download HolidaySmart 假期日常 app
何超蓮大爆賭王豪門秘辛!稱屋企有錢是原罪,細個自覺好窮

何超蓮大爆賭王豪門秘辛!稱屋企有錢是原罪,細個自覺好窮

娛樂新聞
By Jennifer on 16 Jun 2022
Digital Editor

已故賭王何鴻燊三房女兒何超蓮向來獲譽為「最美千金」,佢近日出演訪談節目《不止於她第二季》,大爆自己成長經歷,稱靠自己創業遇上唔少困難,又大爆同爸爸賭王嘅往事,透露媽媽三太當初並非主動接近賭王。

已故賭王何鴻燊三房女兒何超蓮向來獲譽為「最美千金」Photo from 何超蓮微博

何超蓮近日出演訪談節目《不止於她第二季》,大爆自己成長經歷Photo from 何超蓮微博

何超蓮指賭王何鴻燊中意子女孝順

主持人提到賭王有好多子女,問超蓮幾耐會見爸爸一次,何超蓮即回:「每天都見啊!」又指一日會見爸爸兩、三次:「沒有你們想的那麼慘。」佢又直言爸爸特別寵佢嘅原因好膚淺:「因為我爸喜歡孝順跟漂亮的。」佢指自己好重視家庭,亦好孝順。

主持人提到賭王有好多子女,問超蓮幾耐會見爸爸一次,何超蓮即回:「每天都見啊!」Photo from 《不止於她第二季》

何超蓮直言爸爸特別寵佢嘅原因好膚淺:「因為我爸喜歡孝順跟漂亮的。」Photo from 《不止於她第二季》

超蓮指細個家姐、細佬都去澳洲讀書,三太都跟埋去,而佢留喺香港,爸爸賭王每日都會幫佢睇功課,又安排補習等,十分上心。超蓮稱賭王生佢嘅時候已經70歲,事業上已經發展得非常穩定,所以有時間專注家庭。

超蓮指爸爸賭王每日都會幫佢睇功課,又安排補習等,十分上心Photo from 《不止於她第二季》

大爆賭王曾被暗算,超重視子女安全

爸爸身為賭王,當然見慣唔少風浪,何超蓮表示賭王被暗算過3次,所以細個住新葡京酒店都有保鏢保護佢哋嘅安全:「門口要有一個保鏢、走廊跟電梯位置還有一個。」

爸爸身為賭王,當然見慣唔少風浪Photo from 《對照記》

何超蓮表示賭王被暗算過3次,所以細個住新葡京酒店都有保鏢保護佢哋嘅安全Photo from 《不止於她第二季》

超蓮指爸爸十分關心子女嘅安全,佢表示自己細個想去澳門旅遊塔玩skywalk,換晒裝備後被拒絕入內,原來賭王設立咗一個名單畀旅遊塔,所有子女都唔可以玩呢種活動,超蓮稱:「他自己覺得危險,然後就不讓我們跳。」

超蓮指爸爸十分關心子女嘅安全Photo from 《不止於她第二季》

賭王設立咗一個名單畀旅遊塔,所有子女都唔可以玩呢種活動Photo from 《不止於她第二季》

何超蓮自爆家族生意無話事權,坦言自己無野心

何超蓮帶主持人觀光時提到四房二兒子何猷亨準備嘅上葡京即將開幕,主持人問賭王咁多房兒女係如何分工,係咪開會商量邊個負責做咩事,超蓮直言:「這都不是我們說了算的啦!」佢指上葡京係四太嘅項目,由對方搵人負責,不過當主持問如果遇到佢唔感興趣嘅項目可唔可以拒絕,超蓮亦坦言:「不太能。」

何超蓮帶主持人觀光時提到四房二兒子何猷亨準備嘅上葡京即將開幕Photo from 何猷君微博

主持人問賭王咁多房兒女係如何分工,係咪開會商量邊個負責做咩事,超蓮直言:「這都不是我們說了算的啦!」Photo from 《不止於她第二季》

超蓮指上葡京係四太嘅項目,由對方搵人負責Photo from 《不止於她第二季》

主持問賭王有無同子女講要守住佢嘅事業,超蓮表示:「他可能跟超瓊說了,不會和我說。」超蓮指佢有負責嘅項目就一定會管理好,但唔會主動要求:「我也沒那個野心。」雖然超蓮對家族生意無咩野心,但佢對創業卻有好大熱情,至今有開過牛肉麵店、經營潮牌服飾等。

主持問賭王有無同子女講要守住佢嘅事業,超蓮表示:「他可能跟超瓊說了,不會和我說。」Photo from 《不止於她第二季》

雖然超蓮對家族生意無咩野心,但佢對創業卻有好大熱情,至今有開過牛肉麵店、經營潮牌服飾等。Photo from 何超蓮微博

何超蓮自稱好窮,指屋企有錢是原罪?

佢提到自己開嘅第一間牛肉麵店好受歡迎,有意再喺九龍開分店,但咁啱新冠疫情開始爆發,當時賭王過身第二日佢就親自去同商場方開會,希望有誠意啲,打算商量可以減租,點知對方反問:「你不會沒錢交租吧?!」仲諗住加租,令佢大為吃驚,認為喺疫情下仲要加租係不可接受:「為甚麼要因為我的家庭背景這樣子對我?」

超蓮提到自己開嘅第一間牛肉麵店好受歡迎,有意再喺九龍開分店,但咁啱新冠疫情開始爆發,當時賭王過身第二日佢就親自去同商場方開會,希望有誠意啲Photo from 《不止於她第二季》

超蓮打算同商場方面商量可以減租,點知對方反問:「你不會沒錢交租吧?!」仲諗住加租,令佢大為吃驚Photo from 《不止於她第二季》

超蓮指當時全香港人都知佢爸爸啱啱離世第二日就咁對佢:「太欺負人了。」佢表示自此之後佢從來唔會親自同人開會,超蓮稱現時佢喺香港嘅產業仲蝕緊錢:「我是真的很窮。」佢指自己出去同人傾嘅價格永遠比其他人高:「我媽說這就是因為你家裡面有錢,這是原罪。」

超蓮稱現時佢喺香港嘅產業仲蝕緊錢:「我是真的很窮。」Photo from 《不止於她第二季》

超蓮指自己出去同人傾嘅價格永遠比其他人高:「我媽說這就是因為你家裡面有錢,這是原罪。」Photo from 《不止於她第二季》

三太並非主動接近賭王,而係由大房太太撮合

之後超蓮指佢並非讀貴族學校,三太幫佢報讀嘅係普通政府學校,而且只畀好少零用錢佢,一個星期得$10蚊,令佢覺得自己好窮:「並沒有覺得自己很有錢。」

超蓮指佢並非讀貴族學校,三太幫佢報讀嘅係普通政府學校,只畀好少零用錢佢Photo from 《不止於她第二季》

超蓮仲大爆三太同爸爸賭王嘅愛情故事,佢指三太年輕時好靚好多人追求,但佢一心只想工作,後來做賭王大太太嘅看護:「她(三太)還在那死心眼的工作。」、「是大太太覺得她(三太)真的很可靠又乖、又很漂亮,又覺得我爸好像很喜歡她。」

超蓮仲大爆三太同爸爸賭王嘅愛情故事Photo from 何超蓮微博

超蓮指三太年輕時好靚好多人追求,但佢一心只想工作Photo from 《不止於她第二季》

後來做賭王大太太嘅看護:「她(三太)還在那死心眼的工作。」Photo from 《不止於她第二季》

超蓮:「是大太太覺得她(三太)真的很可靠又乖、又很漂亮,又覺得我爸好像很喜歡她。」Photo from 何超蓮IG

超蓮指重點係唔係三太主動搵賭王,而係賭王先鍾意三太,然後大太太幫佢哋製造機會:「(大太太)跟我媽說希望你能幫我照顧好他(賭王),因為我也沒辦法照顧他到老,所以(賭王同三太)才在一起的。」稱賭王係三太嘅初戀,佢指喺賭王呢個咁複雜嘅家庭,三太咁多年承受好多壓力,大讚媽媽好偉大。

超蓮指重點係唔係三太主動搵賭王,而係賭王先鍾意三太Photo from 《不止於她第二季》

超蓮稱大太太幫佢哋製造機會:「(大太太)跟我媽說希望你能幫我照顧好他(賭王),因為我也沒辦法照顧他到老,所以(賭王同三太)才在一起的。」Photo from 《不止於她第二季》

超蓮表示賭王係三太嘅初戀,佢指喺賭王呢個咁複雜嘅家庭,三太咁多年承受好多壓力,大讚媽媽好偉大。Photo from 《不止於她第二季》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

谷愛凌與何超欣同遊環球影城,賭王四房千金打扮低調企埋秒變助理?

29 Mar 2022

北京冬奧金牌得主谷愛凌(Eileen Gu)奪冠後爆紅,即時成為唔少品牌嘅寵兒。佢近日現身北京環球影城,同行仲有已故賭王四房千金何超欣,不過佢打扮低調,與焦點人物谷愛凌同行即秒變助理,存在感大減。

北京冬奧金牌得主谷愛凌(Eileen Gu)奪冠後爆紅,即時成為唔少品牌嘅寵兒。Photo from 谷愛凌微博

中美混血運動員谷愛凌北京冬奧勇奪金牌後爆紅

年僅18歲嘅中美混血自由式滑雪運動員谷愛凌喺北京冬季奧運會中奪得兩金一銀嘅佳績,擁有混血感重嘅五官,但同時普通話同英文亦相當流利,加上為國爭光,谷愛凌隨即成為內地紅人!

年僅18歲嘅中美混血自由式滑雪運動員谷愛凌喺北京冬季奧運會中奪得兩金一銀嘅佳績Photo from 谷愛凌微博

谷愛凌爆紅後獲內地多個品牌青睞,奪冠至今有網民估計佢已獲27項代言,賺咗超過3,500萬美元(約$2億700萬港元)!除咗係各大廣告商寵兒,谷愛凌亦十分受年輕人歡迎,佢微博粉絲已經超過650萬。

谷愛凌爆紅後獲內地多個品牌青睞,奪冠至今有網民估計佢已獲27項代言,賺咗超過3,500萬美元Photo from 谷愛凌微博

網民北京環球影城「野生捕獲」谷愛凌

谷愛凌早前接受訪問時就表示佢將會去美國知名學府史丹福讀書,但近日有內地網友就喺北京環球影城「野生捕獲」谷愛凌與好友同遊樂園。

谷愛凌早前接受訪問時就表示佢將會去美國知名學府史丹福讀書Photo from 谷愛凌微博

近日有內地網友就喺北京環球影城「野生捕獲」谷愛凌與好友同遊樂園。Photo from 谷愛凌微博

雖然谷愛凌戴上漁夫帽、口罩等,但身高優越嘅佢仍好快被在場遊客認出,可見佢人氣之高,谷愛凌亦十分親民,沿途都有同其他遊客揮手打招呼,態度相當親民。

雖然谷愛凌戴上漁夫帽、口罩等,但身高優越嘅佢仍好快被在場遊客認出Photo from 微博

谷愛凌亦十分親民,沿途都有同其他遊客揮手打招呼,態度相當親民。Photo from 微博

賭王四房千金何超欣同行光芒大減秒變谷愛凌助理?

有網友發現同行嘅仲有賭王四房千金何超欣,不過何超欣打扮樸素,雖然無戴帽但只著上簡單連身衛衣,有網友指佢企喺谷愛凌身旁更似助理。除咗何超欣之外,佢同胞哥哥何猷亨都在場,睇嚟佢哋同谷愛凌關係好好。

有網友發現同行嘅仲有賭王四房千金何超欣,不過何超欣打扮樸素,雖然無戴帽但只著上簡單連身衛衣Photo from 微博

除咗何超欣之外,佢同胞哥哥何猷亨都在場Photo from 微博

其實何超欣雖然一直低調,無姐姐咁活躍於名媛圈,但係一個學霸,喺美國麻省理工學院(MIT)管理學與建築學雙學位畢業,現時於北京清華大學深造,而且賭王曾力讚細女「靚到不得了」。

其實何超欣雖然一直低調,無姐姐咁活躍於名媛圈,但係一個學霸Photo from 何猷君微博

而谷愛凌家底同樣十分強大,有指佢媽媽曾喺美國華爾街嘅投資銀行工作,收入驚人,谷愛凌亦曾拍片曝光佢位於美國舊金山所住嘅過萬呎獨立屋。

谷愛凌家底同樣十分強大,有指佢媽媽曾喺美國華爾街嘅投資銀行工作,收入驚人Photo from 谷愛凌微博

谷愛凌亦曾拍片曝光佢位於美國舊金山所住嘅過萬呎獨立屋。Photo from 谷愛凌微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel