download HolidaySmart 假期日常 app
Chris Evans樂意再演「霹靂火」!比回歸演「美國隊長」更易!不抗拒《神奇4俠》再演漫威英雄!

Chris Evans樂意再演「霹靂火」!比回歸演「美國隊長」更易!不抗拒《神奇4俠》再演漫威英雄!

電視電影 娛樂新聞
By Haitaeng on 21 Jun 2022
Digital Editor

基斯伊雲斯(Chris Evans)因飾演超級英雄「美國隊長」而全球爆紅,雖然在《復仇者聯盟4:終局之戰》後正式告別漫威電影宇宙,但仍然係不少影迷心目中無可替代嘅存在!其實他首個扮演嘅漫威超級英雄係「霹靂火」,但反而之後憑「美國隊長」開啓人生巔峰!Chris Evans近日被問到再次飾演這兩個角色嘅可能性,直言回歸演「霹靂火」易過演「美國隊長」?!

Chris Evans憑超級英雄「美國隊長」而全球爆紅~Photo from IG@Chris Evans

#回歸「美國隊長」非常艱難

Chris Evans於2019年《復仇者聯盟4:終局之戰》正式卸任「美國隊長」後,不斷傳出他會再次回歸,或以客串形式出演其他MCU電影嘅傳聞~他近日在為宣傳動畫電影《光年正傳》接受外媒《ComicBook.com》訪問時,直言回歸「美國隊長」係一項非常艱難嘅任務,「我知道呢個似乎係大家都非常希望看到嘅,即使我不想讓任何人失望,但真係很難….. 它對我來講太珍貴了,也必須係完美嘅。如此珍貴嘅東西,反而會令人覺得害怕。」他亦表示這個角色對自己嘅意義重大,所以如果要再出演,必須要有更高的要求。

Chris Evans在《ComicBook.com》訪問直言再次回歸演「美國隊長」不容易。Photo from 《ComicBook.com》訪問截圖

美國隊長最經典的名言:「I can do this all day.」Photo from IMDB

Chris Evan在《復仇者聯盟3:無限之戰》中換上全新的造型~Photo from Marvel Studios

#樂意再演「霹靂火」

除了「美國隊長」,Chris Evans在外媒《MTV News》嘅訪問中,同樣被問到會否願意再次出演「霹靂火」時,立即表示非常樂意,不抗拒重演這個角色,不過一直沒有人找自己談論過這件事。他亦提到《神奇4俠》已有近20年,自己不再年輕,似乎擔心無法駕馭這個角色,但强調非常喜歡這個角色,不抗拒再次出演,並直言回歸演「霹靂火」比演「美國隊長」更易!

Chris Evans在《MTV News》訪問透露非常樂意再次出演「霹靂火」!Photo from 《MTV News》訪問截圖

事實上,「神奇4俠」係漫威嘅第一個超級英雄團隊,四位成員在一次太空任務中因意外暴露在宇宙輻射下,身體變異而獲得不同嘅超能力。而Chris Evans飾演嘅「霹靂火 Human Torch」Johnny Storm,獲得控制火焰及超音速飛行嘅能力,全身可以發出火焰。漫威漫畫《神奇4俠》曾多次被改編成電影,其中最知名嘅版本為Chris Evans和Jessica Alba主演嘅《神奇4俠》兩部曲,但續集《神奇4俠:銀魔現身》票房及口碑不太理想。

Chris Evans飾演的「霹靂火」擁有控制火焰的超能力~Photo from IMDB

Chris Evans和Jessica Alba在《神奇4俠》中分別飾演「霹靂火」和「隱形女俠」。Photo from IMDB

#漫威籌備《神奇4俠》

2019年,隨著迪士尼收購21世紀霍士,神奇四俠真人電影改編版權再次回到漫威影業手上。由John Krasinski飾演嘅「驚奇先生」率先在電影《奇異博士2:失控多元宇宙》中登場,加上漫威總裁曾親口證實正在籌備《神奇4俠》,相信電影上映指日可待~由於「霹靂火」嘅角色設定相較於「美國隊長」會更加張揚輕浮,加上Chris Evans强烈表達非常樂意再次出演這個角色,令不少影迷都希望可以再看到Chris Evans版嘅「霹靂火」!

神奇4俠!Photo from IMDB

John Krasinski在電影《奇異博士2:失控多元宇宙》中以「驚奇先生」一角登場~Photo from Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel