日本掀起學生投資炒股熱潮，連小學生都有份？詢問父母借錢買股票，最厲害一年可賺$58萬！

唔少父母都會向小孩灌輸正確嘅理財觀念，希望對佢哋嘅未來有幫助～不過，最近日本卻似乎出現學生投資炒股嘅現象，有小朋友仲因此而成功賺取到人生第一桶金；而日本節目亦詳細探討呢個情況，唔通真係越早開始投資就可以「贏在起跑線上」？！

Photo from 《萬誘金錢》劇照

日本首相鼓勵「全民投資」？！

現時唔少人都可能會投資股票，希望可以增加自己嘅積蓄～今月初，日本首相岸田文雄鼓勵市民將儲蓄轉為投資，希望大家都能夠「實現資産收益翻倍」，瞬間引起當地網民對投資嘅熱誠，仲掀起一股「學生炒股」熱潮！

Photo from TVBS新聞

掀起「學生炒股」熱潮！

日前，日本富士電視台推出特備節目探討當地年輕人嘅炒股風氣，當中拍攝咗一位媽媽教導2位兒子投資嘅片段，而年紀最細嘅兒子只係小學二年級！期間兒子仲詢問媽媽股票是否已經到達「雙頂」咪，能夠大致上理解股市圖表以及作出動向分析，令主持人們十分驚訝。

Photo from 富士電視台

女高中生問爸爸借錢炒股，成功賺大錢！

隨後節目組再訪問咗一位女高中生つぐみ（Tsugumi），佢表示自己小學時期就經常見到爸爸炒股，因此對投資感到有興趣，於是詢問爸爸借10萬日圓（約港幣5,800）嘗試投資；升上中學後，爸爸再借出100萬日圓（約港幣5萬8千）俾佢投資。現時升上高中嘅佢已經成功為爸爸償還貸款，持有逾100檔股票，當中佢擁有嘅資金已經足夠購買一架高級名車！

Photo from 富士電視台

Photo from 富士電視台

一邊返學一邊炒股

女高中生亦分享佢平時嘅日常生活，佢直言因為早上要返學，所以每日夜晚都會先整理好第二日嘅股票購買清單，等到第二日再喺學校確認交易情況。而佢仲分享過往於686日圓時購買嘅股票，到宜家已經升至3,005日圓「即大約賺到23萬日圓（約港幣1萬3千）利潤」！

Photo from 富士電視台

Photo from 富士電視台

從中領悟「無錢就萬萬不能」的道理！

不過，少女亦坦承喺疫情期間都曾經投資虧損「當時投資了大量航空公司，但疫情導致觀光客以及飛機不能飛」，但佢並冇因此而放棄投資，仲成功搵到「出路」繼續賺大錢！而佢表示投資期間領悟到金錢嘅重要性，認為「冇錢就等於斷送未來」，希望將來嘅自己並唔會因為金錢問題而受到侷限，似乎對未來非常有抱負～

Photo from 富士電視台

Photo from 富士電視台

12歲男生一年大賺$58萬！

除咗以上個案之外，上年都有日本傳媒訪問過一位12歲嘅小男孩投資賺大錢嘅經歷。喺佢小五嘅時候，爸爸就借咗100萬日圓（約港幣5萬8千），正式開始佢嘅投資之路。短短一年間，佢就成功賺到逾1,000萬日圓（約港幣58萬）！平日嘅佢對熱愛炒股，每日清晨5點就會起床留意股市走勢，午飯、放學後都會立刻睇股市。

Photo from 日本傳媒bunshun

未來都希望從事金融工作

而小男孩亦利用賺取到嘅金錢購買禮物俾自己，花費16萬日圓（逾港幣9千）買MacBook Air，認為自己比身邊嘅朋友更加有錢；熱愛汽車嘅佢仲期盼能夠盡快購買法拉利跑車！而佢對將來非常有期許，希望可以去加州大學洛杉磯分校（UCLA）或者麻省理工學院（MIT）就讀金融管理學系。

Photo from 日本傳媒bunshun

日本網民認為小朋友太早接觸股票未必好？！

然而，「學生炒股」嘅風氣卻引起日本網民嘅熱議，部份網民認為俾小朋友了解股票係好事，但如果真係接觸股票就有好高風險！而且太早接觸股票可能會俾小朋友「穩賺不虧」嘅錯覺，好容易弄巧反拙。

Photo from 《天空之城》劇照

相關文章：男友畢業4年無正職模擬學炒股！唔肯搵工港女感崩潰！網友：無本點炒

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

拍拖一月男友問港女借$8000炒股 事主拒絕後感情轉差 網民：當你水魚！

2 Sep , 2021

不少香港人都會買股票，但應量力而為。一名港女上網大吐苦水，指交往了一個月嘅男友想問自己借8千元炒股，惟事主基於愛情觀及個人經濟狀況，最後拒絕男友要求。但佢有感兩人感情因事件轉淡。

Photo from 香港愛情故事 TVB

拍拖一月就想借錢

最近，一名港女到網上討論區Dcard發文，指自己同男友交往了一個月，就被男方要求借8千港元炒股。事主表示：「其實我又唔會話佢同我一齊係為咗問我借錢炒股，咁我都一開始都feel到佢係真心對我嘅。」

Photo from 香港愛情故事 TVB

講錢傷感情

事主起初對要求感到猶疑，但最後都拒絕男友。第一，佢認為雙方感情基礎未夠穩定，「我覺得如果佢咁快就同我講錢，應該都唔係咁鍾意我」、「因為如果真心鍾意我嘅話係唔會咁樣，大家都知道講錢就最傷感情。」

Photo from 獨家試愛 劇照

事主認為炒股太大風險

第二，事主覺得投資股票好大風險，未必能賺回本金，所以佢唔太支持呢種借錢畀人去「賭博」嘅行為。第三，事主本人亦要交學費，無咁多閒錢借別人數千元。

Photo from 大時代 TVB

感情起變化

事主最終拒絕了男友嘅借錢要求，但自此，佢感到兩人關係出現變化，「可以話係尷尬咗、淡咗」。佢又指，男友認為事主不再信任自己，佢有感兩人之間已失去最重要嘅信任，又對事主感到失望。對此，事主百感交雜，遂詢問網民睇法。

Photo from 原諒他77次 劇照

網民認同拒絕借錢

好多網民都支持事主拒絕借錢嘅決定，因為兩人感情先得一個月，「咩底蘊都唔知」，而且8千元對學生負荷大，借錢人亦只係想攞錢去投機，所以佢哋勸事主要小心，男方只想為炒燶股借錢填數，另有人建議事主應及早分手，避免成為水魚。

Photo from Dcard 討論區

Photo from Dcard 討論區

亦有網民認為無正常男仔會捨得向女友借咁多錢。

Photo from Dcard 討論區

男友一早周圍借

事主向網民補充：「（男友）本身已經成副身家拎去炒燶股」，亦已向家人朋友借錢。除此，男方仲睇過事主嘅銀行戶口，「被佢睇到啲存款，雖然唔多但未至於好少。」因此，男方認為事主有能力借錢畀佢。

Photo from 談情說案 TVB

事主決定分手

事主認同網民睇法，認為繼續跟男友一起，有可能危及自身財務狀況，所以佢透露已跟男友分手，亦慶幸交往時間不長，認為快速抽離比一直拖更好。

Photo from Dcard 討論區

相關文章：網民因股市導致同朋友關係變僵?! 網民：絕對唔可以教朋友買股票！

相關文章：趕唔切落車 港女發脾氣大鬧九巴巴士司機 網民：公主病～俾幾蚊當自己大帝！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）