download HolidaySmart 假期日常 app
內地3歲男童有吸引蚊子能力?網民羨慕稱「天才召蚊師」,專家揭原因解惑

內地3歲男童有吸引蚊子能力?網民羨慕稱「天才召蚊師」,專家揭原因解惑

生活熱話
By Moon Lam on 24 Jun 2022
Digital Content Writer

內地最近流傳一條令人匪夷所思嘅影片,一名3歲男童單靠「喔~」嘅聲音就吸引超多過黎!影片引黎470萬人觀看,真係超神奇!

Youtube 截圖Photo from Youtube 截圖

綜合內地傳媒報導,事件發生係湖北恩施,一名3歲有「吸蚊」嘅神奇能力。係影片入面佢數次發出「喔~」嘅聲音,就即刻有超多蚊飛去佢面前,貼係佢臉上面,仲試幾多次都係咁!有網友就提議不如擺個電蚊拍係佢前面,睇下啲蚊會唔會照飛埋黎,結果一樣係「喔~」一聲,就有幾隻蚊啪一聲被電死。

Youtube 截圖Photo from Youtube 截圖

唔少網友睇完直呼神奇同表示羨慕,話佢年紀輕輕就識得一門語言,仲稱佢做「天才召喚師」!亦有曾經係農村生活過嘅網友表示細個都試過「喔~」咁叫,啲蚊就會黎,當時大人仲唔比佢地打,並唔係咩特別嘅事。不過呢件事就引起好多網民猜測,話蚊係根據二氧化碳黎搵獵物,係發出聲音嘅時候會有大量二氧化碳排出,不過有網友就反駁話:「所以我隻腳有好多二氧化碳排出?」

Youtube 截圖Photo from Youtube 截圖

據了解蚊係搵獵物嘅時候係靠天生靈敏嘅嗅覺,有專家就話蚊對人體散發嘅二氧化碳同體液非常敏感,會跟隨呢啲氣味而黎﹐再靠人體嘅熱量確定位置!所以男童係「喔~」嘅時候啲蚊都係佢嘅面部聚集。

我們這一家 截圖 Photo from 我們這一家 截圖

不過就有另一位專家質疑,似乎唔止上述嘅原因,佢解釋話蚊會感受到低頻聲音,大家平時講野嘅聲岩岩超出咗蚊嘅感受頻率,而片中男童發出嘅聲音岩岩好就係雌性蚊感受雄性蚊的最佳頻率,所以聽到男童嘅叫聲可能係黎搵「伴侶」!

Youtube 截圖Photo from Youtube 截圖

有網民話估唔到因為一條片學到咁多野,不過都有網民將重點擺錯咗係男童屋企咁多蚊都好誇張下!

又到夏天,啲蚊真係好乞人憎!Photo from 拍蚊遊戲 截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel