台灣情侶被困喜馬拉雅山47日,最終僅男友成功獲救!女友生前約定令人鼻酸!

台灣情侶被困喜馬拉雅山47日,最終僅男友成功獲救!女友生前約定令人鼻酸!

時事熱話 生活熱話
By Stephanie on 23 Jun 2022
Digital Content Writer

礙於疫情影響,大家唔能夠出國旅遊,所以唔少人都選擇去行山;但行山意外嘅數量亦因此而有所增加。早於2017年,有一對台灣情侶喺尼泊爾登山嘅時候遇上大風雪,導致被困於山區長達47日!可惜,最終只係得男友獲救,而女友就喺獲救前3日不幸離世,二人從此陰陽永隔。

近年有關爬山嘅意外日漸增加,當中台灣情侶喺2017年失蹤嘅事件,更加係轟動全球!Photo from 《智異山》劇照

香港2021年攀山事故數量飆升!

假期嘅時候,好多人都可能會選擇同朋友去行山,親親大自然~隨住行山嘅次數增加,唔少人都會嘗試「向高難度」挑戰,然而一不小心就好容易發生意外。根據消防處2021年嘅工作報告顯示,攀山拯救事故一共有951宗,足足俾2020年嘅602宗上升咗58%咁多;當中有598人受傷、14人不幸離世!

大家可能會因為行山次數增加,而嘗試向「高難度」挑戰!Photo from 《神鎗狙擊》

當中有多達598人因為攀山而受傷!Photo from 《機智醫生生活》劇照

2017年台灣情侶於喜馬拉雅山失蹤!

其實過往喺世界各地亦曾經發生過唔少行山事故,當中一對台灣情侶攀登珠穆朗瑪峰嘅經歷就最令人深刻。2017年3月22日,21歲嘅梁聖岳與19歲嘅女友劉宸君前往尼泊爾喜馬拉雅山,不過二人其後傳出失蹤消息,事件引起國際關注!

2017年台灣一對情侶到尼泊爾喜馬拉雅山登山,不過卻傳出失蹤消息!Photo from 尼泊爾達人Ruby FB

二人事前拒絕聘請嚮導!

根據當地導遊嘅經驗,二人選擇行走嘅路段難度唔算高:喺天氣晴朗嘅情況下,只需約6個小時就能完成;但遇上大風雪時就會難度倍增。二人行山當日剛遇上大風雪,事前旅行社負責人曾建議佢哋聘請嚮導,但卻遭到婉拒!事件亦令網民開始議論係咪應該強迫登山者僱用當地嚮導,以減少類似事故再次發生。

據悉二人所選擇嘅路線並唔算難,不過當遇上風雪時就會變得困難重重!Photo from 《智異山》劇照

依靠攜帶食物維持生命3星期!

根據媒體引述,二人步行期間迷路,加上遇上大風雪導致完全失去方向。佢哋意外跌到山谷,前3個星期一直都利用帶備嘅糧食維生;後來二人就靠食2至3啖鹽巴、油等維持生命,並等待救援隊伍。二人一度感到沮喪,而女方就提出「誰先走了就吃對方」嘅約定,令人聽見都覺得心酸。

由於天氣關係,二人最終迷路,頭3個星期都係靠攜帶嘅食物維生!Photo from 《攀登者》劇照

被困47日終於被尋獲,卻只得1人獲救!

直到4月26日,二人終於被尋獲,當時佢哋已經被困於山區47日。可惜救援人員到達時,只能成功救返男友梁聖岳,而女友劉宸君已經不幸離世,但男方並冇履行與女友當時嘅約定!

救援人員喺納查特河谷發現二人,可惜女友喺被發現嘅3日前已經離世!Photo from 台灣民視新聞

男友保持樂觀堅強生存!

梁聖岳喺短短7個星期內體重急降30公斤,體力虛弱,所幸嘅係佢並冇嚴重嘅外傷,康復進度都算唔錯!痛失摯愛嘅佢事後接受電視台訪問,堅強表示「她(女友劉宸君)會祝福我的,一輩子祝福我。儘管山奪走了她的生命,我相信她還是愛山的。」

男友梁聖岳被救出後,身體十分虛弱,幸運嘅係佢並冇受重傷!Photo from 台灣民視新聞

面對女友離開,梁聖岳感到悲傷但表示會努力活下去!Photo from BBC news中文

登山專家:能夠活著回來係靠自身知識!

熟悉登山活動嘅攝影師「雪羊」於FB專頁中表示「梁聖岳能夠被困山上47日後生存絕對不是奇蹟,而是知識的力量」,認為二人其實擁有足夠嘅登山經驗以及裝備,否則根本冇可能熬過47日!

爬山專家表示相信二人本身都有一定嘅登山知識。Photo from 《消失的愛人》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男陪女友「行山」發現只係為咗打卡 網民:學埋修圖就唔洗出街

12 Apr,2021
疫情期間,由於大家冇得周圍飛去旅行,所以就掀起咗行山嘅熱潮,每逢假日都會有好多人約埋朋友一齊行山!日前,就有港男喺討論區話女友罕有咁主動約去行山,但到行山當日女友竟然叫的士上山落山,目的只係為咗要影張打卡相,令到佢感到十分無奈!

廣告
廣告

《行山少女》Photo from 《行山少女》

相信行山已經成為唔少人嘅其中一個閒餘活動!近日,有港男就喺香港討論區表示平時唔做運動嘅女友竟然主動話想去行山,所以佢就預備好曬外套、水、葡萄糖等所有嘢打算陪佢去行山。

香港討論區 Photo from 香港討論區

直到行山當日,佢女友就約佢喺火車站等,見到女友淨係帶咗個細袋,身穿運動內衣加瑜珈褲,令呢名港男不禁為自己充足嘅準備而感到慶幸!點知佢哋見面之後,女友就直接上咗㗎的士話直上山頂,令佢嚇咗一跳。

《行山少女》Photo from 《行山少女》

落車之後,行咗半個鐘度就到咗女友想去嘅目的地。女友就即刻好興奮咁叫佢幫手影相,單單係影相就已經花咗成十幾分鐘,跟住兩人就坐低hea咗一陣。

《港產旅行團》Photo from 《港產旅行團》

直到人流開始多,女友就話落返山,所以佢哋就原路折返去返落車嘅馬路位置叫的士走,先發現原來女友只係為咗上山影靚嘅打卡相。當日,女友就喺自己IG上載咗當日「行山」嘅照片,仲喺caption話「假日上山行下,流下汗,好滿足」,令港男非常無奈!

TVBPhoto from TVB

有網民睇完呢位港男嘅故事之後,就喺下面留言話佢女友睇嚟唔係好明白行山嘅樂趣,仲講笑咁叫呢位網民學修圖咁就可以俾女友去勻全世界咁打卡!

香港討論區Photo from 香港討論區

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

男生依個身高下幾乎單身?網友公開殘酷真相引熱議:XX以下就很難有對象

31 Mar , 2021

唔少人搵另一半除咗要睇樣之外,其次就係睇身高。而近日喺台灣就有網友發文指自己針對身邊單身男性友人進行調查,發現喺一定嘅身高之下,幾乎都是單身!!

呢位台灣網友喺討論區表示根據自己嘅觀察,佢身邊大概 163 至 165 cm 左右高嘅朋友,都已經順利結婚生子,但反觀身高喺 160 cm 以下嘅朋友,喺感情上總係唔如意,唔係單身就係被飛。

因此佢就好奇問:「女生在選擇另一半,是不是以160公分(cm)當作最後分水嶺(意即底線)?男生多矮真的會完全沒有台灣女生市場?」

依個 post 一出,隨即引嚟唔少網友熱烈討論,仲有唔少人紛紛曝光自己心目中另一半嘅標準身高「170 是分水嶺,從女生那證實過的數字」、「170 以下不行開始就很難有對象了啊」、「160 以下我真的無法。希望至少 165」、「160 以上還可以,155 以上要非常喜歡,155 以下不太行」。

不過亦有網友認為,身高並唔係兩個人拍拖嘅標準,兩個人喺一起仲需要其他條件,如「我 187 還是沒人要啦」、「1.錢 2.帥 3.個性好,符合任2個條件都不用怕沒女生愛」、「臉、個性比身高重要很多」、「國中同學 160 左右吧!一直都有女朋友」、「我鄰居普通上班族 157,兩個兒子念小學」等等。

知大家心目中另一半嘅標準身高又係幾多呢?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
【i.SWIM】7.11首播!10大小鮮肉男神一次看!Edan+Jeffrey擔正狂操騷肌!6大重點+劇情簡介!
【i.SWIM】7.11首播!10大小鮮肉男神一次看!Edan+Jeffrey擔正狂操騷肌!6大重點+劇情簡介!
40 minutes ago
TVB 1999年藝人月曆曝光!螢幕情侶合體 各種騎呢造型+Pose超攞命!
TVB 1999年藝人月曆曝光!螢幕情侶合體 各種騎呢造型+Pose超攞命!
6 hours ago
52歲大媽出演相親節目,自認樣靚身材正!主動向69歲伯伯示愛慘遭拒絕!擇偶條件令在場男士卻步?
52歲大媽出演相親節目,自認樣靚身材正!主動向69歲伯伯示愛慘遭拒絕!擇偶條件令在場男士卻步?
21 hours ago
新娘婚禮用學歷分枱被轟歧視,稱避免不熟的人同桌,網民意見兩極
新娘婚禮用學歷分枱被轟歧視,稱避免不熟的人同桌,網民意見兩極
21 hours ago
43歲梁競徽泳池狂歡,超高髮際線現形!北上發展2年工作量大減?!
43歲梁競徽泳池狂歡,超高髮際線現形!北上發展2年工作量大減?!
21 hours ago
「萬人迷」碧咸結婚23年恩愛甜蜜 約老婆巴黎拍拖食飯 甜蜜宣言放閃
「萬人迷」碧咸結婚23年恩愛甜蜜 約老婆巴黎拍拖食飯 甜蜜宣言放閃
a day ago
Hottest Articles
最熱文章
TVB 1999年藝人月曆曝光!螢幕情侶合體 各種騎呢造型+Pose超攞命!
TVB 1999年藝人月曆曝光!螢幕情侶合體 各種騎呢造型+Pose超攞命!
6 hours ago
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
2 days ago
香港小姐2022|女版曾彼特一改爆炸頭形象現身!高學歷、多材多藝
香港小姐2022|女版曾彼特一改爆炸頭形象現身!高學歷、多材多藝
a day ago
英國科學家成功研發「長生不老藥」,揚言:人人都可活到200歲!預計10年內推出市面
英國科學家成功研發「長生不老藥」,揚言:人人都可活到200歲!預計10年內推出市面
3 days ago
旮旯 The Glock|元朗流心卷蛋名店英國開舖! 店主:創造屬於大家嘅烏托邦
旮旯 The Glock|元朗流心卷蛋名店英國開舖! 店主:創造屬於大家嘅烏托邦
20 hours ago
43歲梁競徽泳池狂歡,超高髮際線現形!北上發展2年工作量大減?!
43歲梁競徽泳池狂歡,超高髮際線現形!北上發展2年工作量大減?!
a day ago