MC張天賦新髮型引熱議,網友:自帶5cm高度!成功高過女主角?

MC張天賦新髮型引熱議,網友:自帶5cm高度!成功高過女主角?

娛樂新聞
By Jennifer on 14 Jun 2022
Digital Editor

MC張天賦近日出席電影《夜校》開鏡儀式,首次拍電影同黃曦誼(Candy)有感情線,而且劇組更美女雲集,不過MC稱唔驚同女生傳緋聞。另外MC以新髮型現身,唔少網民指呢個髮型成功令佢身高增加5cm。

MC張天賦近日出席電影《夜校》開鏡儀式Photo from ViuTV

MC張天賦首次拍電影《夜校》

MC張天賦初次拍電影已經擔任主演,佢表示今次呢個角色係做返自己,有啲輕佻、有啲囂張、好窮嘅𡃁仔。MC又表示會同女主角有感情線,但就唔會有親熱戲。

MC張天賦初次拍電影已經擔任主演,佢表示今次呢個角色係做返自己,有啲輕佻、有啲囂張、好窮嘅𡃁仔。Photo from ViuTV

女主角Candy曾經出演ViuTV《YOLO的練習曲》做女團成員,仲試過同姜濤傳緋聞,不過兩人否認戀情,事後姜濤仲喺IG公開合照,力撐Candy:「這個小妹妹沒有做錯任何事情」,大讚對方表演有100分!

女主角Candy曾經出演ViuTV《YOLO的練習曲》做女團成員Photo from Candy IG

事後姜濤仲喺IG公開合照,力撐CandyPhoto from 姜濤 IG

MC無懼與女主角傳緋聞

除咗Candy,劇組更有「宅男女神」Heidi(李靜儀)、「性感女神」郭奕芯(Ashina),美女雲集但緋聞多多嘅MC就稱唔擔心再傳緋聞,佢指自己已經習慣同睇開咗:「呢樣嘢係無可避免,做返自己囉!」

除咗Candy,劇組更有Heidi(李靜儀)、郭奕芯(Ashina),美女雲集!Photo from ViuTV

MC曾分享擇偶條件,佢表示鍾意長頭髮、嬌小型嘅女生,希望女朋友矮啲,一定唔可以高過自己,平頭都唔得咁話!

MC就稱唔擔心再傳緋聞,佢指自己已經習慣同睇開咗:「呢樣嘢係無可避免,做返自己囉!」Photo from ViuTV

MC新髮型帶挈身高增加5cm?

有網民表示女主角Candy好似高過MC,有網友即刻從合照中指出MC應該同Candy一樣高,不過得益於新髮型,成功令佢身高提高5cm,足以高過女主角。不過都有網民提到女主角Candy應該係有著高踭鞋嘅。

有網民表示女主角Candy好似高過MC,有網友即刻從合照中指出MC應該同Candy一樣高Photo from LIHKG

都有網民提到女主角Candy應該係有著高踭鞋嘅。Photo from ViuTV

MC呢個新髮型將頭髮梳晒去後面,好似周柏豪最出名嘅「比比鳥頭」咁,十分有特色。呢個髮型亦突顯咗MC髮量超多!

MC呢個新髮型將頭髮梳晒去後面,十分有特色。Photo from ViuTV

睇返MC以前嘅髮型,佢多數都係三七分界,喺出席頒獎禮時為隆重其事會gel示人,今次呢個新髮型對MC嚟講都係一大突破!

睇返MC以前嘅髮型,佢多數都係三七分界Photo from MC IG

出席頒獎禮時為隆重其事MC會gel示人Photo from MC IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MC張天賦透露婉拒ViuTV男團邀約原因!親自回應與2位MV女主角緋聞!坦承現時單身想拍拖

4 Jun 2022

廣告
廣告

歌手MC張天賦憑歌曲奪得多個新人獎,成為人氣歌手~最近,佢上商台《星光背後》接受專訪,自爆唱歌並非靠天賦,仲解釋當時婉拒加入男團嘅原因,並提及上年備受觸目嘅緋聞

MC接受電台訪問,透露唱歌全靠後天努力!Photo from 張天賦IG

MC今年獲得多個新人獎項!

現年25歲嘅MC(張天賦)於ViuTV《全民造星2》中獲得亞軍,其後簽約成為華納唱片旗下歌手,推出嘅歌曲《反對無效》、《記憶棉》、《時間不早》等都獲得唔錯嘅成績,於唔少頒獎典禮中橫掃新人獎項!

MC於今年多個頒獎典禮中獲得新人獎項!Photo from 張天賦IG

自學唱歌,全靠後天努力!

日前,MC接受商台電台《星光背後》專訪,指自己從小就鍾意唱歌,最鍾意模仿台灣歌手周杰倫,後來,佢選擇自學唱歌,指學習過程非常艱辛,並非如大家所講嘅非常有唱歌天份「我真係靠後天嘅努力㗎」!

最近MC接受電台《星光背後》專訪Photo from 商業電台 YouTube

爸爸未能看《造星2》決賽成遺憾!

MC坦承當年家人都唔贊成佢入行,只得3年前去世嘅爸爸全力支持佢;認為爸爸未能睇到佢參見《造星2》決賽係遺憾,但相信爸爸都會睇到佢宜家嘅表現,抱持樂觀心態面對!

認為離世爸爸未能親身睇到造星2決賽係遺憾之一!Photo from 《全民造星2》

解釋未有簽約成為ViuTV第二男團原因!

當被問到當年ViuTV邀請佢加入男團傳聞時,MC直言覺得自己「勝任唔到男團」,而且唔擅長跳舞;加上佢想擁有更加大嘅自由度,所以就婉拒與ViuTV簽約嘅機會!

MC表示唔識跳舞,加上想自由度大啲,所以婉拒ViuTV邀請!Photo from 張天賦IG

回應與MV女主角傳緋聞一事

上年,MC嘅感情生活都受到大眾關注,其中2段緋聞係同合作過嘅MV女主角有關。佢表示得知新聞曝光後,反應並唔大「做呢行多人識,好自然會成為話題。」強調同2位女主角都只係普通朋友!當被問到會否避免同異性出街時,佢表示非常掙扎「我行得正企得正,點解要避免同異性出街?」日後或者儘量避免單對單與異性出街。

而MC上年傳出緋聞嘅對象都係合作過嘅MV女主角!Photo from MC張天賦 YouTube

MC被拍到同2位緋聞對象行超市!Photo from 華納

網民講笑指係「MC魔咒」!

曾經出演過MC MV嘅女主角們都被爆出新聞,包括:Santis與YouTuber「熊仔頭」分手、Ash與台灣籍丈夫離婚等,令唔少網民都忍唔住話「似乎有MC魔咒」,女主角們都「無一倖免」?!

女主角Santis與YouTuber「熊仔頭」分手,並宣佈解約!Photo from FH Production @YouTube

而Ash被爆出緋聞時,剛與台灣籍丈夫離婚!Photo from taiwan.fatboy@IG

大爆理想女友條件!

正值事業上升期嘅MC坦承現時單身並且想拍拖,仲曾經喺陳志雲嘅節目中大爆自己係「大男人」,比較鍾意小鳥依人、長頭髮嘅女生;而佢就話最近新增咗一個要求「希望佢得體,意思即係言行舉止談吐方面見得人,最好就靚啦!」

MC表示現時嘅佢單身,而且想拍拖!Photo from 張天賦IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel