內地女3大原因深信自己非親生 嫌父母外貌太差 逼媽媽驗DNA結果超尷尬

內地一名女大學生一直嫌棄父母窮，外貌又遜色，佢深信其親生父母係有錢人家，於是強迫媽媽去驗DNA，希望證實自己並非親生，再尋找富有雙親過惬意生活。然而鑑定報告一出，結果令佢超尷尬。

Photo from 內地新聞截圖

內地女堅信自己非親生

內地一名化名陳美麗嘅女大生現年21歲，家人本以為佢接受高等教育後，會成為家庭支柱改善生活質素。不過，陳女卻開始質疑自己嘅身世，更認為自己係「落魄公主」，本應在富有家庭享受人生。

Photo from 內地新聞截圖

3大因素認為自己係養女

令陳女懷疑自己不是親生有數個因素，第一係外表，佢覺得父母長相很普通，而自己就貌美如花，加上全家人只有佢一個擁有偏棕色頭髮，顯得佢格格不入。

Photo from 內地新聞截圖

第二，佢稱父母經常責罵自己，又會動粗，但對姐姐卻愛護有加。久而久之，陳女認為自己係外來養女。第三，身為農民嘅父母本應無能力支付陳女嘅大學學費，但兩人不僅讓女兒讀大學，更買下房子，此舉令陳女質疑，其親生父母一直在背後支付所有費用。

Photo from 內地新聞截圖

走火入魔迫媽媽驗DNA

種種理由下，陳女堅信自己來自富裕家庭，只係因不明因素才被逼與父母分離。所以佢威迫媽媽做DNA鑑定，更揚言如果媽媽不就範，就會將對方滅口，「既然妳不想讓我過上富裕的生活，那全家都不會有好日子過」。除此，陳女亦向媽媽承諾，如果說出生母下落，等佢有錢後必定會報答對方。

Photo from 內地新聞截圖

陳媽媽受訪坦言，佢同丈夫為了栽培陳女努力賺錢，所以對方才可上大學。對於常罵女兒一事，陳媽媽解釋，事緣陳女很不生性，又經常穿著暴露出夜街，二人因此常起爭執。

Photo from 內地新聞截圖

事主對鑑定結果感愕然

陳媽本來不想驗DNA，陳女一氣之下離家出走。後來，無奈嘅陳媽只好服從女兒要求去做檢驗。最終，鑑定報告出爐，結果顯示兩人確實有血緣關係。尷尬又震驚嘅陳女因無法接受現實，決定繼續待在租屋，沒有回家與父母同住。

Photo from 內地新聞截圖

相關文章：內地男結婚16年驚覺3孩非親生 老婆堅持無做錯 更反駁：血緣重要嗎？

相關文章：兒子太靚仔爸爸懷疑非親生！驗DNA後嬲爆離婚揭醫院抱錯嬰兒？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）