download HolidaySmart 假期日常 app
有線新聞副總經理許方輝以家庭理由辭職,疑似受爆料所影響?2013年曾被爆與周嘉儀傳緋聞!

有線新聞副總經理許方輝以家庭理由辭職,疑似受爆料所影響?2013年曾被爆與周嘉儀傳緋聞!

時事熱話 生活熱話
By Stephanie on 17 Jun 2022
Digital Content Writer

前大台新聞主播兼現任有線新聞副總經理許方輝近日被爆料,疑似喺返工時間「蛇王」攬女,引起網民熱議。有指,許方輝已經於昨日(16日)以家庭理由辭職,令網民不禁覺得相中人好大機會就係許方輝本人!

前主播許方輝9年前曾被爆與新聞小花周嘉儀傳緋聞,日前又再被拍到與女子親暱互攬?!Photo from 大台

網上瘋傳中年男子攬女照,男方疑似係前主播許方輝?!

日前,網上瘋傳一張中年男子喺渡輪上攬女嘅照片,從照片中所見,男子一手攬住身穿短裙嘅女子;而女生亦小鳥依人咁挨喺對方懷中,雙手緊緊環抱返男子,睇落就係一對非常甜蜜嘅情侶~不過網民隨後大爆男方疑似係已婚前主播許方輝!

討論區流傳一張中年男子攬女照,而男子疑似係有線新聞副總經理許方輝?!Photo from 連登討論區

事發時疑似係辦公時間

照片隨即引起大眾關注,據悉電視台都非常著緊事件,由於事發時間疑似係辦公時間,令大家不禁懷疑許方輝係「偷懶」外出與女生約會?!而網民亦開始猜測女子身份,令唔少有線女主播因此備受牽連。

由於拍攝照片嘅時間係辦公時間,所以電視台亦十分關注事件。Photo from 大台新聞

許方輝以家庭理由向電視台辭職!

今日(17日),有線電視對外證實許方輝於昨日(16日)以家庭理由請辭,即時停止參與新聞部運作及相關事宜,並將會喺9月中正式離任!而有線新聞及資訊總監關慧玲亦向公司各部門主管澄清,相中嘅女主角並非有線新聞主播。

許方輝已經於16日向有線電視請辭!Photo from 大台新聞

投身新聞主播工作長達30幾年!

57歲許方輝過往曾係大台新聞主播,喺2004年出任採訪主任兼主播,後來升職成為新聞副總監;直到2020年佢「空降」到有線新聞擔任副總經理一職。

許方輝自1987年開始任職新聞主播,後來開始擔任高層,並且轉投有線電視。Photo from J2

2013年被爆出緋聞

而許方輝多年前就已經與前亞視新聞主播陳佩琳結婚,曾經係行內出名嘅恩愛情侶。直到2013年,許方輝被媒體拍到同細18年嘅「新聞小花」周嘉儀傳出緋聞,形象插水退居幕後,當年有傳妻子搬離住所,二人暫時分居!估唔到事隔9年,許方輝再次爆出桃色緋聞,令婚姻關係再度面臨危機。

許方輝與前亞視新聞主播陳佩琳結婚多年Photo from 亞視

2013年許方輝被爆與下屬周嘉儀傳出緋聞,形象大受打擊!Photo from 大台

周嘉儀離開幕前,投身金融界!

當年周嘉儀亦因為緋聞導致被電視台「雪藏」,後來喺2015年決心離開大台,轉行投身金融界擔任證券公司市場部工作,亦不時獲邀主持活動等,事業發展尚算不錯!

周嘉儀現時轉行成為證券公司市場部員工Photo from 周嘉儀IG

亦會喺網上直播分析證券等Photo from 周嘉儀IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周嘉儀面型唔同晒疑P圖過度 晒逾40萬超豪行頭炫富?網友:不如改名叫「周身名牌」!

5 Mar , 2021

前新聞主播女神之一嘅周嘉儀(Venus)自 2015 年最後一次主持《香港早晨》後便轉戰金融界,不時喺社交網豪晒名牌手袋及首飾,除咗被網友指佢炫富外,最近更有網友懷疑佢 P 圖過度呀!

前新聞主播女神之一嘅周嘉儀自離開 TVB 後便轉戰金融界。Photo from 周嘉儀/IG

周嘉儀不時喺社交網豪晒名牌手袋及首飾Photo from 周嘉儀/IG

周嘉儀非常活躍於社交平台,IG 擁有逾 5 萬粉絲嘅佢除咗頻頻更新生活照,仲會不時分享個人穿搭,十足十 KOL 咁啊!

周嘉儀不時分享個人穿搭,十足十 KOL 咁啊!Photo from 周嘉儀/IG

而周嘉儀更愈做愈富貴,由本來住公屋搬到荃灣豪宅爵悅庭,喺社交平台中亦不時見佢大晒多個有錢都未必買到嘅 Hermès 手袋,再加上佢不時戴喺手上價值超過 20 萬嘅名牌手錶同總價值近 40 萬嘅 3 隻名牌手鈪,完全就好似闊太咁呀!難怪網友都忍唔住指佢炫富:「你不如唔好叫周嘉儀,改名叫『周身名牌』啦!」

難怪網友都忍唔住指佢炫富Photo from 周嘉儀/IG

呢款Hermès 鑽石手扼,周嘉儀佩戴嘅係黃金款,官網同款嘅鉑金款上標價4萬3千美金,換算返港幣都成30萬!

Hermès Kelly bracelet White gold 喺美國官網售價就要 $42,500 美金,而周嘉儀手上目測係 yellow gold 售價應該再貴啲呀!

另外兩款帶鑽嘅卡地亞手扼共月13萬,認真富貴!

Hermès 手袋加上超過 30 萬嘅名牌手錶同手鈪,完全就好似闊太咁呀!

除咗被網友指佢炫富之外,最近更有網友發現佢同以前睇起嚟好似有啲唔同咗,同以前相比,佢唔止眼大咗,而且整個面型都變尖咗呀。

當年喺 TVB 時個樣係咁嘅Photo from TVB

睇番依家同以前相比,佢唔止眼大咗,而且整個面型都變尖咗呀。Photo from 周嘉儀/IG

成個面型都唔同晒,唔怪得之會引嚟網民懷疑佢個樣進化咗,不過依家人人都 P 圖,所以亦有網友估佢只係 P 圖過度。

不過依家人人都 P 圖,所以亦有網友估佢只係 P 圖過度。Photo from 周嘉儀/IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel