

Twinkie cookies嘅流心麻糬曲奇系列真係食唔停口!必食推介:流心若竹抹茶麻糬曲奇,以日本小山園若竹抹茶粉製作,入口即歎鮮奶麻糬及流心抹茶餡,味道超豐盛~ 另一茶味仲有伯爵茶朱古力麻糬曲奇,茶香與朱古力互相輝映。

流心若竹抹茶麻糬曲奇煙韌流心麻糬曲奇

店家仲提供抹茶波提冬甩、抹茶提拉米蘇曲奇三文治等甜點,未食已聞到香味!>>>按此預訂

抹茶波提冬甩

#超濃芋香!台式芋頭蛋糕/芋泥蛋捲

台式甜品牌子Mr.Taro主打多款芋頭甜點,其芋頭酥外層以玫瑰花瓣點綴,天然淡紫色散發溫柔質感,入面嘅芋頭泥亦好香甜。芋泥蛋捲則採用較綿嘅台灣大甲芋頭,古早味極濃。

廣告
廣告

Mr.Taro

Mr.Taro

爆漿芋心及麻薯芋心蛋捲充滿驚喜,另有4寸雪糕感芋泥蛋糕選擇,啱晒一眾「芋魔」!>>>按此預訂

Mr.Taro

#創新風味!必試激厚麻糬Scone

Bakieee Bakery主打低糖低脂配方嘅英式鬆餅Scone,混合英倫及和風口味,以法國牛油、日本麵粉和牛乳炮製出獨特麻糬Scone,層次感爆棚!套裝有齊多款人氣口味:特濃twinings伯爵茶、小山園若竹抹茶、Valrhona可可海鹽朱古力碎、仲有經典原味,全部夾著煙韌麻糬,仲可購店家特調嘅小山園若竹抹茶醬,抹茶迷大愛!>>>按此預訂

Bakieee Bakery Bakieee Bakery Bakieee Bakery

#法式夾心甜品~Dacquoise達克瓦茲

Shiro Bakery主打法國風情甜點「Dacquoise 達克瓦茲」,全部不含人造色素、人造香油及防腐劑,健康清新~ 酥脆外層搭配夾層柔軟奶油及餡料,用作下午茶點一流!

Shiro Bakery Shiro Bakery

6款口味有:海鹽焦糖芝士、小山園抹茶麻糬、伯爵茶白桃、焙茶焦糖脆珠、石板街及柚香金萱茶,特設禮盒裝一次歎齊!>>>按此預訂

#熱賣爆Cream瑞士卷

瑞士卷專賣店「瑜.果」Yu Wish有多款爆Cream瑞士卷,全部零添加劑、以日本蛋製作,散發著滿滿嘅香濃蛋味。抹茶紅豆卷在味道上有著完美平衡,唔洗飛日本都食到「家鄉」味道! 黑芝麻卷猶如將香港芝麻糊濃縮成一條瑞士卷,一次享受港日雙重風味!

Yu Wish Yu Wish

Yu Wish

焙茶蜂蜜麻糬卷以蜂蜜代替糖來炮製麻糬,令你品嘗到最原汁原味嘅食材!85%特濃朱古力卷選用瑞士黑朱古力及可可粉,口感幼滑味道濃郁~ >>>按此預訂

Yu Wish

#驚喜首選!腐乳巴斯克軟心芝士蛋糕

A.Jennbakery推出極具香港感嘅「腐乳巴斯克軟心芝士蛋糕」!一啖即嚐腐乳x芝士蛋糕嘅獨特滋味,食落似升級Double Cheese!香濃軟心嘅幼滑口感,配上不膩口配方,即使食成件都唔膩。仲有冧酒、香豆以及雲利拿籽嘅原味蛋糕可選,行健康路線嘅朋友仲可揀生酮蛋糕。>>>按此預訂

A.Jennbakery TapNow_A.Jen Bakery (6)

#法國傳統風味!外脆內軟可麗露

「房間裡的可麗露」主打法式甜品,專門製作精緻可麗露,外層有著酥脆嘅焦糖外殼,內餡口感則介乎於焦糖燉蛋與麻糬之間,反差質感令人印象深刻。

房間裡的可麗露 房間裡的可麗露

原味可麗露猶如一杯濃縮版嘅法式焦糖烤布蕾,啖啖充滿香草香氣。朱古力味採用頂級Valrhona巧克力,及自家調配草莓風味Ganache,濃郁朱古力夾心散發著誘人草莓果香。喜歡喝茶嘅人亦可選抺茶味可麗露,焦糖香脆外殼內藏幽香抺茶滋味,完美混合日法風格。>>>按此預訂

房間裡的可麗露 房間裡的可麗露

#韓國大熱牛角包窩夫Croffle

Fifty Fifty在將軍澳擁實體店,品牌主打韓國大熱嘅牛角包窩夫Croffle,每日新鮮製造,有齊牛角包嘅酥脆,同窩夫嘅烘烤口感。鹹甜兼備仲爆曬餡,現場即叫即製好新鮮!士多啤梨忌廉芝士味,未食已經聞到果香甜味及濃郁牛油香氣~

Fifty Fifty

宇治抹茶紅豆味配上鮮製宇治抹茶奶油,夾著日本紅豆粒,Creamy又唔會太甜。斑斕咖央口味特別,加上椰絲和香烤椰子碎嘅脆卜卜口感,入口非常滿足!其他風味仲有柚子蜂蜜、海苔肉鬆味、朱古力榛子香蕉、奧利奧焦糖脆餅等等,真係要預先訂購,到場試下有幾好味!>>>按此預訂

Fifty Fifty Fifty Fifty

#港式口味~ 雞蛋餅 · 脆曲奇禮盒

MeCakeKi咪曲奇將傳統雞蛋餅重新打造,再以獨特配方製作出香港地道口味嘅雞蛋餅 · 脆曲奇。口味包羅萬有,例如:鹹蛋黃味、瑤柱XO醬味、大澳蝦醬辣肉鬆味、港式伯爵奶茶味等,係親切嘅味道!

MeCakeKi咪曲奇

MeCakeKi咪曲奇

品牌仲有手工雪花酥,獨立包裝加上禮盒設計,送禮超體面!>>>按此預訂

MeCakeKi咪曲奇

以上嘅甜品款式賣相與味道兼備,風格口味任君選擇,相信大家都可以搵到心水,有興趣嘅朋友就快啲進入以上各家品牌嘅連結,預訂至抵優惠!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel