download HolidaySmart 假期日常 app
飲食業員工力數5大西客行為 古怪要求多/坐到關門前一刻!網民反應兩極:唔想做就轉行?

飲食業員工力數5大西客行為 古怪要求多/坐到關門前一刻!網民反應兩極:唔想做就轉行?

時事熱話 生活熱話
By Stephanie on 13 Jun 2022
Digital Content Writer

網上周不時都會出現食客無理取鬧嘅影片,而有時候食客們仲可能會有比較奇特嘅要求,令侍應們嚇一跳!最近,一位從事飲食業嘅網民喺討論區大呻食客們要求超古怪,包括有「凍檸茶走檸檬」、「辣麵走辣」等,偶爾仲會反過來責怪店員,批評食客們缺乏同理心,但就未能獲得網民認同?!宜家即睇飲食業員工常見嘅「西客」行為啦!

從事飲食業嘅網民大呻經常遇見嘅5大「西客」行為,引起熱議!Photo from 《咖喱辣椒》劇照

1. 自製新餐點

從事飲食業嘅樓主率先分享自己曾經遇過嘅「西客」,指佢哋點餐嘅時候會叫餐牌上根本冇出現過嘅菜式「西餐走嚟問有冇雲吞麵;中餐走嚟問有冇卡邦尼意粉」,批評佢哋完全無視餐牌嘅存在,仲話心裏面會嬲到想講「咁想食咪入廚房煮囉」!

樓主大呻食客們經常都任意妄為咁叫餐牌上冇出現過嘅餐點!Photo from 連登討論區

批評食客點單前完全唔望餐牌!Photo from 《我的野蠻女友》劇照

2. 諸多要求

樓主表示部份食客會非常仔細咁要求飲品嘅甜度「少少甜」、「微甜」,但佢就表示並非所有餐廳都有咁多選項,認為若果食客們介意就應該去台式飲品店購買!有疑似係同行嘅網民都忍唔住留言分享最奇特嘅經驗,見過「外賣熱檸水走水」,只能一笑置之。不過有網民就認為「熱檸水走水」並冇問題,因為部份人會擔心檸檬浸太耐,所以先會有呢個要求。

客人們仲會有非常古靈精怪嘅要求!Photo from 連登討論區

有時候西客們嘅奇怪要求,令佢感到非常無奈!Photo from 《德魯納酒店》劇照

有餐飲業員工表示見過有客人叫「檸水走水」,不過有網民就反而覺得呢個要求合理。Photo from 連登討論區

3. 強行改指定餐牌

佢表示食客們經常都會詢問如「四寶麵」等已經規定好配料嘅餐點,詢問可唔可以轉餸菜,揚言「咁想揀咁你咪去食車仔麵囉!」

而樓主表示唔少客人都會詢問指定餐點可唔可以轉配料等,十分難搞!Photo from 《中餐廳》

4. 客人們於關門前點單

樓主仲話一定會有部份客人喺截單前1分鐘先落單,而且唔少喺店入面用餐嘅客人都會喺裡面逗留到關店嗰刻先肯離開,認為「食客真係當自己大晒」!

樓主大呻經常都會有一批客人逗留到關門前先肯走,或者截單前叫嘢食。Photo from 連登討論區

劉德華過往嘅知名廣告台詞「今時今日咁嘅服務態度係唔得㗎」,卻被樓主認為因此導致好多「西客」嘅出現?!Photo from 廣告

但部份網民就唔太同意樓主呢一點,認為若果店裡面寫明8點前截單,即係代表客人喺時間未到之前都仲有權利光顧餐廳,並唔算係「西客」行為!

不過部份網民就唔認同樓主講嘅呢一點!Photo from 連登討論區

大部分網民都覺得食客喺截單前落單完全冇問題!Photo from 《中餐廳》

5. 不願意用QR Code落單?!

基於疫情關係,現時有唔少食店都會為咗減少開支,而設有用QR code點餐嘅服務。樓主表示直到宜家依然有好多食客唔會用,加重服務生嘅工作量「你當個個都得閒招呼你一個?」

樓主表示現時依然有好多食客唔肯用QR code落單!Photo from 連登討論區

不過網民認為呢一項並唔可以列入「西客」行為,因為部份長者可能唔太識用智能手機、而且手機有時候難免會有訊號唔好嘅時候,並非刻意刁難服務生!

有網民認為長者可能會因為唔熟悉智能手機,而比較難自行用QR code落單Photo from 《如蝶翩翩》劇照

網民大呻「香港做服務業最辛苦」?!

有網民表示喺香港做飲食業辛苦外,其實從事服務業都同樣辛苦,經常需要應付唔同嘅「西客」,壓力非常大!但亦有網民反駁雖然會成日遇到「西客」,但有時候遇到善解人意嘅客人都會令佢哋感受到「人間有愛」~

唔少網民就慨嘆其實從事服務業都非常辛苦!Photo from 《現正分手中》劇照

網民反應兩極!

呢個post引起網民熱議,然而網民嘅反應似乎非常兩極!部份網民就唔太認同樓主,認為佢列出嘅部份行為根本唔算「西客」,認為食客唔清楚嘅時候難免會「問多幾句」,覺得樓主係反應過激。

部份網民覺得樓主反應過激,仲建議佢應該轉行?!Photo from 連登討論區

不過有網民就理解樓主嘅心情,認為現時的確有唔少人會「恃住自己係客人」而任意妄為,導致唔少服務業嘅員工非常難做!

部份網民同情樓主工作辛苦!Photo from 《老姑婆的古董老菜單》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

茶記西客$30早餐用$1000紙幣唱散 伙記一招KO麻煩OL 網民:大快人心!

18 Jun , 2021

本港有好多店舖都表明唔收1千大鈔,避免散紙不足同時防止收假鈔。近日,有茶餐廳伙記上網大吐苦水,表示一名OL食$30多元早餐卻堅持用千元紙鈔埋單,更直言「就係想你找散比我」!最後,伙記以一招成功「收拾」麻煩客人,令佢投降稱:「其實我有散紙㗎,我而家就埋單,唔使唱散好唔好?」

《愛回家之開心速遞》 TVBPhoto from 《愛回家之開心速遞》 TVB

近日,一名茶餐廳職員於一個Facebook專頁發文指,一位女白領食完價值30多元嘅早餐後,用1,000元紙幣埋單,令伙記即時反白眼,問OL:「有冇細張少少嘅?冇咁多散紙找唔開。」對方竟回答:「冇喎,我就係想你找散比我呀嘛!」

《恭喜八婆》 截圖Photo from 《恭喜八婆》 截圖

OL對散紙亦好有要求,唔接受10元同20元紙幣,「散成咁梗係唔得啦」。伙記聽罷,立即建議:「一係放低啲嘢係到抵押,出去唱散完返嚟埋單得唔得?」

《恭喜八婆》 截圖Photo from 《恭喜八婆》 截圖

但OL不滿為何要佢低啲嘢做抵押,認為應該係伙記自己出去唱散紙,仲話自己等緊伙記們找返900幾蚊畀佢。但伙記留意到OL銀包內「藍色、緣色、紅色都有」,「都係要拎張金色出嚟就唔好怪我地唔客氣啦」。

《恭喜八婆》 截圖Photo from 《恭喜八婆》 截圖

然後,伙記叫同事出去銀行幫忙唱錢,更指明唔需要急,最緊要數目正確。之後,OL開始等得唔耐煩,中途多次問伙記進度如何,又不滿伙記同事特意到銀行排隊,「周街都係舖頭你地唔識唱?」。

西店Hi客之道 Hispitality Secret FB專頁 截圖Photo from 西店Hi客之道 Hispitality Secret FB專頁 截圖

《Wind flower》 Mamamoo MV截圖Photo from 《Wind flower》 Mamamoo MV截圖

45分鐘後,OL表示佢返工就快遲到。伙記指示佢再等等後,OL終投降,透露:「其實我有散紙架,我而家就埋單,唔洗唱散好唔好?」伙記未有順應對方請求,只話「但我地同事出左仲未返,仲差你900幾蚊未找返呀!」

《愛回家之開心速遞》 TVBPhoto from 《愛回家之開心速遞》 TVB

伙記同事外出一小時後終回來,完成9百多元嘅找錢程序。伙記於文中最後笑言:「其實同事過隔離舖唱錢只係5分鐘,不過去咗第二到食埋個早餐先返嚟啫,早知叫佢買埋餸先返嚟啦!」

《喜劇之王》 截圖Photo from 《喜劇之王》 截圖

事件引來熱議,唔少網民都對「結局」大感滿意,認為係大快人心。亦有人認為,OL想唱散本來沒有問題,問題出於其態度,如果佢當初客客氣氣,應該未至於影響埋返工時間。

《愛回家之開心速遞》 TVBPhoto from 《愛回家之開心速遞》 TVB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel