伍允龍再度提及與鍾嘉欣昔日情!自爆交往期間甚少外出!工作壓力大導致感情生變?

伍允龍再度提及與鍾嘉欣昔日情!自爆交往期間甚少外出!工作壓力大導致感情生變?

娛樂新聞
By Stephanie on 22 Jun 2022
Digital Content Writer

38歲鍾嘉欣曾經係大台備受力捧嘅藝人,而佢嘅感情狀況亦受到大眾關注,而佢婚前曾與伍允龍拍拖長達8年,可惜最終未能修成正果!最近,伍允龍上節目《星光路上》受訪時再度提及過往戀情,表示當時壓力非常大!

44歲伍允龍受訪時再度提及與鍾嘉欣嘅昔日情!
Photo from 伍允龍IG

鍾嘉欣與伍允龍曾交往8年!

鍾嘉欣喺2004年參加選美比賽奪冠而正式入行,隨後開始拍攝電視劇,人氣急升,成為當年嘅當家花旦。而佢喺2007年因拍攝電影《十分愛》與伍允龍傳出緋聞,仲邀請男方做MV男主角;直到2013年男方去睇女方演唱會、參加生日派對等令地下情逐漸浮面,可惜喺2015年就傳出分手消息,有指二人對未來目標並唔一致,結束8年嘅戀情!

鍾嘉欣與伍允龍曾經交往8年!
Photo from 鍾嘉欣IG

二人2007年拍攝電影《十分愛》傳出緋聞,不過直到2015年傳出分手消息

伍允龍受訪時再度提及昔日情

日前,伍允龍接受節目《星光路上》訪問再次提及過往同鍾嘉欣嘅一段情,指當時對於戀情曝光感到驚訝「嘩!同人拍拖都會上報紙咁搞笑嘅!」;佢表示當時大家都正值事業上升期,工作上嘅壓力難免對二人嘅感情有影響「對方要保護自己嘅事業,咁自己都明白,但我又冇嘢可以做,所以有啲無奈嘅。」

伍允龍表示與鍾嘉欣嘅戀情曝光時,的確令佢嚇咗一跳!
Photo from 《星光路上》

不過外界嘅目光、發展地下情等都令二人嘅感情受到影響。
Photo from 《星光路上》

自爆二人交往期間甚少外出

伍允龍更透露當年同鍾嘉欣好少出街拍拖,一方面為咗避免被大眾撞見,另一方面佢自己都唔鍾意出街「我係宅男啲嘅,我唔鍾意周圍去,寧願喺屋企睇電視、打機。」現時單身嘅佢表示渴望能夠搵到一個適合自己嘅伴侶,並且唔會因此而避免同圈內人拍拖,認為投契係最緊要!

伍允龍自爆當年同鍾嘉欣拍拖嘅時候甚少出街!
Photo from 《星光路上》

過往因與女方事業發展差距大而失望

其實今年初伍允龍就首度開腔於大談昔日戀情,指當時因為與鍾嘉欣嘅事業發展有落差「嗰時佢好紅,我係nobody(無名小卒),我明嘅。」搞到壓力好大,經常被外界稱「XXX男友」、「茄喱啡」等。

伍允龍今年3月首度喺節目中提及過往同鍾嘉欣嘅戀情
Photo from 《諸朋好友》

指大眾對佢嘅稱呼的確令佢感到受傷!
Photo from 《諸朋好友》

坦承當年並不甘心!

同時,伍允龍表示明白女方因為事業需要低調處理感情事,明白對方壓力都好大。而佢坦承入行拍劇嘅其中一個原因係為咗向大眾證明自己嘅實力「係!嗰時我有啲唔忿氣。」希望能夠令觀眾刮目相看!

伍允龍亦坦承當時感到唔忿氣!
Photo from 《諸朋好友》

所有後來佢選擇入行拍攝電視劇,希望藉此證明自己嘅實力
Photo from 《諸朋好友》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

44歲伍允龍首談與鍾嘉欣8年地下情!不滿被逼低調,直言:唔忿氣

21 Mar , 2022

現年37歲嘅鍾嘉欣曾經係TVB嘅當家花旦,佢嘅感情生活亦備受關注,與伍允龍嘅戀情長達8年但終未能修成正果。日前伍允龍上TVB節目《諸朋好友》時罕有大談呢段戀情,更承認當時被逼地下情令佢有不滿!

現年37歲嘅鍾嘉欣曾經係TVB嘅當家花旦,佢嘅感情生活亦備受關注
Photo from 鍾嘉欣 IG

伍允龍出演TVB節目《諸朋好友》罕談感情事

鍾嘉欣以19歲之齡參選《2004年度國際華裔小姐競選》奪得冠軍後入行,佢簽約後即獲TVB力捧,成為當年嘅當家花旦。一直以嚟佢嘅感情生活都受到外界關注,其中同伍允龍嘅一段情更長達8年,可惜最終分手收場。

鍾嘉欣以19歲之齡參選《2004年度國際華裔小姐競選》並奪得冠軍後入行,佢簽約後即獲TVB力捧,成為當年嘅當家花旦。
Photo from 鍾嘉欣 IG

近日伍允龍與好友安志杰出演TVB節目《諸朋好友》做嘉賓,首次談及當年嘅感情史。主持人崔建邦同麥美恩提到佢哋曾被人冠上「XX男友」嘅稱呼,令伍允龍不吐不快。

近日伍允龍與好友安志杰出演TVB節目《諸朋好友》做嘉賓,首次談及當年嘅感情史
Photo from TVB

廣告
廣告

被稱「奀星」坦言有唔開心

佢指自己當時嘅經歷十分辛苦,出道以嚟一直被傳媒稱為「茄喱啡」,麥美恩指:「你直程畀人叫『奀星』!」伍允龍表示:「『奀星』已經算好,有個『星』字!」佢稱自己當時其實已經拍過好多戲,連男主角都做埋,但都被人叫做「茄喱啡」。

伍允龍指自己當時嘅經歷十分辛苦,出道以嚟一直被傳媒稱為「茄喱啡」
Photo from TVB

麥美恩指:「你直程畀人叫『奀星』!」
Photo from TVB

伍允龍表示:「『奀星』已經算好,有個『星』字!」
Photo from TVB

伍允龍表示:「拍《賭城風雲》一個被車撞鏡頭,我撞咗成25次;又試過從一樓跳落嚟,腳差啲斷,但呢啲經歷都無人知。」佢指自己唔係埋怨,但唔明點解外界會將個焦點放喺男女地位嘅差距上,佢坦言睇得多呢啲報道都有唔開心。

伍允龍表示:「拍《賭城風雲》一個被車撞鏡頭,我撞咗成25次;又試過從一樓跳落嚟,腳差啲斷,但呢啲經歷都無人知。」
Photo from TVB

伍允龍指自己唔係埋怨,但唔明點解外界會將個焦點放喺男女地位嘅差距上,佢坦言睇得多呢啲報道都有唔開心。
Photo from TVB

與女友事業發展差距大,承認不滿被逼地下情感受傷

崔建邦即問既然有咁多負面新聞點解仲會繼續段感情,伍允龍稱佢哋拍拖係開心嘅,指女方因為工作關係要「收埋」佢少少佢係理解。麥美恩追問:「你覺得電視台畀咗壓力你哋?」伍允龍指:「總之我相信佢(女友)會有啲壓力。」

崔建邦即問既然有咁多負面新聞點解仲會繼續段感情,伍允龍稱佢哋拍拖係開心嘅
Photo from TVB

伍允龍指女方因為工作關係要「收埋」佢少少佢係理解。
Photo from TVB

麥美恩追問:「你覺得電視台畀咗壓力你哋?」
Photo from TVB

佢又重申佢好明白女友要將感情事低調處理:「嗰時佢好紅,我係nobody(無名小卒),我明嘅。」但伍允龍坦言覺得呢件事做得太過分令佢有受到傷害,坦承:「我會有啲不滿同埋唔開心。」

伍允龍又重申佢好明白女友要將感情事低調處理
Photo from TVB

但伍允龍坦言覺得呢件事做得太過分令佢有受到傷害
Photo from TVB

伍允龍:「我會有啲不滿同埋唔開心。」
Photo from TVB

決心拍TVB劇集證明自己:有唔忿氣

崔建邦問佢係咪因為咁而決心一定要入TVB拍劇,伍允龍直認:「係!嗰時我有啲唔忿氣。」表示希望證明畀人睇佢係做得到。雖然佢未有提及女友名字,但憑藉TVB、名氣比佢大嘅女藝人等「蛛絲馬跡」,即時令人估到佢係講緊同鍾嘉欣嘅一段情。

崔建邦問佢係咪因為咁而決心一定要入TVB拍劇
Photo from TVB

伍允龍直認:「係!嗰時我有啲唔忿氣。」
Photo from TVB

伍允龍表示希望證明畀人睇佢係做得到
Photo from TVB

伍允龍與鍾嘉欣低調相戀8年

2007年佢同鍾嘉欣合作拍攝電影《十分愛》結緣,當年鍾嘉欣已憑電視劇《人生馬戲團》、《法證先鋒》等入屋,而伍允龍知名度同女方的確有差距,雖然兩人一直未有承認戀情,但關係已經係「公開嘅秘密」。

2007年伍允龍同鍾嘉欣合作拍攝電影《十分愛》結緣,當年鍾嘉欣已憑電視劇《人生馬戲團》、《法證先鋒》等入屋,而伍允龍知名度同女方的確有差距

鍾嘉欣同伍允龍嘅呢段情常被指「女強男弱」,伍允龍始終未有走紅,但鍾嘉欣毫不介意,仍然對佢不離不棄。兩人雖低調處理感情,但呢段地下情仍維持8年之久!有指佢哋分手係因為大家對未來嘅目標唔一致。

鍾嘉欣同伍允龍嘅呢段情常被指「女強男弱」,伍允龍始終未有走紅,但鍾嘉欣毫不介意,仍然對佢不離不棄。
Photo from 鍾嘉欣 IG

分手後,伍允龍拍攝TVB劇集《城寨英雄》知名度上升,事業終於有起色,而鍾嘉欣則與脊醫Jeremy結婚,並移居加拿大生活。今次伍允龍罕有提及往事,睇嚟佢曾一度對呢段關係耿耿於懷。

分手後,伍允龍拍攝TVB劇集《城寨英雄》知名度上升,事業終於有起色
Photo from TVB

鍾嘉欣則與脊醫Jeremy結婚,並移居加拿大生活
Photo from 鍾嘉欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
威威劉宋威自費驗毒證清白 被網民狂爆黑歷史 無懼與爆料者當面對質
威威劉宋威自費驗毒證清白 被網民狂爆黑歷史 無懼與爆料者當面對質
4 days ago
《披荊斬棘》陳小春林峯吳卓羲同組,公演曲目曝光,大灣仔2.0組成在望!
《披荊斬棘》陳小春林峯吳卓羲同組,公演曲目曝光,大灣仔2.0組成在望!
4 days ago
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
4 days ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
4 days ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
5 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago