【購物控出動!】淘寶天貓618年中慶開鑼~一連串升級震撼折扣+10大父親節禮物提案,款款都咁實用!

【購物控出動!】淘寶天貓618年中慶開鑼~一連串升級震撼折扣+10大父親節禮物提案,款款都咁實用!

精選購物 網購推薦
By Twinky Chan on 13 Jun 2022
Project Editor

今個星期日6月19日就係父親節啦~爸爸平時工作認真又勤奮,緊係要趁機好好慰勞佢!但唔想出街四周圍搵父親節禮物,就更要利用網購嘅方便快捷啦~等小編推介淘寶天貓618年中慶第2波銷售期畀大家,足不出戶一樣搜羅到你嘅心水父親節禮物,話唔埋仲可以一家人用自肥呢!而最正嘅係淘寶天貓618年中慶有海量升級優惠,包括淘寶天貓跨店滿減折扣、限量購物紅包獎賞、菜鳥官方運費優惠等等,咁就買得更爽更盡興啦~想知有咩超筍優惠同精選禮品啱爸爸、老公?即刻一次過睇以下懶人包再去Bookmark血拼啦!

 

#一車在手~買餸無憂【購買詳情】

折疊便攜買餸車:加埋萬向輪,上樓梯一樣咁Easy~Photo from TMall

想日理萬機嘅上班族爸爸食得健康嘅話,緊係準備家飯啦。不過成日出街買餸都好似訓練臂力咁,而家有型格買餸車就輕鬆無憂,65L特大容量令你隨時隨地都可以將心頭好買返屋企~就算爸爸閒時下廚拎出街買餸都咁型仔!

 

#帶飯神器~唔使爭微波爐叮飯,最啱上班族!【購買詳情】

上班族自熱電飯盒:800ml容量,仲有分隔板!每日唔同料理配搭都OK!Photo from TMall

喺屋企整完愛心飯盒照顧爸爸個胃,加埋一個電飯盒就Perfect,可以同同事爭叮飯講ByeBye~翻熱唔使加水,只係插電就自動保溫加熱,最高達到70度。各位孝順仔女,記得入手啦!

 

#一次過滿足一家人唔同口味!點食都咁滋味 【購買詳情】

家用多功能電燒烤爐料理鍋:輕鬆製作唔同料理,煎、烤、涮、煮、燜通通無問題!Photo from TMall

放工返到屋企攰攰地,想一次過煮多幾個餸慳時間?呢個小清新嘅家用多功能電燒烤爐料理鍋,就可以令你烤肉或煮蔬菜嘅同時,又可以涮涮鍋,輕鬆兼顧一家人唔同口味﹗

 

#一鍋多用~野餐盛宴Easy Get【購買詳情】

便攜式野營套鍋:去Camping最怕揹重裝備,呢套鍋具只係重0.7kg咋!Photo from TMall

雖然仲未可以飛住,但都可以藉住呢段時間好好欣賞香港靚景!Camping就係其中一個好方法啦,小編推介呢款便攜式野營套鍋,一鍋多用,輕便又易收藏!今個父親節,一於一家人去郊外野餐享受與別不同嘅Family Day啦!

 

#倒酒同時醒酒~點止開瓶器咁簡單【購買詳情】

家用紅酒醒酒器抽真空套裝:外型超有質感,想幾時飲,飲乜都得!Photo from TMall

若然你哋嘅爸爸係愛好杯中物,呢款智能醒酒器抽真空套裝,相信會令佢驚喜十足~佢以啤酒紅酒2合1設計,一按即開瓶~最正嘅係備有抽真空功能,令美酒開封7日依然持久保鮮,仲可以快速醒酒~咁爸爸、另一半收工返到屋企都可以隨時品嚐美酒啦!

 

#3秒即有熱水飲,唔怕翻煲水啦!【購買詳情】

即熱式家用小型飲水機:完美解決翻煲水問題,仲備有4段水溫同出水量,超方便!Photo from TMall

喺屋企想隨時隨地有熱水飲?一部即熱式家用小型飲水機幫到你,佢擁有3L大容量,小巧免安裝,一按3秒即出熱水,仲有4段水溫畀你揀,即刻沖咖啡、淥杯麵完全無難度!

 

#熱敷+按摩,讓爸爸告別關節痛~【購買詳情】

膝蓋熱敷按摩儀:360度包著膝蓋同關節,再以共振技術!疲勞疼痛不再~Photo from TMall

對於長時間工作嘅爸爸,少不免會出現膝頭酸痛~各位孝子,一於準備膝蓋熱敷按摩儀為爸爸雙腳關節消除疲勞啦!佢可以360度包著膝蓋同關節,配合埋熱度按摩,由內而外舒緩膝關節不適同肌肉勞損,好似人手按摩咁舒服呀!

 

#貼心照顧屋企人健康~隨時跑幾圈新陳代謝都快啲【購買詳情】

室內可摺疊家用智能跑步機:內置靜音摩打同緩震科技,跑起上嚟更暢快~Photo from TMall

想照顧爸爸健康,仲可以由運動著手!不妨考慮呢部摺疊家用智能跑步機等爸爸同一家人得閒跑幾轉,佢內置智能調節跑速、唔同跑步訓練模式,仲可以Set坡度𠻹!出一身汗,全家都健康啲~

 

#輕鬆帶齊所有運動裝備~Let's Go ! 【購買詳情】

Adidas休閒運動健身袋:25L特大容量加上塗層質地,容易清潔!Photo from TMall HK

若然屋企唔方便擺放器材,外出做運動襯返個型格嘅健身袋可能令爸爸更有動力!25L特大容量,配備內部同側邊口袋,輕鬆帶齊所有裝備。

 

#送爸爸自信笑容,增添魅力啦!【購買詳情】

飛利浦聲波震動牙刷:清除多達7倍牙菌膜,牙齒更潔淨!Photo from TMall

爸爸都可以注重儀容,愛靚!有咗呢支顏值實力兼備嘅全自動聲波電動牙刷,柔軟刷毛,送畀爸爸就可以日夜「刷」出自信又清新嘅笑容啦!

 

#3大優惠攻略懶人包,折上折買更抵~

睇完十大好物,係咪心動好想喺今個父親節入手,令爸爸、老公滿足感瞬間Double Up呢?而家機會嚟啦!淘寶天貓618年中慶第2波銷售期繼續為香港消費者帶嚟海量震撼獎賞,令大家更盡興咁入手各樣超筍禮品!小編為大家整合咗第2波銷售期3大優惠攻略懶人包,分別係購物優惠、運費優惠同支付優惠,咁大家就可以一眼睇哂以最抵價錢買到窩心禮物同爸爸慶祝兼自肥啦!

購物優惠攻略Photo from HolidaySmart

運費優惠攻略Photo from HolidaySmart

支付優惠攻略Photo from HolidaySmart

淘寶香港站618有咁多限時優惠,仲唔快啲Click入淘寶香港站618主會場 http://click.world.taobao.com/CGEwd(6月14日開始)挑選心水禮物啦!

*上述優惠受條款及細則約束,詳情參見淘寶香港站及天貓香港活動頁面。

 

Text:HolidaySmart editorial
Photo:HolidaySmart, Tmall & Tmall HK
Featured for:Alibaba Group

 

***本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel