男友秘密飛泰國給女友驚喜！一打開門卻換來驚嚇，屋內佈滿男裝內褲！最終竟然人財兩失？

By Stephanie on 10 Jun 2022

Digital Content Writer

疫情之下要維持遠距離戀愛並唔容易，不過現時唔少國家已經逐漸放寬入境限制，所以唔少分隔兩地嘅情侶都把握機會去見另一半～最近，德國男生馬蒂亞斯（Mathias Falk Arndt ）秘密飛往泰國打算俾女友一個驚喜，點知當佢一去到二人同居嘅地方時卻發現令佢心碎嘅事實！

Photo from 泰國媒體Khaosod

德國男友與泰籍女友因疫情分隔兩地！

戀愛之中最重要嘅就係信任，而對於遠距離戀愛嘅情侶而言就更加重要喇～根據當地傳媒報導，德國男馬蒂亞斯（Mathias Falk Arndt）同泰籍女友喺網上認識，後來發展成情侶。二人已經交往約2年，曾短暫於泰國芭堤雅同居一段時間，可惜受疫情影響令佢哋暫時無法見面！

Photo from 《無法抗拒的他》劇照

男友打算秘密飛往泰國見女友！

隨住泰國宣佈放寬入境限制，非常想念女友嘅馬蒂亞斯喺5月30日就偷偷買咗飛往泰國嘅機票，打算俾女友一個甜蜜嘅驚喜，一落飛機就立刻衝往二人過往喺芭堤雅同居嘅住址！

Photo from 《特務搞飛機》劇照

抵達同居住址後，卻被眼前景象嚇到！

不過，馬蒂亞斯一打開門卻被眼前嘅場景嚇親：屋內並冇女友嘅身影，但地下卻佈滿亂扔嘅保險套、男裝內衣等；而佢仲發現自己嘅保險箱疑似被強行撬開，裡面嘅2枚金戒指以及其他財物都被一掃而空，就連佢最深愛嘅紅色電單車都唔見咗！

Photo from 泰國PPTV

Photo from 泰國媒體Khaosod

人財兩失，希望網民協助尋找女友！

隨後，馬蒂亞斯立刻報警，而當地警方亦成功聯絡到女友。據悉，女友指現時人在加拉信府（Kalasin），並承諾會於6月1日歸還所有物品。可惜直到現時女友都並冇出現，而物品亦並冇歸還，無奈之下佢只能想泰國媒體揭發事件，希望能夠藉此尋找女友取回公道！

Photo from 泰國媒體Khaosod

相關文章：球賽直播意外揭發多個外遇現場，用人群掩護以為好安全變舉國注視！

相關文章：港男斷正內地妻偷食嬲爆拍片！結局反轉老公道歉？「還不到錢我都好內疚」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地男結婚16年驚覺3孩非親生老婆堅持無做錯更反駁：血緣重要嗎？

9 Jun , 2022

父母和子女關係血濃於水，假如發現孩子和自己沒有血緣關係，你又能接受嗎？內地一名男子懷疑已婚16年妻子發生外遇，於是去醫院進行親子鑑定。事後竟發現3名女兒都不是親生，消息令佢瞬間崩潰！

Photo from 《回來吧大叔》劇照

內地男發現3名孩子都不是親生

綜合內媒報道，內地江西一名陳姓男子和妻子結婚16年。佢一直有做避孕措施，但依然生了3名女兒，而妻子都解釋為不小心懷孕。除此，妻子最近經常不接視訊電話，令陳男開始懷疑妻子有婚外情，於是佢偷偷帶女兒們到醫院驗DNA。結果，鑑定顯示，陳男與3名孩子都沒有血緣關係！佢頓時晴天霹靂，更當場痛哭，再立即聯絡妻子。

Photo from 微博

不過，佢一直避見陳男，更怒斥丈夫私自去做親子鑑定，直接傷害夫妻感情。而陳男在接受媒體訪問時，回想起一切都表現激動，還在鏡頭前哭泣說：「我結婚16年啊，沒有一個是我的小孩...」怒火中燒嘅佢亦決定向法院申請離婚。

Photo from 微博

妻子反指責任在男方？

然而，妻子卻認為自己沒有背叛婚姻，佢坦言女兒十多年來，都一直稱呼陳男做「爸爸」，但對方卻質疑父女關係，佢直斥丈夫提出離婚跟「畜牲」沒有分別，更反駁：「血緣關係那麼重要嗎？別人沒有生的人不是照樣抱養嗎？」

Photo from 《夫妻的世界》劇照

另外，妻子更反駁稱，陳男應該反思自己嘅生育能力是否有問題：「我跟他十幾年，為什麼他生不了？他為什麼不從自身考慮一下呢？」

Photo from 《惡之花》劇照

有律師指陳男可以向妻子索取撫慰金

事件再內地網引起熱議，很多網民都批評女方思想有問題，反問：「如果不是親生，為何要養？」又同情陳男，坦言未見過「咁慘嘅綠帽」，另有網民質疑那三個孩子是否擁有同一個爸爸。有律師評論事件，表示女方行為嚴重傷害感情，陳男有權提出離婚，更可要求妻子歸還多年來已支付嘅撫養費，以及孩子照顧費，亦可向妻子索取精神損害撫慰金，至於具體賠償金額係點，就要再作詳細分析。