麥玲玲抖音直播教做運動，有意轉型做運動KOL？！風水堪輿知識曾惹爭議？被爆身家達1.3億

娛樂新聞

By Stephanie on 15 Jun 2022

Digital Content Writer

現年56歲嘅堪輿學家麥玲玲近來似乎決定北上發展，仲被網民發現疑似想轉型做「運動型KOL」？！近日，麥玲玲就出現於內地網紅嘅抖音影片中，今次佢並非向大家講述12生肖運程，竟然係同教導觀眾做瘦腰運動！

Photo from 麥玲玲微博

風水界人氣女王麥玲玲

女堪輿學家麥玲玲知名度尚算不錯，經常都喺新年特備節目中獲邀講述來年運程等，係風水界嘅人氣女王～具有生意頭腦嘅佢仲開設出售風水吉祥物嘅網店，並於廣州開設門店，盛傳一年嘅利潤已經達到3千萬人民幣（約港幣3,500萬）！

Photo from 《新春嘅運王》

Photo from 麥玲玲微博

驚現內地網紅抖音直播

日前，網民就發現麥玲玲居然客串出現於某內地網紅嘅抖音直播中，而佢竟然罕有咁教導大家做運動！從影片中所見，佢身穿粉色運動服配上黑色長褲，化身學生跟隨網紅做瘦腰運動。只見佢十分認真咁舉高手伸展腰部，期間一直面帶微笑，似乎好享受今次嘅運動直播初體驗～

Photo from 麥玲玲微博

有意轉型做運動KOL？！

隨後，麥玲玲亦有上載拍攝期間嘅照片，鼓勵大家「運動運動，要激活好運，最好動一動?」；而網民都對於喺運動直播見到佢感到十分驚訝，留言「是不是要做運動直播主？」、「第一次見你做運動」等。莫非佢今次真係想開拓埋運動市場？！

Photo from 麥玲玲微博

曾被爆身家逾1.3億！

其實麥玲玲多年來嘅風水事業都非常順利，過往經常都獲邀上節目做分享；喺2013年，佢被傳媒大爆身家逾1.3億，坐擁多個物業，仲經常被拍到攞住價值不菲嘅名牌手袋逛街，行頭十足。而佢亦十分積極發展演藝事業，曾經出演多部電視劇及電影拍攝，相信收入必定有增無減！

Photo from 麥玲玲微博

Photo from 《深宮計》

風水知識一度引起爭議！

人總會有出錯嘅機會！麥玲玲過往被網民質疑風水功力，喺《人傑地靈》擔任嘉賓時將羅庚嘅使用方法搞錯咗，一度引起爭議。另外，佢曾經預言幾位藝人嘅戀情都出現失誤：2014年佢預測方力申與鄧麗欣將於2年內結婚，可惜二人於2016年宣佈分手消息。而佢亦喺2018年預測馬國明與黃心穎好大機會喺豬年結婚，但隨後就爆出「安心偷食事件」。