內地男2歲時被捉走與家人失去聯繫,事隔25年再度重逢!被揭父母+養父母家底同樣豐厚,被稱「天生富二代」!

內地男2歲時被捉走與家人失去聯繫,事隔25年再度重逢!被揭父母+養父母家底同樣豐厚,被稱「天生富二代」!

時事熱話 生活熱話
By Stephanie on 20 Jun 2022
Digital Content Writer

唔少人都覺得出身於富貴家庭就等於「贏在起跑線上」~內地男子梅志強2歲嘅時候被拐,從此與家人分離,並被賣到其他家庭。直到今年佢成功尋回親生父母,仲喺本月16日與家人久別重逢,場面感人!不過有網民揭梅志強過往成長嘅呢2個「家庭」都非常有錢,形容佢為「天生富二代」?!

現年27歲嘅梅志強與親生父母失散25年,終於重逢!Photo from 微博

內地男子2歲時候被拐!

根據內地傳媒報導,1997年只得2歲嘅梅志強喺屋企門口玩嘅時候被拐,當時父親梅賢華正在外地出差、而媽媽潘長娥就工作中,直到回家後詢問大女兒先發現兒子不見咗!而姐姐回憶當日狀況表示當日落大雨,家人周圍尋找都搵唔到弟弟嘅蹤影,一下子就過咗25年!

內地男子梅志強2歲時被捉走,從此於家人失聯!Photo from 微博

父母25年來不停尋找,但都失敗收場!

喺兒子唔見咗後,父母一直都冇放棄過尋找梅志強,曾多次參加不同嘅尋親活動,但都失望而回。父親表示25年來心裏十分煎熬,經常因為想念兒子而落淚「擔心他過得不好,我們花了好多金錢及心力」。

梅志強嘅父母多年來都並冇放棄尋找兒子!圖為家人們等待與梅志強相認前嘅照片。Photo from 微博

今年4月成功尋獲兒子梅志強!

直到今年4月,有好心人士提供資料俾梅賢華夫婦以及莆田區警方,喺經過DNA比對後,終於成功搵返梅志強!一家人於本月16日再度重逢,相認時佢哋都忍唔住相擁而泣。

今年4月,當地警方獲得情報,並為佢哋進行DNA比對,成功尋回梅志強!Photo from 微博

6月16日,梅志強事隔25年再與親生父母重逢!Photo from 微博

選擇回到親生父母身邊!

儘管同養父母嘅感情已經非常深厚,梅志強得知家人多年來都嘗試尋找佢,佢最終都選擇回到親生父母嘅身邊,並於父親節(19日)當日啟程回家,父親梅賢華感動表示「是最好的父親節禮物」~

佢喺父親節當日就已經回到親生父母身邊,現時居住於昆明!Photo from 微博

父親感動表示係最好嘅父親節禮物~Photo from 微博

網民發現養父母係億萬富翁,而親生父母都家底豐厚!

新聞曝光後,有網民就發現梅志強手上配戴限量版勞力士手錶,隨後有網民大爆原來佢養父母嘅家庭經濟狀況非常好,盛傳係億萬富翁,開設民營醫院。但原來梅志強本身嘅家庭狀況其實都非常好,父母係千萬富翁,有傳父母係經營酒店用品公司,公司注冊資金為100萬人民幣:媽媽擔任總經理及最大股東、爸爸為公司監事!

有網民發現梅志強手上嘅昂貴勞力士手錶,仲盛傳養父母係億萬富翁!Photo from 微博

不過網民亦發現梅志強本身嘅家庭都家底豐厚!Photo from 微博

網民直言「天生富二代」!

唔少網民都為梅志強成功搵返親生父母而感到高興;而部份網民得知實情後,都忍唔住話梅志強係「天生富二代」、「人生勝利組」、「命真好」等留言!另一方面,網民亦感慨「有錢人都找了這麼多年,那沒錢的怎麼辦?!」期望現時嘅科技能夠令「失散」嘅家庭有機會重逢!

網民留言表示梅志強係「天生富二代」!Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

老象35年後與老翁重逢 感動落淚互相擁抱!

24 Apr , 2020

大象係一種好有靈性嘅動物,亦係地球上最有智慧嘅動物之一!佢仲好有記性,好長情添~

1967年,動物管理員Peter Adamson喺蘇格蘭動物園工作,主要照顧嗰陣啱啱出世嘅小象Kristy,當佢係自己親生咁湊,無微不至咁照顧咗佢足足17年,見證住佢由小象變大象!對Kristy嚟講,Adams 就好似佢嘅爸爸咁!

Daily MailPhoto from Daily Mail

12860628-6972139-image-a-3_1556544482265Photo from Daily Mail

後來,Kristy就先後被送到3個動物園:英國北部嘅動物園、都柏林動物園同德國動物園,然後就喺德國動物園定居!自從Kristy 離開咗蘇格蘭之後,佢哋就失去聯繫!Adamson不斷尋找Kristy 嘅下落,一直到冇忘記過佢!直至有一日,佢發現Kristy喺德國動物園生活之後,就決定去探佢。

Daily MailPhoto from Daily Mail

德國動物園一知道呢件事之後,就一口答應,並且安排咗佢哋見面!去之前,佢好擔心Kristy 會唔會已經唔記得佢~冇諗過佢一出現,Kirsty就認得出佢把聲,主動行埋去,仲伸個鼻出去溫柔咁摸佢、攬住佢~佢冇忘記過同Adamson生活嘅日子

Daily MailPhoto from Daily Mail

Daily MailPhoto from Daily Mail

相隔超過30年,大象Kristy同Adamson一樣,一直冇忘記過大家,非常長情!

喺片段入面,睇得出大家都好掛住對方!

Daily MailPhoto from Daily Mail

即睇佢哋大象與老翁重聚片段!

資料來源:Daily Mail

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel