內地中二生豪花家人$12萬積蓄網購，用埋媽媽手術費！家人報警求助竟成功索回金錢？網民反指父母責任更大
正值青春期嘅青少年難免會比較叛逆，經常都同屋企人發生爭吵。最近，一位喺內地就讀初二嘅學生竟然豪洗$12萬人民幣（約港幣14萬）購買衣服、遊戲等，洗晒媽媽做手術嘅費用，令家人無奈報警求助希望索取返金錢，事件引起網民熱議！
Photo from 《少年的你》
內地初二生偷偷使用家人金錢！
喺現時物質當道嘅社會，大家嘅購物慾好容易就會被激發！日前，一位讀緊初二嘅內地女學生就喺家人唔知情嘅狀況下，動用屋企人嘅金錢網上購物，滿足自己嘅購物慾。
Photo from 《最愛女人購物狂》劇照
豪花$12萬人民幣網購！
根據內地傳媒報導，女學生一共花咗$12萬人民幣（約港幣14萬）購買遊戲帳號、衣服等，當中包括購買3部售價$5,000嘅手機，只係購買電話都已經用咗$1.5 萬，對自己非常大方！
Photo from 微博
Photo from 微博
原來積蓄係媽媽的手術費用！
然而，女學生所用嘅$12萬家人積蓄，原來喺媽媽本身用來醫治腰間盤突出嘅手術費用！家人發現金錢被花光後非常驚訝，而父親就忍唔住報警，希望能夠利用女兒性格「孩子剛上初二，比較叛逆」為由成功索回金錢。
Photo from 《四樓的天堂》劇照
報警求助成功索回$6萬！
而當地警方亦三番四次協助佢哋與網購平台溝通，解釋買家為未成年少女，希望能夠退還部份款項。經過連日來嘅溝通，現時佢哋已經成功索回$6萬人民幣（約港幣7萬），大部分物品都成功退回，唯獨係手機等已經開封並使用過嘅物品未能退款。
Photo from 微博
網民反而怪責父母行為，認為教育孩子責任大！
事件好快就引起內地網民熱議！不過，大部分網民認為今次事件中父母要負嘅責任比較大「為甚麼孩子會知道支付密碼？」、「父母問題挺大的」等留言，認為家人好明顯冇教導小孩運用金錢等理財觀念，勸喻父母應該吸取教訓，免得再鑄成大錯！
Photo from 微博
Photo from 《反起跑線聯盟》劇照
亦有網民同情父母！
相反，有部份網民就批評女學生嘅行為「連媽媽的治病錢也敢花」，替佢嘅父母感到心痛，認為家人必定承受巨大嘅金錢壓力。
Photo from 微博
Photo from 《都挺好》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
29歲男子愛上50歲大媽！相戀兩年花光73萬積蓄，女友避而不見：我都唔鍾意佢
6 Jan , 2022
「只要相愛可以衝破一切難關！」中國內地29歲男子戀上50歲女士，21歲嘅年齡差距阻止唔到男子熱烈嘅愛意，兩人戀愛兩年，期間男子為女友花盡積蓄，事後50歲女友開始避見男子，更直言一路都唔鍾意佢！
Photo from 微博
現實不少「阿姨我不想努力了」例子
愛情嘅魔力實在強大，年齡從來唔係問題，現實有唔少年輕男子愛上中年女士嘅例子，佢哋唔介意大眾嘅目光，不過總係有人會猜測係咪女方好有錢，出於「阿姨我不想努力了」嘅心態先會無視年齡差成為戀人。
Photo from TVB
但內地一對情侶嘅情況就完全相反。喺河南有一位男子叫小華（化名），年齡29歲但性格內向嘅佢甚少主動追求心儀女性，感情生活一直空白。
Photo from 微博
29歲小華愛上51歲離婚大媽
小華畢業後到大城市打工，結識咗一位50歲嘅女士，雖然呢位女士離過婚，但小華不顧世俗眼光，勇於追求所愛，隨即同50歲中年女士展開熱戀。
Photo from 微博
小華為女友花盡73萬積蓄
雖然兩年相差21歲，小華認為佢哋嘅愛情可以跨越年齡界限。交往期間小華同女友到處遊玩，而且出手闊綽，為女友花費非常大方，不過佢無考慮好自己嘅經濟實力，短短兩年就使晒父母48萬人民幣（約$59萬港元）以及小華自己儲嘅12萬人民幣（約$15萬港元）積蓄。
Photo from 微博
小華父母欲哭無淚，指積蓄包括留畀兒子買樓嘅支出，依家兩老同小華合共60萬人民幣（約$73萬港元）積蓄所剩無幾。
Photo from 微博
女友開始避而不見小華，指對方花錢係自願
小華為女友花盡家產，但對方開始疏遠小華，漸漸更對佢避而不見。小華為見不惜用盡各種方法，後來女友稱自己結過一次婚，又已踏入50歲年紀，早就睇淡咗婚姻，現階段只想戀愛無意結婚。
Photo from 微博
Photo from 微博
女友堅稱自己先係受害者，又表示其實唔鍾意小華，一直都係對方一廂情願，為咗同小華分手佢先避而不見，希望可以漸漸遠離小華。
Photo from 微博
小華父母希望女友可以還返啲錢畀佢哋，女方即刻表示小華用錢一直都係自願，佢從未要求過，亦無可能還錢，態度十分強硬。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
