林欣彤公開晒恩愛！陷第三者風波，男友留言疑揭想低調處理感情？
林欣彤（Mag）與樂隊ONE PROMISE鼓手Anton（馮卓然）戀情曝光卻陷「第三者」傳聞之中，一直低調處理感情事嘅Mag喺IG公開同男友嘅合照放閃，仲同男友Anton留言互動，言談間似乎透露Mag曾一度想「收埋」男友？！
Photo from 林欣彤 IG
林欣彤公開男友Anton情侶裝合照
Mag出道以嚟感情生活都受到關注，但佢入行以嚟少有地大方同男友放閃，Mag同Anton分別著上兩種橙色上衣，以情侶裝姿態示人，並對住鏡頭舉起V字手勢：「同哩個人一齊咩都玩一餐，商場廁所出面塊鏡都好玩。」
Photo from 林欣彤 IG
Photo from 林欣彤 IG
男友Anton同Mag大擺各種親密pose，兩人露出燦爛笑容，十分甜蜜～相片公開咗一日即吸逾7,000人讚好，唔少網友都為Mag嘅戀情送祝福：「最緊要係開開心心同埋幸福就好了」
Photo from 林欣彤 IG
Photo from 林欣彤 IG
Mag放閃，男友留言疑爆曾想低調戀愛？！
Anton仲有留言同女友打情罵俏：「自己睇返都覺得有啲閃， but I like it」，而Mag就回覆表示自己係戴住太陽眼鏡出post！約兩星期前男友Anton所屬嘅樂隊出席活動時，Mag大方現身支持男友，更拎埋相機影底靚相，感情超好！
Photo from 林欣彤 IG
Photo from 娛樂新聞台
Photo from 娛樂新聞台
Anton另一個留言則指：「終於肯po我喺第一張相啦咩?」似乎暗示Mag之前一直唔肯咁公開咁post合照，Mag甜蜜回應男友：「收到投訴當然係第一時間處理啦??♀️」
Photo from 林欣彤 IG
Mag確診意外曝光戀情，Anton前女友疑暗示被橫刀奪愛？
其實Mag同Anton嘅戀情之所以曝光完全係意料之外，因為早前Mag公開快速測試結果疑似確診，被揭係因為「同住者」Anton都確診而導致「中招」！事後Anton亦承認戀情，並表示係與交往7年嘅圈外女友分手之後先同Mag拍拖。
Photo from Anton IG
Photo from 林欣彤 IG
不過Anton嘅前度女友就喺IG Story出post疑暗示與Anton感情中出現第三者！Mag一直未有公開回應，戀情曝光後4個月佢出席活動時就否認自己有介入男友Anton同前任嘅感情。
Photo from Anton前女友 IG
Photo from 娛樂新聞台
林欣彤澄清自己並非第三者！
Mag表示佢唔係第一次被人指係「第三者」，自己好想避開一啲好negative嘅嘢：「而我自己知道事實我唔係咪得囉！」佢坦言每個人可能都會受到負面言論嘅衝擊，自言會樂觀面對：「睇下你將啲時間用喺邊、將咩說話放喺心，呢個就係自己控制到囉。」
Photo from 娛樂新聞台
Photo from 林欣彤 IG
其實Mag入行後情路亦非常崎嶇，佢喺ViuTV節目《吃掉前男友》中透露曾經遇過前度男友向佢坦白有第三者，而Mag為挽回偷食前度甚至不惜下跪：「我就跪喺度求佢，我話你可唔可唔好離開我。」但前男友最終仍是離開佢，Mag憶述呢段往事時仲忍唔住喊！
Photo from 《吃掉前男友》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「林欣彤點解唔紅」掀網民熱議！出道10年第一首歌最紅？網友列3大原因
30 Aug 2021
Photo from TVB
現年31歲嘅林欣彤於2010年參加《超級巨聲2》，最終更勇奪冠軍，翌年佢簽約英皇娛樂並推出出道作《洗澡》，首張個人唱片《Vocalist》更獲得白金銷量！佢出道成績咁好，當年亦奪得唔少新人獎。
Photo from 林欣彤IG
Photo from EEG
#出道10年都「唔紅」？！
林欣彤出道至今已有10年，近日有網民喺連登討論區以「林欣彤，點解唔紅？」為題開post，樓主指佢一出道反而仲紅啲，指佢啱啱入行嗰幾年進步得算多，但之後開始失聲：「呢幾年嘅表現真心麻麻，好唔穩定」
Photo from 林欣彤IG
Photo from lihkg
樓主又附上林欣彤唱live嘅片段：「好多壞習慣都改唔好，叫人點聽得舒服？」，列出3大原因。
Photo from TVB
#氣聲多年無改善
樓主表示某啲句子用氣聲唱一兩次都正常，但林欣彤前面句句都用，令人覺得好唔舒服。佢又稱老一輩歌手教唱歌有講過唱歌係唔應該有氣聲，直言：「呢個應該係職業歌手本身要知既野吧？」
Photo from 林欣彤IG
#揸咪隻手不停郁
樓主認為揸咪隻手郁嚟郁去搞到佢嘅歌聲時大時細，又係令到人聽得好唔舒服：「簡單啲講，令到個表演好唔穩定」
Photo from TVB
#尾音換氣聲太大聲
樓主表示林欣彤咁多年都有呢個壞習慣，而一首歌加加埋埋咁多氣聲、換氣聲等：「真係唔太想聽」
Photo from 林欣彤IG
但樓主指林欣彤都有唔少優點：「雖然講到佢好多壞習慣，但佢高音音色係靚，音樂感都好重，令我印象深刻係佢唱浮誇，雖然都係好多透氣聲，但起碼穩定啲，每句都有力support，真心希望佢打好啲基本功啦」
Photo from 林欣彤IG
#網友熱議指重鼻音+定位唔清晰係問題
有網友就留言指佢鼻音好重，人氣又一般，直言做藝人紅有時唔係淨係靠實力，形象、包裝、有個人性格、魅力更重要：「佢個定位，俾人感覺都好霉」，亦有網友認為紅唔紅其實更多係睇有無好歌，而佢對林欣彤嘅印象只有《洗澡》呢首歌。
Photo from lihkg
Photo from lihkg
有網民則表示林欣彤喺最紅時期有情緒問題，令佢星途受阻，2012年林欣彤啱啱出道1年，因為聲帶出現問題，令工作停滯，林欣彤透露有試過兩個月無開聲講嘢，差唔多休息一年先重新投入工作。
Photo from lihkg
#網民指林欣彤簽約王祖藍旗下浪費咗3年？
有網友稱佢簽咗王祖藍工作室做經理人公司後就「越做越霉」，佢2016年經理人公司轉去曾志偉、王祖藍合資經營嘅「手工藝創作」，2017年佢坦言公司承諾為佢開嘅個人演唱會遲遲未能落實，最終2019年佢宣布離開公司，結束3年賓主關係，隨後加盟華納唱片。
Photo from lihkg
Photo from 林欣彤IG
Photo from 林欣彤IG
其實有唔少網友都表示林欣彤唱歌好聽，如果可以改善氣音會令人聽得更加舒服。
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
