download HolidaySmart 假期日常 app
港女花3000紋身疑皮膚發炎中晒伏!紋身師拒退錢,回應惹眾怒

港女花3000紋身疑皮膚發炎中晒伏!紋身師拒退錢,回應惹眾怒

時事熱話
By Jennifer on 14 Jun 2022
Digital Editor

香港有唔少人都會紋身,有啲更會自行設計圖案,希望可以留下獨一無二嘅紋身。不過紋身如果遇到一啲唔專業嘅紋身師,影響可以好大!日前有女士花費$3,000元紋身,圖案化線不特止,更疑導致佢皮膚發炎,而涉事紋身師拒絕賠錢之餘,其回應更令好多網民大感無語!

紋身如果遇到一啲唔專業嘅紋身師,影響可以好大!Photo from Facebook群組「香港紋身關注組

花3000元紋身5小時,甩色化線兼皮膚發炎

早前喺Facebook群組「香港紋身關注組」有網友發文稱自己喺腳上紋身花咗$3,000,足足整咗五個鐘:「上色過程非常煎熬」,佢指當時紋完個圖案已經化線,紋身師稱之後會變好,事主無經驗下信以為真,點知隨住時間過去,圖案甩色化線嘅問題越嚟越嚴重。

有網友發文稱自己喺腳上紋身花咗$3,000,足足整咗五個鐘:「上色過程非常煎熬」,佢指當時紋完個圖案已經化線Photo from Facebook群組「香港紋身關注組

除咗化線,事主皮膚更敏感發炎,需要求醫治理,醫生指有紋身對皮膚造成好大傷害,更有疤痕同埋增生,過咗幾個月都未好返。事主稱佢要睇醫生,即使好返都仲要搵其他紋身師補色或作後續處理,花費遠超原本嘅紋身價。

除咗化線,事主皮膚更敏感發炎,需要求醫治理Photo from Facebook群組「香港紋身關注組

事主稱佢要睇醫生,即使好返都仲要搵其他紋身師補色或作後續處理,花費遠超原本嘅紋身價。Photo from Facebook群組「香港紋身關注組

事主其後於網上發現有同一位紋身師嘅其他客人都有類似經歷,唔少苦主紋完身後圖案都出現甩色化線嘅問題,事主決定搵該紋身師理論以及商討賠償。

事主決定搵該紋身師理論以及商討賠償。Photo from Facebook群組「香港紋身關注組

紋身師指從未自稱係紋身師,承認「紋衰咗好多人」

紋身師指佢嘅紋身技術可以從佢公開嘅作品相見到,佢聲稱:「我甚至無自稱過係紋身師,紋唔紋得過係你哋嘅判斷」,但事主指該紋身師喺IG post caption曾經hashtag「#hktatooartist」,質疑佢話無自稱過係紋身師呢種講法。

事主指該紋身師喺IG post caption曾經hashtag「#hktatooartist」,質疑佢話無自稱過係紋身師呢種講法。Photo from Facebook群組「香港紋身關注組

紋身師指佢嘅紋身技術可以從佢公開嘅作品相見到,佢聲稱:「我甚至無自稱過係紋身師,紋唔紋得過係你哋嘅判斷」Photo from Facebook群組「香港紋身關注組

喺對話中紋身師多次提及佢未曾自稱係紋身師,事主嬲爆:「話自己唔係紋身師將責任推返俾客人,話紋唔紋得過係客嘅判斷,做紋身然後衰咗先話自己唔係紋身師呢下好癲喎」,涉事紋身師又坦承唔止事主一個苦主,仲懺悔:「除咗道歉同吸取教訓外我都唔知可以點」、「我欠你哋嘅莫講話係錢,係用一生都還唔晒」。

涉事紋身師又坦承唔止事主一個苦主,仲懺悔:「我欠你哋嘅莫講話係錢,係用一生都還唔晒」、「除咗道歉同吸取教訓外我都唔知可以點」。Photo from Facebook群組「香港紋身關注組

事主嬲爆:「話自己唔係紋身師將責任推返俾客人,話紋唔紋得過係客嘅判斷,做紋身然後衰咗先話自己唔係紋身師呢下好癲喎」Photo from Facebook群組「香港紋身關注組

紋身師拒絕賠錢:「唔紋衰都紋衰咗」

但事主一提到退錢,涉事紋身師即刻拒絕,佢指一旦退錢畀事主就無理由唔退埋畀其他人,稱若個個苦主都要求退錢嘅話就超出佢能力範圍,仲直言:「唔紋衰都紋衰咗, 說話唔講都講咗,依家退錢都於是無補」,令好多網友大鬧佢嘅言論好無賴!

事主一提到退錢,涉事紋身師即刻拒絕,佢指一旦退錢畀事主就無理由唔退埋畀其他人Photo from Facebook群組「香港紋身關注組

涉事紋身師稱個個苦主都要求退錢嘅話就超出佢能力範圍Photo from Facebook群組「香港紋身關注組

紋身師又指自己除咗做好下個作品、盡量唔好重覆錯誤令苦主嘅皮膚白白犧牲之外唔知仲可以做咩,佢表示:「我對你哋嘅情況都係深表遺憾同埋同情,亦都衷心希望任何人都唔好再遇到咁不幸嘅事」,被網友斥佢只係得把口,講埋晒啲風涼說話,有網友喺涉事紋身師IG post下面留言叫佢唔好害人,獲紋身師回覆:「你情我願點為之害人?我有逼佢搵我紋?」

紋身師又指自己除咗做好下個作品、盡量唔好重覆錯誤令苦主嘅皮膚白白犧牲之外唔知仲可以做咩Photo from Facebook群組「香港紋身關注組

紋身師表示:「我對你哋嘅情況都係深表遺憾同埋同情,亦都衷心希望任何人都唔好再遇到咁不幸嘅事」Photo from Facebook群組「香港紋身關注組

有網友喺涉事紋身師IG post下面留言叫佢唔好害人,獲紋身師回覆:「你情我願點為之害人?我有逼佢搵我紋?」Photo from Facebook群組「香港紋身關注組

事件發生超過半年,最近該紋身師嘅IG發出公告,向所有受影響嘅客人道歉,又指自己會以一生時間作深刻反省,佢又表示已向相關客人作賠償,稱已即時停業,未來亦唔會再提供紋身服務。

最近該紋身師嘅IG發出公告,向所有受影響嘅客人道歉Photo from Facebook群組「香港紋身關注組

紋身師指自己會以一生時間作深刻反省,佢又表示已向相關客人作賠償,稱已即時停業

有關IG帳號已清空所有照片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地14歲少女後悔用$360手臂紋身 母親追究紋身店:我女兒前途盡毀了!

29 Apr 2022

而家有唔少人都擁有紋身,而大家紋身嘅背後原因都各有不同。近日,有位14歲嘅內地少女隱瞞屋企人偷偷以人民幣$300(約港幣$360)紋身,不過紋身後嘅佢性情大變,非常後悔;而少女嘅母親仲嬲到要求紋身店負起責任!

少女母親得知悉少女紋身後 超級憤怒!Photo from 微博

紋身切忌一時衝動,一旦後悔洗紋身所花嘅時間同金錢分分鐘仲貴過紋身好幾倍!最近,有位14歲嘅內地少女就因為衝動紋身,而導致十分後悔,仲花費$3萬人民幣(約港幣$3.6萬)先成功將紋身洗走!

內地少女紋身後感到後悔!Photo from 微博

據媒體報導,內地遼寧省丹東市14歲少女因為好奇心嘅驅使下,隱瞞家人去咗一間紋身舖頭以低價$300人民幣(於港幣$360)紋身。少女嘅左右手臂都被紋身嘅圖案完全覆蓋,十分顯眼。據悉,紋身嘅圖案係由紋身店嘅人所選擇,而花紋睇落就好似日本浮世繪咁,同少女本身斯文嘅形象格格不入!

紋身圖案佔非常大嘅面積!Photo from 微博

同少女嘅風格格不入Photo from 微博

紋身之後,少女就突然性情大變,由開朗活潑嘅性格變成極度孤僻嘅人,開始唔願意返學同其他人交談。由於紋身圖案非常顯眼,而內地對於紋身嘅睇法依然比較保守,因此少女經常都要穿著長袖衫遮蓋,擔心紋身會影響前途。

心痛女兒14歲小小年紀就被騙?!Photo from 微博

父母亦好快就發現少女嘅紋身,佢哋都非常憤怒,母親見到後嬲到話「把我女兒的大好未來全都毀了」!眼看住女兒後悔崩潰痛哭嘅模樣,佢哋就不惜一切帶女兒遠赴上海洗掉紋身,足足花咗2年時間,同埋$3萬人民幣(約港幣$3.6萬)將紋身洗走!不過因為紋身圖案太大,所以即使洗掉都可能會留疤或者有紋身嘅痕跡。

母親認為紋身令女兒前途盡毀Photo from 微博

母親就狠批紋身店為咗賺錢,竟然幫小朋友紋身,並且刻意隱瞞令少女誤會自己已經夠歲數可以紋身;而紋身店就表示「你花多少錢,我給你3倍賠償」,即係以$900人民幣(約$1,080港幣)作賠償!不過母親聽到後就更加氣憤,反駁「900塊如何買回我女兒的自尊心啊?!」

紋身店家願意以$900作為賠償金Photo from 微博

不滿紋身店家以$900作為賠償!Photo from 微博

內地網民睇完事件後,反應兩極,各自持有唔同嘅睇法!部份網民就贊同母親嘅說法,認為紋身店應該負上所有責任「的確不應該給這麼小年紀的小朋友紋身」等;不過有網民就認為父母本身都有好大責任,只係怪責店家未免太過分「自己的小孩都管不住」、「一看就知道是家長的態度令她變孤僻的!」等。

網民反應兩極!Photo from 微博

網民認為家長責任更加大!Photo from 微博

而今次嘅事件亦引起內地網民對於「紋身」嘅熱烈討論,唔少網民都認為現今社會紋身其實並唔代表「壞」,但亦有網民表示唔能夠接受紋身!

部份網民表示有紋身並唔代表啲咩!Photo from 微博

部份網民依然未能夠接受紋身!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel