荃灣豬肉威威落淚澄清「古惑仔」傳聞，大呻「點解有紋身就唔係好人?」網民反應兩極！
早前爆紅嘅荃灣豬肉威威（劉宋威）正式出道，工作接踵而來，仲開始拍攝超市廣告。然而，佢卻被網民大爆過往「黑歷史」，指佢疑似做過古惑仔；而威威昨晚（16日）拍片回應一直以來有關佢嘅傳聞，仲忍唔住眼濕濕咁話「點解紋身嘅就唔係好人？！」
Photo from 威威IG
荃灣豬肉威威被爆「黑歷史」？！
本身係肉類分割技術員嘅威威（劉宋威）近期人氣爆燈，出道咁短時間就已經舉辦咗生日會同埋獲邀拍攝廣告，事業似乎非常順利！不過近日有網民大爆佢過往嘅「黑歷史」，繼早前被網民大爆做過傳銷，最近又有知情人士表示佢以前曾經做過古惑仔？！
Photo from 「荃灣鮮肉威威應援群」FB
Photo from LIHKG
拍片澄清傳聞！
昨晚，威威忍唔住喺IG拍片回應，指最近外界有好多比較負面嘅傳聞，澄清「我只係一個喺屋村長大嘅小子，點解有紋身就係唔係好人？」強調自己嘅事業只係賣豬肉，仲忍唔住哽咽咁話「終於明白人紅是非多呢個道理」！
Photo from 威威IG
Photo from 威威 劉宋威Samuel YouTube
已經設計全新「威威豬」紋身！
而威威有啲激動咁話「希望大家唔好成日標籤有紋身嘅人或者屋村長大嘅人就係古惑仔」，表示最近真係好大壓力！而佢亦補充已經搵咗紋身師傅為佢設計「威威豬」紋身，直言「紀念返呢一刻嘅自己」，同時亦感謝一直支持佢嘅大家。
Photo from 威威IG
Photo from 威威IG
網民反應兩極！
有網民睇完影片後就鼓勵威威指會繼續支持佢「加油！撐住！」；但亦有唔少網民似乎唔收科「谷極都谷唔到眼淚」、「有啲假」等，似乎係覺得威威喊得有啲牽強？！
Photo from 威威IG
網民突破盲點「喊都要戴口罩？」
部份網民仲突破盲點咁話「真係咁盡公民責任喺架車都戴住口罩？」、「除咗口罩先講啦」等，認為喊緊嘅時候都堅持戴口罩有啲奇怪！
Photo from 威威IG
Photo from 威威 劉宋威Samuel YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
荃灣豬肉威威疑被爆黑歷史，無口罩舊照曝光！網民指曾做古惑仔？！
16 Jun , 2022
威威（劉宋威）早前正式出道，即時被爆各種黑歷史！有人指佢曾經做過傳銷，威威稱無做過任何「呃人」嘅工作，最近又有一張疑似威威除罩照流出，指佢做肉類分割技術員之前曾經做過古惑仔？！
Photo from Facebook群組「荃灣鮮肉威威應援群」
疑似威威除罩舊照曝光！
威威做肉類分割技術員時已獲大批「威威豬」支持，正式出道後更開生日會，又接咗廣告，名氣越嚟越大！不過威威連日嚟都惹上唔少是非，最近更疑再有「黑歷史」曝光！
Photo from 威威 劉宋威 Facebook
網上流傳一張疑似威威舊照，相中人無戴口罩，更加淨係著咗條褲。唔少網民從相中人身上嘅紋身判斷佢極有可能有爆紅嘅威威，疑似威威梳咗一個超高髮型，同身旁女士合照。
Photo from LIHKG
網民爆料威威「撈開古惑」？
呢張合照係於2012年影，10前威威身型略為發福，加上衣著清涼，打扮「mk味」濃，有網友直言：「唔怪得而家口罩都唔敢除」、「除咗口罩真係唔係幾掂」
Photo from LIHKG
Photo from LIHKG
除咗舊照，更有網民爆料有朋友認識威威前度女友，對方聲稱威威唔係好人：「撈開古惑...之後先轉行切肉」，有人回覆稱見到佢嘅髮型同紋身已經估到，不過網友所講暫時未經證實，只係傳言。
Photo from Facebook群組「荃灣鮮肉威威應援群」
Photo from LIHKG
威威被指曾做傳銷
其實最近威威話題唔少，之前就爆出疑似阿威拎住一支美容產品嘅舊相，直指佢曾經做傳銷，更喺Facebook帳號出post招攬員工，事後威威透過同事回覆稱絕對無做過任何「呃人」嘅工作，但指2017年佢經朋友介紹兼職賣美容產品：「但只係做咗幾個月，發覺唔太適合就無做。」間接承認圖中人就係威威本人。
Photo from LIHKG
Photo from LIHKG
惹嘲MIRROR、COLLAR疑雲，威威否認
後來又有YouTuber「苦男 Bitterboy」大爆「威威」粉絲開設嘅Telegram群組，其中有人自稱「威威」並出言嘲諷MIRROR、COLLAR嘅fans，群組有人分享教主Anson Lo （盧瀚霆）新歌《King Kong》嘅MV，卻狂踩佢英文唔好、唱功差等。
Photo from 苦男 Bitterboy YouTube
Photo from 苦男 Bitterboy YouTube
Photo from 苦男 Bitterboy YouTube
之後威威經理人立即否認Telegram群組內嘅「威威」係劉宋威本人，強調威威只有Facebook、IG、Youtube 3大官方帳號，又質疑群組成員「唔知係咪真粉絲」。風波暫未影響威威人氣，官方Facebook帳號現已超過1萬followers，更「job接job」，有7個廣告在手！
Photo from 威威 劉宋威Samuel YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
