MIRROR演唱會實名制買飛打錯名,鏡粉出招搵同名同姓網友轉讓,有成功例子

MIRROR演唱會實名制買飛打錯名,鏡粉出招搵同名同姓網友轉讓,有成功例子

生活熱話 娛樂新聞
By Moon Lam on 15 Jun 2022
Digital Content Writer

人氣男團MIRROR會係今年7月底開始係紅館舉辦12場演唱會,早前實名制公開售票有大批鏡粉湧入購票令到城市售票網大塞車,但就有唔少鏡粉成功購票!不過有唔少人因為太緊張打錯名,於是就出招試圖轉讓打錯名嘅飛。

IG@mirror.wearePhoto from IG@mirror.weare

今次演唱會採用實名制售票,為求可以增加鏡粉買到飛嘅機會,係付款前要填寫英文全名,不過如果買飛時如果因太緊張手誤打錯名,官方就表示已售出嘅門票無得轉名,如果因為咁而被拒入場,門票款項亦不獲退還,最多以因事未能出席為由半價退票(不包括手續費)。

MIRROR FacebookPhoto from MIRROR Facebook

有鏡粉就唔想咁樣白白浪費咗張飛,但又實名制唔知點轉讓比人,於是就開咗個通訊群組,比有需要嘅人搵到英文全名同名同姓嘅人,強調要以原價同原手續費轉讓門票,至今已經有超過5700人加入,大家都等緊會唔會咁好彩遇到「另一個自己」放飛,但目前放飛嘅大概只得20人,仲真係有人成功配對!群組成員都感到為佢地開心!

Telegram群組截圖Photo from Telegram群組截圖

廣告
廣告

不過有指以信用卡優先購票同內部認購嘅門票不受實名制限制,所以無實名制嘅飛就更加炒得貴!由$6000起炒到成400幾萬一張!網民就笑言考慮改名換身份證黎配對群組入面嘅門票,就可以睇幾百萬一張飛嘅演唱會!

LIHKG 截圖Photo from LIHKG 截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel