download HolidaySmart 假期日常 app
荃灣豬肉威威疑被爆黑歷史,無口罩舊照曝光!網民指曾做古惑仔?!

荃灣豬肉威威疑被爆黑歷史,無口罩舊照曝光!網民指曾做古惑仔?!

時事熱話 娛樂新聞
By Jennifer on 16 Jun 2022
Digital Editor

威威(劉宋威)早前正式出道,即時被爆各種黑歷史!有人指佢曾經做過傳銷,威威稱無做過任何「呃人」嘅工作,最近又有一張疑似威威除罩照流出,指佢做肉類分割技術員之前曾經做過古惑仔?!

威威(劉宋威)早前正式出道Photo from Facebook群組「荃灣鮮肉威威應援群」

疑似威威除罩舊照曝光!

威威做肉類分割技術員時已獲大批「威威豬」支持,正式出道後更開生日會,又接咗廣告,名氣越嚟越大!不過威威連日嚟都惹上唔少是非,最近更疑再有「黑歷史」曝光!

威威做肉類分割技術員時已獲大批「威威豬」支持,正式出道後更大開生日會,又接咗廣告,名氣越嚟越大!Photo from 威威 劉宋威 Facebook

網上流傳一張疑似威威舊照,相中人無戴口罩,更加淨係著咗條褲。唔少網民從相中人身上嘅紋身判斷佢極有可能有爆紅嘅威威,疑似威威梳咗一個超高髮型,同身旁女士合照。

網上流傳一張疑似威威舊照,相中人無戴口罩,更加淨係著上褲子。Photo from LIHKG

網民爆料威威「撈開古惑」?

呢張合照係於2012年影,10前威威身型略為發福,加上衣著清涼,打扮「mk味」濃,有網友直言:「唔怪得而家口罩都唔敢除」、「除咗口罩真係唔係幾掂」

有網友直言:「唔怪得而家口罩都唔敢除」Photo from LIHKG

網民:「除咗口罩真係唔係幾掂」Photo from LIHKG

除咗舊照,更有網民爆料有朋友認識威威前度女友,對方聲稱威威唔係好人:「撈開古惑...之後先轉行切肉」,有人回覆稱見到佢嘅髮型同紋身已經估到,不過網友所講暫時未經證實,只係傳言。

除咗舊照,更有網民爆料有朋友認識威威前度女友Photo from Facebook群組「荃灣鮮肉威威應援群」

網民爆料:「撈開古惑...之後先轉行切肉」Photo from LIHKG

威威被指曾做傳銷

其實最近威威話題唔少,之前就爆出疑似阿威拎住一支美容產品嘅舊相,直指佢曾經做傳銷,更喺Facebook帳號出post招攬員工,事後威威透過同事回覆稱絕對無做過任何「呃人」嘅工作,但指2017年佢經朋友介紹兼職賣美容產品:「但只係做咗幾個月,發覺唔太適合就無做。」間接承認圖中人就係威威本人。

其實最近威威話題唔少,之前就爆出疑似阿威拎住一支美容產品嘅舊相,直指佢曾經做傳銷Photo from LIHKG

事後威威透過同事回覆稱絕對無做過任何「呃人」嘅工作,但指2017年佢經朋友介紹兼職賣美容產品Photo from LIHKG

惹嘲MIRROR、COLLAR疑雲,威威否認

後來又有YouTuber「苦男 Bitterboy」大爆「威威」粉絲開設嘅Telegram群組,其中有人自稱「威威」並出言嘲諷MIRROR、COLLAR嘅fans,群組有人分享教主Anson Lo (盧瀚霆)新歌《King Kong》嘅MV,卻狂踩佢英文唔好、唱功差等。

有YouTuber「苦男 Bitterboy」大爆「威威」粉絲開設嘅Telegram群組,其中有人自稱「威威」並出言嘲諷MIRROR、COLLAR嘅fansPhoto from 苦男 Bitterboy YouTube

群組有人分享教主Anson Lo (盧瀚霆)新歌《King Kong》嘅MV,卻狂踩佢唱功差Photo from 苦男 Bitterboy YouTube

疑似威威豬指Anson Lo英文唔好?Photo from 苦男 Bitterboy YouTube

之後威威經理人立即否認Telegram群組內嘅「威威」係劉宋威本人,強調威威只有Facebook、IG、Youtube 3大官方帳號,又質疑群組成員「唔知係咪真粉絲」。風波暫未影響威威人氣,官方Facebook帳號現已超過1萬followers,更「job接job」,有7個廣告在手!

威威經理人立即否認Telegram群組內嘅「威威」係劉宋威本人,強調威威只有Facebook、IG、Youtube3大官方帳號Photo from 威威 劉宋威Samuel YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

荃灣豬肉檔威威被爆曾做傳銷?疑招攬員工,稱每月最多可搵5萬

10 Jun 2022

阿威(劉宋威)走紅後人氣急升,日前開生日會更吸引過百「威威豬(阿威fans)」出席,不過最近有網民喺Facebook搵到疑似阿威舊相,指佢曾經做過傳銷,力sell一支黑色產品,即時引起網民討論。

阿威(劉宋威)走紅後人氣急升,日前開生日會更吸引過百「威威豬(阿威fans)」出席Photo from Facebook群組「荃灣鮮肉威威應援群」

荃灣豬肉檔阿威舊照曝光

「肉類分割技術員」阿威因為一張合照而成為新晉網絡紅人,接廣告又上電視,仲開埋生日會,待遇拍得住人氣偶像!日前宣佈正式出道嘅阿威開設多個社交帳號,又明言有意做幕前工作,相信見到生日會咁多fans出現應該會令阿威信心大增!

「肉類分割技術員」阿威因為一張合照而成為新晉網絡紅人,接廣告又上電視Photo from 品牌宣傳圖

但最近網上就有人爆出疑似阿威舊相,其實自佢走紅以嚟已有唔少「除罩舊照」曝光,但今次阿威手中仲拎住一支黑色產品,有網民見到呢支產品即留言:「呢支嘢黑心傳銷,無個好人」

最近網上就有人爆出疑似阿威舊相,其實自佢走紅以嚟已有唔少「除罩舊照」曝光,但今次阿威手中仲拎住一支黑色產品Photo from Facebook群組「大埔 TAI PO」

有網民見到呢支產品即留言:「呢支嘢黑心傳銷,無個好人」Photo from Facebook群組「大埔 TAI PO」

Maione青春定格原液(噴噴)

網友又表示佢哋聲稱呢支產品功效超多:噴頭會生髮、噴臉會瘦面等,十分神奇。翻查資料,呢支產品名為「青春定格原液(神奇拉提噴霧)」,俗稱「噴噴」,售價係HKD$1,580,聲稱一支可替代爽膚水、精華液、眼霜、面霜、日/晚霜等:「3-5個月讓你年輕5-10歲;3秒鐘透皮吸收、10分鐘緊緻拉提、28天塑形輪廓」

翻查資料,呢支產品名為「青春定格原液(神奇拉提噴霧)」,俗稱「噴噴」,售價係HKD$1,580Photo from Maione Hong Kong

一支可替代爽膚水、精華液、眼霜、面霜、日/晚霜等:「3-5個月讓你年輕5-10歲;3秒鐘透皮吸收、10分鐘緊緻拉提、28天塑形輪廓」Photo from Facebook群組「大埔 TAI PO」

招攬網友推銷產品?

網上又流傳一張疑似係阿威以前嘅Facebook,icon正係阿威同青春定格原液合照,該Facebook帳號出post招攬員工:「有無朋友想喺唔影響正職嘅情況下每月賺多1萬至5萬?」並列出部分要求:要識玩Facebook同Wechat、溝通能力良好、出嚟做嘢至少2年等。佢寫道:「先相信,後看見」、「歡迎預約了解生意制度或試噴產品」

網上又流傳一張疑似係阿威以前嘅Facebook,icon正係阿威同青春定格原液合照,該Facebook帳號出post招攬員工

威威被爆曾經做過傳銷?Photo from Facebook群組「荃灣鮮肉威威應援群」

有關產品劣評甚多?

而喺2018年就有Facebook page「直銷傳銷 背後真相」出post指有讀者爆料怒斥相關產品用咗會出現敏感情況:「唔少銷售產品嘅人都知道個產品有問題」

2018年就有Facebook page「直銷傳銷 背後真相」出post指有讀者爆料怒斥相關產品用咗會出現敏感情況:Photo from Facebook「直銷傳銷 背後真相」

疑似威威與有關產品合照Photo from LIHKG

有內地傳媒揭呢支青春定格原液係出口轉內銷的國產產品,由珠海諾氏公司生產,並非從美國進口。另外,相關產品於2015年、2016年未能通過檢查,仲被要求責令整改。

相關產品於2015年、2016年未能通過檢查,仲被要求責令整改。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel