聲生不息｜周柏豪林曉峰合唱被批表現一般，但依然贏楊千嬅？周柏豪入行前做錄音室助理，最難係幫手叫外賣？
最新一集《聲生不息》嘅主題為港樂與我的「葡萄成熟時」，專程邀請咗周柏豪以及楊丞琳做特別嘉賓；而周柏豪就同林曉峰一齊合唱《我們都是這樣長大的》，並且與楊千嬅進行對戰。由於二人唱功一般，表演被網民指似「唱卡啦OK」，但佢哋最終分數卻竟然贏咗楊千嬅，令唔少網民感到驚訝！
Photo from 《聲生不息》
最新一集《聲生不息》有4場對決！
新一集嘅《聲生不息》一共有4場對決，分別係李克勤、單依純《這麼近（那麼遠）》VS葉倩文、周筆暢、炎明熹《談情說愛》；曾比特《灰姑娘》VS李健、李旼《一生何求》；楊丞琳《越難越愛》VS林子祥、馬賽克樂隊、魔動閃霸《真的漢子》同埋周柏豪、林曉峰《我們都是這樣長大的》VS楊千嬅《最後的玫瑰》。
Photo from 《聲生不息》
Photo from 《聲生不息》
周柏豪+林曉峰合唱《我們都是這樣長大的》
表演開始時，周柏豪先以結他自彈自唱嘅方式登場，二人歌詞分配上非常平均，而且亦有和音部份，似乎非常有默契。但由於二人唱功平平無奇，而且成首歌似乎被演繹得毫無高低起伏，部份網民形容二人「似平時唱K嘅水準」，認為二人今次嘅舞台表演尚有進步空間！
Photo from 《聲生不息》
Photo from 《聲生不息》
Photo from 芒果衛視YouTube
楊千嬅演唱《最後的玫瑰》
另一方面，楊千嬅以歌曲《最後的玫瑰》「迎戰」，佢曾表示選擇呢首歌係因為2011年表演嘅時候發揮失準，希望透過今次表演補償返。而佢表演嘅時候亦的確非常投入，抑揚頓挫、感情十足；表演後期仲播放以前講感言嘅片段，大晒感性一面，贏得台下觀眾嘅掌聲！
Photo from 《聲生不息》
Photo from 《聲生不息》
周柏豪+林曉峰勝出比賽，網民感到不解！
最終，周柏豪同林曉峰以53%：47%勝出今次嘅對決，但部份網民認為楊千嬅嘅表現更好，令佢哋都對賽果感到不解！賽後楊千嬅仲講笑咁同周柏豪、林曉峰講「你哋好嘢啊！雖然我唔係好服輸～」
Photo from 《聲生不息》
Photo from 《聲生不息》
周柏豪憶述入行前經歷
作為特別嘉賓出演嘅周柏豪喺節目中分享入行嘅經歷，佢表示從未想過自己能夠成為歌手。喺20歲嘅時候，佢機緣巧合下有機會成為知名製作人陳光榮嘅助理，進入錄音室後經常都可以見到唔少明星，包括：容祖兒、鄭伊健等。但佢話最困難嘅係幫佢哋叫外賣「不要看小這個事情！因為你做好這個事情（叫外賣）人家就會喜歡你！」
Photo from 《聲生不息》
Photo from 《聲生不息》
曾擔任音樂人陳光榮的助理
而身旁嘅林曉峰對此感到非常訝異，而周柏豪就表示自己「真係由低做起」，認為當時嘅工作比較瑣碎，但卻有機會學習音樂，令佢尋找到未來方向，十分值得！
Photo from 《聲生不息》
Photo from 《聲生不息》
大讚李克勤係好前輩！
周柏豪大讚李克勤係好前輩，二人因為於《聲夢傳奇》合作而認識「現在能夠再跟他一齊合作，覺得蠻有緣分的」，仲話對方私底下都會搵佢，提醒佢表演時嘅注意事項等。
Photo from 《聲生不息》
Photo from 《聲生不息》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
周柏豪「斟茶遞水」/馬德鐘保護過戴妃 盤點8位明星入行前嘅職業！
30 Jan , 2022
其實好多明星都唔係一開始就入行做藝人，有啲人係誤打誤撞入咗行，亦有人係一邊打工一邊等待好嘅機會突圍而出。而家就一齊嚟細數下藝人們做過嘅其他職業，可能大家會發現有啲明星曾經係你哋同行呢～
Photo from 劉佩玥IG
1.馬國明
馬國明原本係一間玻璃幕牆公司嘅文員。可惜喺1997年辭職後，多次求職但都無受到任何嘅回音。機緣巧合下，喺呢個時候佢就收到TVB藝人訓練班嘅通知，之後佢就決定投身演藝界。相信當時嘅佢都無諗過自己可以成為影帝！
Photo from 馬國明IG
Photo from 馬國明IG
2.馬德鐘
由於受到兩位做警察嘅哥哥所影響，馬德鐘喺入行前就曾經加入警隊，曾經擔當G4要員保護組，保護過多位國際政治人物，包括有前任港督同埋已經去世嘅戴安娜王妃。喺2001年，佢亦模特兒身份正式入行。喺入行之後，佢亦多次飾演警察嘅角色，令唔少網民都講笑咁話入行前後都做一樣嘅嘢！
Photo from 馬德鐘IG
Photo from TVB
3.曹永廉
曹永廉曾經喺一次訪談中提及過，因為當年欠咗一身卡數，所亦佢好多工作都有做過，包括有胸圍推銷員、超市經理以及童裝售貨員。
Photo from 曹永廉IG
Photo from 曹永廉IG
4.王浩信
王浩信喺入行前係一位平面設計師。佢嘅入行經過亦都十分匪夷所思，佢係因為唱卡拉OK而被經紀人發掘，後來再經過試音而正式簽約成為歌手。喺同唱片公司約滿後，先再加入TVB向電視劇方面發展。
Photo from 王浩信IG
5.陳茵媺
陳茵媺喺加拿大讀大學嘅時候修讀設計學系，曾經喺一間繪圖設計公司同埋時尚雜誌工作。返到香港之後，佢亦有喺國際學校擔任英文老師。由於佢對表演和模特兒行業感興趣，所以就決定喺2006年參選香港小姐，正式開始佢嘅演藝之路！
Photo from 陳茵媺IG
6.周柏豪
周柏豪喺入行前做過游泳教練、鋼琴老師及陳光榮錄音室工程師等。佢曾經講過喺錄音室要幫忙「斟茶遞水」，為容袓兒、鄭伊健等著名歌手倒過水。喺18歲嘅時候成為Starz Track旗下嘅兼職模特兒，曾經為唔同嘅品牌擔任Model。直到2007年先正式同華納音樂簽約，成為歌手。
Photo from 周柏豪IG
Photo from 周柏豪IG
7.謝安琪
謝安琪喺大學嘅時候係修讀翻譯及語言學，所以佢嘅英文亦都非常流利。喺入行前，佢曾經擔任英文老師同埋鋼琴老師。後來，因為喜愛唱歌而決定成為歌手。
Photo from 謝安琪IG
Photo from 謝安琪IG
8.劉佩玥
劉佩玥喺大學時期受人賞識，曾經加入模特兒公司「Jacso」做模特兒兩年，之後又曾經做過空姐。直到2013年參選香港小姐，正式踏入演藝圈。
Photo from 劉佩玥IG
Photo from 劉佩玥IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張寶兒驚變李嘉欣2.0 同岑麗香撞笑眼？盤點5位入行前後容貌變化超大藝人
19 Mar 2021
喺依家依個科技發達嘅時代，化妝、微調或以手機 P 圖都已經唔再喺女生嘅專利，唔少人為咗可以令上傳嘅自拍靚啲，都會 P 圖，特別係藝人，有時仲會 P 到變咗另一個人，因而令人質疑係咪曾經整過容嚟。
近日新婚人妻張寶兒就被網友喺連登翻出佢喺 2016 年參加香港小姐嘅舊相同依家做對比。網友仲以「張寶兒整咗容」為題，直指佢外貌變化差別大。
其中一張佢自拍教化妝嘅相中，網友就驚嘆愈嚟愈靚之餘仲有少少似李嘉欣添：「真係唔認得！」、「依家有啲似李嘉欣喎！」、「同依家嘅岑麗香撞眼喎！」
雖然被指「變臉」，不過有網民就搵嚟佢以前喺《姊妹淘》中嘅截圖為佢平反，指佢化妝叻先至唔同樣啫，並指寶兒依家有愛情滋潤，心境開朗自然樣甜啦！
不過除咗張寶兒之外，以下幾位藝人都曾經被網民質疑曾整容㗎。
廖碧兒
廖碧兒近年成日被指大變樣，唔少網民都質疑佢削咗腮骨，將原到睇嚟正方形嘅樣變成瓜子臉，令五官睇先嚟更標緻。
依家：
岑麗香
岑麗香早前就因為一張喺讀書時期影嘅學生相同依家有啲出入，而被網民認為佢微調過。而當年參選華姐時，佢嘅皮膚黝黑仲有少少 baby fat，直到 2015 年時就有網民發現佢明顯同之前有啲唔同，特別係雙眼變咗雙眼皮同大咗，因此質疑她喺眼部動過刀。
依家：
胡鴻鈞
要提畀網友質疑整容嘅藝人又點可以唔提胡鴻鈞呢！胡鴻鈞自入行以嚟飽受「整容」傳聞困擾，多年來更被網民直指佢「削骨還父」。雖然當事人一概否認，更指只係化妝技巧嚟，不過網友們都好似都唔太 buy 依個講法囉。
依家：
劉愷威
而要提到完全變晒樣，相信大家一定會諗到劉愷威，初出道時，佢嘅鼻比較塌，下顎較為突出，但反觀依家，佢唔止鼻變立體，就連成個臉型都變成小 V 面喇，變化真係好大呀！
依家：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
