download HolidaySmart 假期日常 app
男大學生難以接受嫲嫲驟逝消息,每日傳訊息等回覆!Google Map發現嫲嫲身影:她真的回家了!

男大學生難以接受嫲嫲驟逝消息,每日傳訊息等回覆!Google Map發現嫲嫲身影:她真的回家了!

生活熱話
By Stephanie on 24 Jun 2022
Digital Content Writer

親人離逝係令人悲傷嘅事,唔少人都需要花時間接受事實。最近,一名大學生喺討論區表示嫲嫲因為意外跌倒送院,後來因為情況嚴重而離世,令佢一時之間難以接受!傷心嘅佢每日都會繼續向嫲嫲傳訊息,表達想念之情,不過近日佢就喺Google Map上發現嫲嫲嘅身影,令佢忍唔住眼濕濕。

男大學生難以接受嫲嫲突然離世消息,但卻令佢意外發現Google map照片,令佢心靈上得到慰藉~Photo from 《反起跑線聯盟》劇照

台灣男大學生假日經常探望嫲嫲!

該台灣男網民表示自己現時喺台北讀書,不過幾乎每個假日都會返去探望嫲嫲,因為祖父喺10年前已經去世,只剩下嫲嫲一人獨居,所以不時都會花時間陪伴嫲嫲!然而隨住嫲嫲嘅年齡漸長,佢嘅身體亦變得越來越差。

男大學生經常都抽空陪伴獨居嘅嫲嫲!Photo from 《海岸村恰恰恰》劇照

上個月嫲嫲不慎於浴室跌倒,後來不幸離世!

直到上個月,嫲嫲因為喺浴室內不慎跌倒而急忙送院治療,不過樓主表示佢當時因為喺台北返學而未能夠即時到醫院探望;而嫲嫲因為受傷,就算清醒過後都意識模糊「認不出人」。樓主後來拜訪嫲嫲,但即使佢企喺面前,嫲嫲都講唔到嘢亦認唔出佢,令佢十分心痛!

嫲嫲因為唔小心喺浴室跌倒而送院,後來更突然離世!Photo from 《我的大叔》劇照

當時樓主因為喺台北返學,未能即時到達醫院探望Photo from 《Law School》劇照

憶述與嫲嫲相處日常

樓主不禁回憶起往事,指嫲嫲非常貪靚,即使已經60幾歲都堅持出門要化妝、噴香水、用髮片;衣著方面亦好講究,偏愛著西裝外套、連身裙、高跟鞋等,絕對係一位「潮流達人」~但由於近年身體抱恙,所以已經甚少打扮。

樓主回憶起嫲嫲過往非常貪靚,擁有一顆少女心~Photo from 《不能說的故事》劇照

難掩不捨之情,照常日日傳訊息!

喺嫲嫲離開後,樓主感到非常不捨,至今都難以接受現實「感覺都是一場夢 很想醒來」,日日都如常地傳訊息俾佢,希望能夠再次收到對方嘅回覆!

樓主因為唔捨得嫲嫲而不停傳訊息俾佢!Photo from dcard討論區

睇得出樓主本身同嫲嫲嘅感情非常好~Photo from dcard討論區

意外於Google Map發現嫲嫲身影!

直到近日,家人喺用Google map嘅時候竟然發現嫲嫲嘅身影!從圖中所見,嫲嫲當時騎住紅色電單車「真的看到阿嬤騎摩托車回家了」,忍唔住眼濕濕「我希望一切的一切都不要變。我希望阿嬤,現在可以陪著我」難掩不捨之情。事後佢表示自己會努力接受現實,仲揚言大家可以想念已逝家人嘅時候,不妨嘗試搵下衛星地圖可能會有意外收穫!

樓主無意中喺Google map發現嫲嫲嘅身影!Photo from dcard討論區

原來好多人都試過用衛星地圖尋找離世親人?!

大部分網民睇完呢個post之後都忍唔住眼濕濕,亦諗起自己已經離開嘅親人,感到不捨!原來有唔少網民都好似樓主咁有留意過Google map衛星地圖,部份人都好幸運咁能夠尋覓到離世親人嘅畫面~

原來唔少網民都曾經嘗試喺衛星地圖上尋找親人嘅身影!Photo from dcard討論區

唔少網民都表示睇完之後,特別想念已經離開嘅親人!Photo from 《Hi,Bye Mama》劇照

有網民仲好貼心咁話俾樓主知「旁邊一條可以看到不同角度的阿嬤」,為佢截圖等佢能夠更清楚咁睇到「唔同角度」嘅嫲嫲,超窩心~

有網民貼心咁幫樓主截圖,指第二條街嘅角度影得更清晰!Photo from dcard討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

59歲男子男扮女裝將近20年!背後藏有感人故事!無視眾人奇異目光

10 Feb , 2022

每個人都可能會擁有自己嘅獨特癖好,只要唔影響其他人就可以~內地廣西一位年約59歲嘅男子男扮女裝將近20年嘅時間,仲身穿非常顯身材嘅旗袍。然而,男子背後隱藏住感人嘅故事,全因為希望媽媽開心?!

內地男子朱孟勳身穿旗袍20年,背後藏有感人故事?!Photo from 微博

# 內地男男扮女裝20年?!

來自內地廣西嘅59歲朱孟勳身形高大健碩,但就經常喺街頭身穿女裝旗袍賣藝,男扮女裝足足20年時間。即時經常受到旁人嘅冷眼旁觀,但佢依然堅持呢種穿衣風格多年,一方面為養家,而且背後仲有另一個感人嘅原因!

朱孟勳經常與廣西桂林街頭賣藝Photo from 微博

# 自幼就一家四口相依為命!

出生於廣西桂林嘅朱孟勳小時候就已經失去父親,同媽媽尹佩君、哥哥以及妹妹相依為命。後來,哥哥飛往湖南做上門女婿,所以變成家中唯一男丁嘅佢就擔起養家嘅重任!

朱孟勳自幼就失去父親,成長於單親家庭Photo from 微博

# 妹妹因病不幸逝世!

1987年,年約18歲嘅妹妹卻因為白血病需要緊急就醫,當時只有27歲嘅朱孟勳不惜花費所有積蓄,並且欠下一身債幫助妹妹。可惜都未能夠挽回妹妹嘅生命,媽媽亦因為大受打擊而精神失常:半夜尋找女兒、周圍向人炫耀女兒等,令朱孟勳非常心疼!

媽媽因為失去女兒而導致精神失常!Photo from 微博

# 朱孟勳妻子亦逝世!

隨後,朱孟勳喺31歲嘅時候結婚,而妻子不久後亦懷有身孕,令媽媽嘅病情有所好轉,變得更開朗!但上天卻又再一次考驗佢哋一家,妻子生產當日不幸逝世,就連小朋友都失去咗!當時嘅朱孟勳陷入低潮,但眼見媽媽孤身一人就不忍離開。

朱孟勳妻子喺生產途中逝世,令二人都大受打擊!Photo from 微博

# 假扮女裝全為媽媽?!

後來,有人建議朱孟勳假扮妹妹,希望能夠令媽媽病情好轉;而佢就大膽穿上妹妹嘅舊衣服,成功令媽媽尋回笑容!原先佢只係打算偶爾身穿女裝,但媽媽卻因為女兒要離開而感到傷心,所以佢就毅然決定一直男扮女裝!

身穿女裝後,媽媽病情有所好轉!Photo from 微博

# 開始街頭賣藝生活~

幸好身邊亦有唔少好心嘅鄰居,將自己家中嘅舊女裝捐贈俾朱孟勳。8年前,媽媽意外受傷導致行動不便,唔能夠照顧自己嘅起居生活;朱孟勳就放棄工作,並且利用電動三輪車帶媽媽周圍喺街頭賣藝!

媽媽行動不便,所以朱孟勳帶同媽媽一齊街頭賣藝!Photo from 微博

# 媽媽過世後先回復男兒身!

期間,朱孟勳亦飽受唔少路人嘅冷眼以及指責,但卻就表示「只要媽媽開心就好」;年紀漸長嘅佢失去妻子後,就一直單身,仲願意將自己嘅一生奉獻俾媽媽,留待媽媽百年歸老先回復男兒身!

朱孟勳將會等媽媽去世後先停止男扮女裝!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel