download HolidaySmart 假期日常 app
簡淑兒入行10年外型進化史!小眼睛變腰果眼,曾當眾捏鼻力證無整容

簡淑兒入行10年外型進化史!小眼睛變腰果眼,曾當眾捏鼻力證無整容

娛樂新聞
By Jennifer on 22 Jun 2022
Digital Editor

近日簡淑兒喺IG發文表示將會離巢,入行10年佢由娛樂新聞主持變成笑容甜美嘅宅男女神。不過佢多年嚟屢傳曾整容,而簡淑兒為否認傳聞更試過當眾捏鼻力證自己純天然,一文睇佢入行以嚟變靚史!

近日簡淑兒喺IG發文表示將會離巢,入行10年佢由娛樂新聞主持變成笑容甜美嘅宅男女神。Photo from 簡淑兒 IG

富二代簡淑兒宣佈離巢

現年32歲嘅簡淑兒家境富裕,屋企人經營珠寶金飾生意,佢自8歲起就同家人移民美國生活,現時亦同家姐住喺高尚住宅。雖然係富二代但簡淑兒入行後亦努力工作證明自己。

現年32歲嘅簡淑兒家境富裕,屋企人經營珠寶金飾生意,佢自8歲起就同家人移民美國生活Photo from 簡淑兒 IG

近日佢喺IG發文表示會離開合作近10年嘅公司,開展新事業,佢表示唔想再活喺一個框框入邊, 慢慢咁失去自己嘅價值:「好想多謝喺公司合作過嘅導演同監製,多謝你哋比過我嘅機會, 鼓勵, 同肯定。」

近日簡淑兒喺IG發文表示會離開合作近10年嘅公司,開展新事業,佢表示唔想再活喺一個框框入邊, 慢慢咁失去自己嘅價值Photo from 簡淑兒 IG

簡淑兒2012年參選香港小姐入行

簡淑兒2012年參選香港小姐,同屆嘅有湯洛雯、岑杏賢、林泳淘等,張名雅、黃心穎同朱千雪分別獲冠軍、亞軍及季軍。簡淑兒第一階段就淘汰,未能入選二十強。

簡淑兒2012年參選香港小姐,同屆嘅有湯洛雯

同屆有朱千雪、湯洛雯等大熱佳麗參選

參選當時簡淑兒未見招牌腰果眼,面型仲有baby fat,2012年同屆有朱千雪、湯洛雯等大熱佳麗參選,相比之下佢外型略顯平凡。

參選當時簡淑兒未見招牌腰果眼,面型仲有baby fat,第一階段就淘汰,未能入選二十強。

做娛樂新聞台主持,眼睛漸漸變大

簽約之後簡淑兒擔任娛樂新聞台主持,佢眼睛開始變得有神,又大又明亮,雖然仲未有腰果眼咁迷人,但已經變靚咗唔少~

簽約之後簡淑兒擔任娛樂新聞台主持

簡淑兒眼睛開始變得有神Photo from 簡淑兒微博

簡淑兒變靚咗唔少Photo from 簡淑兒微博

加入組合「少女標本」,簡淑兒腰果眼成型

到2015年簡淑兒同許雅婷(Kabby)、袁紫僑(Coco)、溫心(Swan)組成香港女子組合「少女標本」,腰果眼逐漸成型,雙眼皮十分明顯。到拍攝《3日2夜》簡淑兒面型瘦咗唔少,漸變瓜子臉。

2015年簡淑兒同許雅婷(Kabby)、袁紫僑(Coco)、溫心(Swan)組成香港女子組合「少女標本」Photo from 少女標本 Facebook

簡淑兒腰果眼逐漸成型,雙眼皮十分明顯Photo from 少女標本 Facebook

拍攝《3日2夜》簡淑兒面型瘦咗唔少Photo from 《3日2夜》

《愛回家之八時入席》起備受關注,簡淑兒參演多套電視劇

拍處境劇《愛·回家之八時入席》簡淑兒飾演嘅「袁冰冰(Elsa)」因笑容甜美開始受到關注,腰果眼、瓜子臉,再加上小巧鼻子,外型已經變靚好多。

《愛·回家之八時入席》簡淑兒飾演嘅「袁冰冰(Elsa)」Photo from 《愛·回家之八時入席》

之後簡淑兒美貌受到越嚟越多網民認同,喺多套電視劇嘅表現亦十分突出,《平安谷之詭谷傳說》「賈淼淼」一角無辜眼神夠晒楚楚可憐;《C9特工》「Laura」一角亦演繹出貼地女神嘅感覺。

《平安谷之詭谷傳說》「賈淼淼」一角無辜眼神夠晒楚楚可憐Photo from 《平安谷之詭谷傳說》

《C9特工》「Laura」一角亦演繹出貼地女神嘅感覺。Photo from 《C9特工》

否認整容,簡淑兒當眾捏鼻力證純天然

雖然外型變化大令佢陷整容傳聞,但簡淑兒多次否認,佢曾經喺IG公開2011年舊相大反擊,表示自己嗰陣仲喺美國未畢業,自嘲當時身型較圓潤同黑,但佢指「變臉」係受妝髮影響:「係要淨係攞嚟攞去都係攞嗰幾張好明顯妝頭都出晒事嘅相嚟做比較嘅,我都冇辦法。」為力證自己純天然,簡淑兒仲不惜當眾用力捏自己個鼻!

雖然外型變化大令佢陷整容傳聞,但簡淑兒多次否認

簡淑兒曾經喺IG公開2011年舊相大反擊,表示自己嗰陣仲喺美國未畢業,自嘲當時身型較圓潤同黑Photo from 簡淑兒 IG

簡淑兒:「係要淨係攞嚟攞去都係攞嗰幾張好明顯妝頭都出晒事嘅相嚟做比較嘅,我都冇辦法。」Photo from 簡淑兒 IG

為力證自己純天然,簡淑兒仲不惜當眾用力捏自己個鼻!Photo from 簡淑兒 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

薛凱琪近照被指認不出!一文睇出道19年進化史,包包面變尖下巴

11 Apr 2022

現年40歲嘅薛凱琪(Fiona)近日北上參加《乘風破浪的姐姐3》,但近照一出卻令網友驚呼唔認得!其實佢出道多年,出過好多大熱歌曲《奇洛李維斯回信》、《886》、《糖不甩》等,試過唔少造型,即刻回顧Fiona 19年嚟嘅變化!

現年40歲嘅薛凱琪(Fiona)近日北上參加《乘風破浪的姐姐3》但近照一出卻令網友驚呼唔認得Photo from 薛凱琪 IG

憑《奇洛李維斯回信》一曲走紅

薛凱琪初出道即以《奇洛李維斯回信》成為樂壇最hit女新人,Fiona一頭負離子碎髮,當時年僅22歲嘅佢臉上仲有baby fat,十分青春。憑一曲走紅嘅佢成為廣告界寵兒,為多個品牌代言。

年僅22歲嘅佢臉上仲有baby fat,十分青春。

宅男女神~

薛凱琪初出道即以《奇洛李維斯回信》成為樂壇最hit女新人Photo from 《奇洛李維斯回信》

Fiona一頭負離子碎髮,當時年僅22歲嘅佢臉上仲有baby fat,十分青春。Photo from 《奇洛李維斯回信》

出演《學警雄心》女主角,改以短髮形象示人

2005年播出嘅《學警雄心》Fiona飾演女學警,更剪去長髮以清爽短髮亮相。剪咗短髮嘅Fiona大晒修長頸部,有唔少網友特意改圖。

2005年播出嘅《學警雄心》Fiona飾演女學警Photo from 《學警雄心》

薛凱琪剪去長髮以清爽短髮亮相Photo from 《學警雄心》

剪咗短髮嘅Fiona大晒修長頸部,有唔少網友特意改圖。Photo from 《學警雄心》

主演《早熟》演技備受肯定

與房祖名主演爾冬陞執導電影《早熟》,飾演未婚媽媽演技受到讚賞。戲中佢留齊蔭及肩曲髮,蘋果肌滿滿膠原蛋白,之後佢更擔任《新紮師妹3》女主角、與陳坤合作拍攝電視劇《新不了情》,開始演員之路。綜藝方面Fiona最為人熟悉嘅係佢喺2006年出演《美女廚房》。

薛凱琪與房祖名主演爾冬陞執導電影《早熟》,飾演未婚媽媽演技受到讚賞Photo from 《早熟》

戲中佢留齊蔭及肩曲髮,蘋果肌滿滿膠原蛋白Photo from 《早熟》

Fiona之後擔任《新紮師妹3》女主角Photo from 《新紮師妹3》

綜藝方面Fiona最為人熟悉嘅係佢喺2006年出演《美女廚房》。Photo from 《美女廚房》

北上發展大展成熟女性魅力

2014年起Fiona開始將事業重心轉移至內地,佢推出廣東歌嘅次數減少,喺內地接拍唔少電影,間中亦有出演電視劇。喺電影《閨蜜》中薛凱琪飾演於閱人無數嘅情場高手,Fiona包包面消失、下巴尖尖,加上長曲髮造型,充滿女人味。其後佢於2018年再拍續集《閨蜜2》,五官精緻不少。

喺電影《閨蜜》中薛凱琪飾演於閱人無數嘅情場高手,Fiona包包面消失、下巴尖尖,加上長曲髮造型,充滿女人味Photo from 《閨蜜》

Fiona於2018年再拍續集《閨蜜2》Photo from 《閨蜜2》

《閨蜜2》時Fiona五官精緻不少Photo from 《閨蜜2》

2020年回歸香港樂壇,五官越嚟越精緻

Fiona宣佈與老東家華納唱片再次簽約,推出新單曲《南昌街王子》,回歸香港樂壇。Fiona不時會喺IG大晒近照,佢已完全褪去少女嘅青澀,展現成熟女性嘅嫵媚。

Fiona宣佈與老東家華納唱片再次簽約,推出新單曲《南昌街王子》Photo from 《南昌街王子》

Fiona不時會喺IG大晒近照Photo from 薛凱琪 IG

薛凱琪完全褪去少女嘅青澀,展現成熟女性嘅嫵媚。Photo from 薛凱琪 IG

薛凱琪以長曲髮造型示人Photo from 薛凱琪 IG

參加綜藝節目《乘風破浪的姐姐3》挑戰自我

Fiona北上錄製內地綜藝節目《乘風破浪的姐姐3》,佢晒出多張宣傳照卻被網友指:「成個范冰冰咁」、「已經認唔到了」、「p圖太勁定點?!完全唔同樣!」

Fiona北上錄製內地綜藝節目《乘風破浪的姐姐3》Photo from 薛凱琪 IG

薛凱琪晒出多張宣傳照卻被網友指:「已經認唔到了」Photo from 薛凱琪 IG

網民直言薛凱琪「完全唔同咗」Photo from 薛凱琪 IG

近日佢喺抖音拍片祝媽媽母親節快樂,又自爆已經402日無見過媽媽。但有網民有將焦點放喺Fiona外型度,直言佢再度變樣,可能連媽媽都唔認得佢!

喺抖音拍片祝媽媽母親節快樂,又自爆已經402日無見過媽媽。Photo from 薛凱琪抖音

有網民有將焦點放喺Fiona外型度,直言佢再度變樣,可能連媽媽都唔認得佢!Photo from 薛凱琪抖音

薛凱琪近年被指似范冰冰?與多位女星撞樣?

其實近年薛凱琪多次被指同多名女星,甚至卡通人物撞樣。包括DoDo姐鄭裕玲、孫燕姿、蔣雅文,仲有《Toy Story》嘅「嘉比嘉比」!

其實近年薛凱琪多次被指同多名女星Photo from 薛凱琪 IG

網友指:「成個范冰冰咁」Photo from 薛凱琪 IG

網民指同Fiona撞樣嘅仲有《Toy Story》嘅「嘉比嘉比」Photo from 《Toy Story 3》、薛凱琪 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel