溫碧霞與13歲囝囝互動太親密惹熱議,被網民誤以為係男友?2010年與丈夫收養兒子視如己出

溫碧霞與13歲囝囝互動太親密惹熱議,被網民誤以為係男友?2010年與丈夫收養兒子視如己出

娛樂新聞
By Stephanie on 17 Jun 2022
Digital Content Writer

現年55歲嘅溫碧霞近年北上發展,注重保養嘅佢被網民稱為「凍齡女神」~最近,佢上載咗一條短片,只見影片中仲有一位男生嘅出現,令網民不禁留言猜測「這是男友嗎?」;然而男生其實係佢13歲嘅兒子何國倫(Xavier),母子間嘅親密互動隨即引起網民熱議!

溫碧霞同仔仔嘅親密互動引起網民熱議!Photo from 溫碧霞微博

溫碧霞改變萬年不變髮型,剪齊瀏海!

溫碧霞入行至今已經40幾年,但咁多年來身材及樣貌都同當年並冇太大差別;而佢充滿少女心嘅打扮更加頻頻成為網民熱議嘅話題。最近佢仲罕有地一改多年來嘅中分長髮造型,剪咗齊瀏海,心態依然保持年輕!

溫碧霞最近剪咗新髮型,被網民大讚好減齡Photo from 溫碧霞微博

上載與男生親密互動影片!

少女心爆棚嘅溫碧霞亦用心經營社交媒體,經常向網民分享日常生活。日前,佢上載咗一條短片,只見佢身穿牛仔背心裙,手上有一隻黃色嘅小鳥,充滿童心咁同小鳥玩~期間佢後面仲有一位男生出現,二人表現親暱:頭貼頭、面貼面,仲有疑似係男方聞頭髮嘅舉動!

溫碧霞上載與小鳥玩嘅短片,非常有童真~Photo from 溫碧霞小紅書

影片中仲有另一位男子嘅出現,而且二人表現親暱!Photo from 溫碧霞小紅書

網民誤將兒子當成新男友!

有部份網民就不禁對男仔嘅身份感到好奇,留言詢問「這是男友嗎?」,隨後有網民代為解釋男仔其實係溫碧霞嘅兒子何國倫(Xavier);不過二人一直以來嘅親密互動隨即引起熱議!

有網民將男子誤以為係男友,其後其他網民幫手解釋係佢嘅兒子!Photo from 溫碧霞小紅書

不過溫碧霞同兒子嘅親密互動隨即引起網民討論!Photo from 溫碧霞微博

部份網民批評母子互動太親暱?!

翻查過往溫碧霞同兒子嘅親暱互動:面貼面、嘟嘴、互相擁抱等合照都經常見到,睇得出母子關係非常好!但有網民就覺得佢哋嘅舉動並唔似母子關係,為此感到震驚;但亦有網民大讚溫碧霞係好媽媽。

翻查返溫碧霞嘅社群媒體,佢經常都會上載同仔仔嘅溫馨合照!Photo from 溫碧霞微博

從佢哋嘅合照pose睇得出佢哋感情好好,會互相嘟嘴合照Photo from 溫碧霞微博

面貼面合照都係非常基本嘅~Photo from 溫碧霞微博

2010年與丈夫收養兒子

其實13歲嘅Xavier係溫碧霞同富商丈夫何祖光喺2010年收養嘅兒子,兩夫婦疼愛兒子,一家三口十分溫馨!過往曾有傳聞指,結婚多年嘅溫碧霞係為咗保持身形而拒絕生小朋友,但佢喺受訪時解釋係因為知道咗姐姐嘅生育過程後感到害怕。

13歲嘅Xavier係溫碧霞同丈夫喺2010年收養嘅兒子!Photo from 溫碧霞微博

當時有傳結婚長達20幾年嘅溫碧霞一直都拒絕生小朋友,全因為咗keep住身形?!Photo from 溫碧霞微博

兒子被指同丈夫何祖光超似樣!

除此之外,兒子Xavier亦被指同溫碧霞丈夫樣貌好似,令網民不禁笑言「家人是會變得越來越相似的!」

而仔仔仲被指同溫碧霞丈夫何祖光好似樣!Photo from 溫碧霞微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

溫碧霞出道40年激罕換新髮型!打扮十年如一日,齊蔭look成功減齡?

7 Jun , 2022

55歲嘅溫碧霞近年北上發展,出演綜藝都會讚佢「不老美魔女」,不過佢十年如一日嘅造型曾被指唔適合佢嘅實際年齡。近日佢喺微博分享近照,一改以往嘅經典髮型,以齊蔭新look示人,引起熱議!

55歲嘅溫碧霞近年北上發展,出演綜藝都會讚佢「不老美魔女」Photo from 溫碧霞微博

溫碧霞身材外型保養得宜

溫碧霞出道多年,參演嘅香港電視劇唔算多,但佢喺《火玫瑰》飾演嘅「海潮」、《封神榜》嘅「妲己」都令人留下深刻印象,成為經典角色,佢更係好多人心目中「最美妲己」。

溫碧霞於《封神榜》飾演「妲己」,令人留下深刻印象Photo from 《封神榜》

溫碧霞係好多人心目中「最美妲己」。Photo from 《封神榜》

演藝生涯有代表角色,溫碧霞本人亦保養得宜,多年嚟努力維持少女身型,上綜藝節目又憑「神仙身材」登上微博熱搜,可見大眾都認同佢駐顏有術。

溫碧霞保養得宜,多年嚟努力維持少女身型,上綜藝節目又憑「神仙身材」登上微博熱搜Photo from 溫碧霞微博

中間分界長髮十年如一日,溫碧霞突換齊蔭新髮型

溫碧霞於1982年拍攝電影《靚妹仔》入行至今已有40年,佢身材外型keep得同出道差唔多,連造型、打扮都充滿少女心,尤其係髮型,中間分界長髮幾乎係佢個人標誌,十年如一日。

溫碧霞入行至今已有40年,佢身材外型keep得同出道差唔多,連造型、打扮都充滿少女心Photo from 溫碧霞微博

近日佢喺微博公開近照:「心情靚靚換個新髮型來迎接美好的夏天來臨」,相中佢罕有轉咗新髮型,唔再係萬年不變嘅中分頭,而係堪稱減齡效果超強嘅齊瀏海!

溫碧霞喺微博公開近照:「心情靚靚換個新髮型來迎接美好的夏天來臨」,相中佢罕有轉咗新髮型Photo from 溫碧霞微博

溫碧霞唔再係萬年不變嘅中分頭,而係堪稱減齡效果超強嘅齊瀏海!Photo from 溫碧霞微博

齊蔭look成功減齡?

溫碧霞影相不忘大擺嘟嘴pose,少女心滿滿!佢於6月1日兒童節發文:「勿忘初心,永遠帶着童心快樂每一天:)」睇嚟佢心態的確非常年輕!唔少網友都大讚佢新髮型顯得好年輕,但亦有人指似假髮。

溫碧霞影相不忘大擺嘟嘴pose,少女心滿滿!Photo from 溫碧霞微博

唔少網友都大讚佢新髮型顯得好年輕,但亦有人指似假髮。Photo from 溫碧霞微博

但溫碧霞隨後再晒新相,相中佢依然係「跌膊」造型,但髮型就係齊蔭頭,相信佢真係剪咗新髮型,有fans留言:「終於換髮型了!好看!」大讚「姐姐好美」~

溫碧霞隨後再晒新相,相中佢依然係「跌膊」造型Photo from 溫碧霞微博

溫碧霞終於轉新髮型!Photo from 溫碧霞微博

有fans留言:「終於換髮型了!好看!」Photo from 溫碧霞微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel