download HolidaySmart 假期日常 app
男友打機「收埋條女」疑出軌,玩跑Online同網友「結婚」私下約見面

男友打機「收埋條女」疑出軌,玩跑Online同網友「結婚」私下約見面

生活熱話
By Moon Lam on 20 Jun 2022
Digital Content Writer

唔少人都會收工打一兩鋪機過下手癮,以前嘅線上遊戲仲會有同網友結婚嘅功能,仲真係會識到朋友架!不過有網民就分享懷疑男朋友係線上遊戲偷食…

《聽見你的聲音》劇照Photo from 《聽見你的聲音》劇照

網民係Dcard分享,男友本身都好鍾意打機,所以自己平時唔會留意佢打機做緊啲乜,但有日突然開咗男朋友嘅跑online帳號,發現佢係遊戲入面嘅結婚系統有個「老婆」,仲「結咗婚」一段時間!

《風流大丈夫》劇照Photo from 《風流大丈夫》劇照

而最令佢震驚嘅係,事主一用男朋友嘅帳號上線,個位「老婆」就即刻係聊天系統搵佢,仲話:「bb好掛住你,我地幾時再出去%(密會)」,頗有事主男朋友同網友出軌嘅意味!事主指自己同男朋友關係穩定,男朋友亦都對自己好好,無諗過對方竟然疑似出軌。

《多功能老婆》劇照Photo from 《多功能老婆》劇照

有網民就留言叫事主收集多啲證據先,如果男朋友真係有同對方出過街先算出軌,但就有人話問得幾時再出去即係已經出過去,可以分得手!亦有網民就質疑「老婆」可能係男人,中伏嘅機會都唔少,亦有可能係打機友平時講笑,更笑言「估唔到跑都可以咁好玩」。

跑Online 官方網站Photo from 跑Online 官方網站

仲有另一位網民係討論區分享,男朋友同一個台灣女仔係遊戲系統結婚,仲比事主發現到男朋友叫對方老婆,會問對方有無掛住佢,連同事主一齊緊都會同個台灣女仔分享做緊咩食咗咩!呢位事主都係話同男朋友同居兩年幾,男朋友對自己好好,所以比足自由佢,無諗過換來咁嘅後果。

睇黎唔少網友都試過打機撞破伴侶外遇!Photo from Dcard 截圖

《繼承者們》劇照Photo from 《繼承者們》劇照

有網民就有感而發,建議各位要留意下自己伴侶平時打咩機,遊戲有無咩系統或者公會,除咗遊戲「情侶」,仲有好多「情緣」、「師徒」、「道侶」等關係,呢啲關係通常會有埋啲小獎勵,令到另一半好容易為咗拎獎勵而同人係私底下有不必要嘅接觸。當有呢種情況出現,就要留意另一半嘅通訊軟件,外遇通常都係由日日傾偈開始!

網民分享會為咗獎勵而有「網情」關係Photo from Dcard 截圖

《開心速遞》劇照Photo from 《開心速遞》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel