download HolidaySmart 假期日常 app
周星馳60歲生日工作伙伴爆私下一面,最愛吃棒棒糖,惜錯過摰愛至今單身

周星馳60歲生日工作伙伴爆私下一面,最愛吃棒棒糖,惜錯過摰愛至今單身

生活熱話 娛樂新聞
By Moon Lam on 22 Jun 2022
Digital Content Writer

6月22日係周星馳嘅60歲大壽,內地媒體就為星爺發起「人人都愛周星馳」一連三日直播,首集主題係同周星馳一齊拍戲嘅體驗,邀請咗星爺執導電影《新喜劇之王》嘅演員鄂靖文,同埋參與《西遊·降魔篇》、《美人魚》幕後創作嘅導演、演員盧正雨。

周星馳影迷會 微博Photo from 周星馳影迷會 微博

#星爺工作態度認真

盧正雨認為星爺有齊一個認真嘅電影人應有嘅特質,要興奮嘅時候一時保持興奮,遇到唔好嘅野又會好冷靜,有時以為佢要發火,但佢又格外有耐心一直教你,重複教一個幾鐘,目的就係拍好作品!而都表示同意,佢話星爺工作時比較嚴肅,比較寡言同要求嚴格,所以群眾演員會有少少怕佢,但就笑言可能星爺係電影入面嘅形象太深刻,自己並唔怕佢,亦同意星爺好樂意教戲,仲好注重細節,唔理係主角定配角都會睇得好仔細。難怪係星爺嘅電影入面每一個人物都各有特色!

盧正雨、鄂靖文同媒體嘅工作人員談星爺工作生活反差Photo from 微博圖片

#私下愛分享美食

工作還工作,兩位都透露星爺私下其實好鍾意分享美食,鄂靖文就話星爺同戲入面反差好大,並唔會有戲入面嘅搞怪表情,但為人好溫和好斯文,而且有可愛嘅一點就係好鍾意食棒棒糖!仲話同星爺一齊工作最好嘅一點就係伙食永遠都會好好。盧正雨就反而覺得星爺無咩特別嘅地方,話星爺同啱Channel嘅人自然就會多啲野講,有好野就會叫埋你一齊食,而且提到佢唔鍾意一個人食飯,所以通常都係一班人一齊食。

《功夫》截圖Photo from 《功夫》截圖

#做臨演入行至今42年

周星馳係1981年曾經同好友梁朝偉一齊報名藝員訓練班,但就入選失敗,後來係做臨時演員入行,星爺更曾經分享係做臨時演員時,試過因為覺得一句對白演繹得唔太好,於是就跪低向導演請求補拍,佢對演戲嘅認真同熱誠可謂風雨不改。

電視台截圖Photo from 電視台截圖

#憑天賦努力換來成就

佢輾轉多年終於受電視台力捧,係《蓋世豪俠》擔任主角,係劇中已經見到佢往後拍劇嘅風格特色,後來又孖吳孟達係《他來自江湖》憑無厘頭笑料出位,至今已經42年!

《蓋世豪俠》截圖Photo from 《蓋世豪俠》截圖

#經典作品金句無數

星爺從《賭聖》開始打破當時香港電影界嘅紀錄,到《食神》、《喜劇之王》等開始參與編導工作,到2000年代嘅《少林足球》、《功夫》等,每一套都係經典,劇中台詞至今都仲係唔少香港人嘅口頭禪同座右銘!

「做人無夢想同條鹹魚有咩分別呀?」係唔少人追夢嘅座右銘Photo from 《少林足球》截圖

#感情史同樣豐富

星爺曾同羅慧娟、朱茵、莫文蔚傳過緋聞,又同于文鳳拍拖十年,網傳星爺心中最愛其實只得一人。

微博圖片Photo from 微博圖片

#錯過最愛至今單身

周星馳首次做男主角嘅劇集就係同羅慧娟合演嘅古裝劇《蓋世豪俠》,據說兩人因為拍劇而日久生情,雖然並無公開承認戀情,但當時已經係大家公認嘅一對!

《蓋世豪俠》截圖Photo from 《蓋世豪俠》截圖

不過呢段情似乎只維持約三年,有傳當年羅慧娟仲曾經主動向男方求婚,不過當時正值周星馳事業發展嘅高峰,面對求婚周星馳就當場拒絕,令羅慧娟心灰意冷,係接受媒體採訪時亦提過渴望同周星馳組織家庭,而對方只當佢痴咗線。

《少林足球》截圖Photo from 《少林足球》截圖

兩人分手後周星馳嘅事業就如同大家所知嘅咁一帆風順,但女方嘅人生卻相反並不如意,羅慧娟係1997年金融風暴損失慘重,又誤信朋友被騙去財產,負上巨額債務,仲發生意外導致失聰,雖然係2008年同加坡富商劉志敏結婚,但婚後又發現患上胰臟癌,最終係2012年因病逝世。

《蓋世豪俠》劇照Photo from 《蓋世豪俠》劇照

有傳呢段戀情未能開花結果,甚至已經陰影相隔,可能成為周星馳一生最大嘅遺憾,並因此至今仍未結婚。羅慧娟係患病期間亦曾經拍過一條影片比親友,提到如果真係鍾意一個人,就勇敢去愛,唔好留下遺憾同後悔,又指「我走以後,都要好好生活,好好去愛」,相信亦係比舊愛周星馳最後一番說話。

微博圖片Photo from 微博圖片

後來觀眾發現其實周星馳嘅電影有好多羅慧娟嘅影子。兩人首次合作嘅劇集係《阿德也瘋狂》,有周星馳嘅螢幕初吻,劇中羅慧娟有句對白「我唔做你養我呀?」,而1999年《喜劇之王》中,張柏芝亦講過同樣對白,周星馳更回應:「我養你阿」。

微博圖片Photo from 微博圖片

微博圖片Photo from 微博圖片

電影《西遊記之降魔篇》入面,段小姐亦同陳玄奘表白過:「我有個小理想,就是找一個如意郎君跟他組織家庭生一個小寶貝,然後簡簡單單地過生活,那個人就是你。」玄裝以一句「神經病」回答,正正係當時周星馳對羅慧娟的回應。可見羅慧娟係周星馳心目中嘅位置非同凡響。

微博圖片Photo from 微博圖片

星爺後來同圈外女友于文鳳拍拖十年,可以話係維持得最耐嘅戀情,不過于文鳳亦換唔到名分,最後係2010年分手,更因財務糾紛問題導致關係破裂。

微博圖片Photo from 微博圖片

周星馳雖然已經係「國際知名巨星」,係影壇有無可取替嘅地位,情路卻非常坎坷,至今仍單身同異性保持距離,似乎無人能到取代羅慧娟係佢心目中嘅位置,又或者係情路歷盡艱辛,先令星爺創作出咁打動人心嘅作品!

《蓋世豪俠》劇照Photo from 《蓋世豪俠》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel