鄭秀文罕有提及原諒許志安原因,原來同爸爸有關?回顧二人33年愛情長跑

鄭秀文罕有提及原諒許志安原因,原來同爸爸有關?回顧二人33年愛情長跑

娛樂新聞
By Stephanie on 20 Jun 2022
Digital Content Writer

54歲許志安喺2019年被爆出婚內偷食事件,導致形象插水,幸好最終亦獲得妻子鄭秀文嘅原諒。最近,鄭秀文就透露當年選擇原諒伴侶嘅背後原因,原來係同爸爸多年來嘅教導有關?!另外,許志安似乎正密謀復出,據悉已簽約新唱片公司。

鄭秀文近日罕有透露當年選擇原諒許志安嘅契機。Photo from 鄭秀文IG

2019年許志安被爆偷食,形象一夜盡毀!

2019年,許志安被傳媒大爆偷食黃心穎,而導致形象一落千丈!事件曝光後,佢立刻召開記者會,爆喊道歉指自己非常後悔「我係一個壞咗嘅人,期望大家可以俾時間我搵返我自己。」,呢番言論引起網民熱議!而妻子鄭秀文都選擇原諒丈夫,繼續維繫二人嘅婚姻關係。

2019年,許志安喺「安心事件」爆出後立刻召開記者會,向大眾道歉Photo from 東張西望

而鄭秀文亦選擇原諒丈夫!Photo from 鄭秀文IG

鄭秀文透露當年原諒許志安原因!

昨日(19日)適逢係父親節,鄭秀文喺IG上載同已離世爸爸嘅合照,坦承爸爸在生時曾教導佢唔少人生道理,令佢一生受用!而佢就罕有地透露當年選擇原諒丈夫嘅原因,原來係源於爸爸嘅一句「要懂得欣賞他人,也要欣賞伴侶而非單單愛。」令佢堅信愛能夠排除萬難,選擇與許志安繼續共度餘生。

鄭秀文透露當年原諒許志安,全因爸爸嘅一句說話?!Photo from 鄭秀文IG

許志安將正式復出?

而許志安就因為「安心事件」而導致需要停工,事業發展停滯咗2年;直到今年3月宣佈加盟環球唱片,正式復出!其實上年佢就已經飛往台灣參與電視劇《接招吧!製作人》嘅拍攝,一直都密謀緊「復出之路」,逐漸出現返喺幕前「試水溫」。

許志安今年3月簽約到環球唱片,似乎即將復出喇!Photo from 許志安IG

而佢近來亦不時會喺IG上載自彈自唱影片Photo from 許志安IG

鄭秀文透露對方心情緊張!

鄭秀文近日出席活動受訪時,公開為許志安打氣「只要佢身體同心理準備好,我就覺得係最好嘅時間。」仲忍唔住大爆許志安其實好緊張「真係要再上台面對觀眾,唔多唔少都會有種恐懼。」希望佢能夠珍惜可以再次唱歌嘅機會!

鄭秀文最近受訪時指會全力支持丈夫復出!Photo from 鄭秀文IG

而鄭秀文大爆許志安為復出感到非常緊張!Photo from 許志安IG

鄭秀文與許志安於1989年認識!

鄭秀文同許志安過往一直係大眾眼中嘅「模範情侶」,二人喺1989年認識彼此,屬於同一間唱片公司;喺1991年被安排合唱《其實你心裡有沒有我》,後來二人就被爆出熱戀中嘅傳聞。期間,鄭秀文曾與古天樂、謝霆鋒等傳出緋聞,但二人感情穩定,並冇受影響。

1989年,鄭秀文參加完新秀比賽後簽約到唱片公司,成為許志安嘅同門師妹Photo from 娛樂新聞台

二人喺2001年合唱《其實你心裏有沒有我》,之後就傳出二人交往嘅傳聞!Photo from 娛樂新聞台

二人交往多年,曾公開於頒獎禮上晒恩愛~

喺2001年「十大勁歌金曲頒獎典禮」二人同時榮獲最佳男女歌手獎項,當時許志安就向鄭秀文發表「廚房宣言」,令台下嘅鄭秀文感動落淚,甜蜜感情羨煞旁人!可惜喺2004年,許志安突然宣布分手。女方非常失望,仲因此傳出患上抑鬱症,後來二人維持返朋友關係;而回復單身嘅許志安先後與助手潘恆章及模特兒余德琳交往。

2001年「十大勁歌金曲頒獎典禮」許志安仲公開發表愛的宣言,二人感情甜蜜~Photo from 娛樂新聞台

2004年,二人傳出分手消息,有傳鄭秀文因此而為情所困?!Photo from 鄭秀文IG

2007年傳出復合消息?!

直到2007年許志安爸爸離世,鄭秀文前往拜祭而傳出二人低調復合嘅消息。2009年,鄭秀文舉辦演唱會時邀請男方做嘉賓,仲一齊合唱《其實你心裡有沒有我》,喺台上互動甜蜜,令二人嘅關係變得更加撲朔迷離!2013年,二人被爆與峇里島秘密結婚,直到2014年先承認婚訊,被大眾譽為「香港最後一個童話」。

2009年,鄭秀文開演唱會邀請許志安擔任嘉賓!Photo from 娛樂新聞台

2013年二人就已經秘密結婚,後來先承認消息。Photo from 娛樂新聞台

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄭秀文超性感不扣鈕造型公開!deep V到肚臍!Sammi:有幾多俾幾多

23 Mar , 2021

鄭秀文(Sammi)向來穿衣打扮都非常前衛,近日佢喺IG公開拍攝花絮片段,一身不扣鈕白裇衫配黑西裝,性感程度爆燈!

鄭秀文(Sammi)向來穿衣打扮都非常前衛Photo from 鄭秀文IG

Sammi一向打扮新潮,曾經公開過演唱會重口味戰衣,令人驚歎唔係個個人都carry到件衫。

Sammi一向打扮新潮Photo from 鄭秀文IG

鄭秀文曾經公開過演唱會重口味戰衣Photo from 鄭秀文IG

雖然有網友指似燒乳豬雙眼,但仍有唔少fans話Sammi著得好好睇!

鄭秀文IGPhoto from 鄭秀文IG

Sammi日前喺IG公開佢工作嘅幕後花絮,見佢拎住枝唇膏補妝,最搶眼嘅係佢著上黑西裝,內搭白色裇衫,裇衫不扣鈕中門大開直落到肚臍,勁sexy!

Sammi日前喺IG公開佢工作嘅幕後花絮Photo from 鄭秀文IG

最搶眼嘅係佢著上黑西裝,內搭白色裇衫,裇衫不扣鈕中門大開直落到肚臍Photo from 鄭秀文IG

Sammi不時用手整理衣領,微微拉開裇衫,眼睛半瞇,似乎相當欣賞自己嘅造型。

Sammi不時用手整理衣領,微微拉開裇衫Photo from 鄭秀文IG

鄭秀文IGPhoto from 鄭秀文IG

佢留言指:「#非常sammi #有幾多俾幾多 #百分百sammi」睇嚟佢都覺得呢身造型好有自己嘅風格。

鄭秀文留言指:「#非常sammi #有幾多俾幾多 #百分百sammi」Photo from 鄭秀文IG

大批網民留言讚Sammi好型!亦有網民問:「個眼神都好迷 當時係咪好眼瞓?」

大批網民留言讚Sammi好型!Photo from 鄭秀文IG

鄭秀文IGPhoto from 鄭秀文IG

有網民問:「個眼神都好迷 當時係咪好眼瞓?」Photo from 鄭秀文IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel