download HolidaySmart 假期日常 app
內地醉漢以為朋友飲酒暴斃,抱頭大哭搶救做人工呼吸,網友笑爆:是真愛

內地醉漢以為朋友飲酒暴斃,抱頭大哭搶救做人工呼吸,網友笑爆:是真愛

生活熱話
By Moon Lam on 24 Jun 2022
Digital Content Writer

有人話「酒醉三分醒」,醉咗更加可以睇到一個人真實嘅一面?有網友就分享一段影片,一名男子疑似醉到瞓著咗,另一位朋友竟然以為佢「死咗」,仲不斷求救同幫佢人工呼吸,引起網民瘋傳討論!

微博圖片Photo from 微博圖片

綜合陸媒報導﹐事情發生係6月19號嘅晚上,河南鄭州有3名男子約係一個露天地方飲酒聚會,據拍攝者賀先生介紹佢地飲咗3支白酒,又飲咗唔少啤酒。

微博圖片Photo from 微博圖片

其中著黑色衫嘅男子因醉意攤咗係凳上閉目養神,而隔離著花色上衣嘅朋友懷疑受酒精影響,一時間誤會男子因飲酒太多而「死咗」。佢首先試探性咁嘗試搖醒黑衫男,發現點搖都搖唔醒,就開始後悔點解要飲咁多酒!

微博圖片Photo from 微博圖片

期間花衣男嘗試扶起黑衫男,但黑衫男因醉酒而全身乏力瞓咗係地,花衣男子見狀就抱住朋友喊得呼天搶地,搖晃間仲失去平衡一齊瞓埋,跟住係地下抱頭大哭,後來突然靈機一觸,抱起朋友人工呼吸,仲不忘一邊細力拍打朋友。

黑衣男乏力瞓左係地Photo from 微博圖片

花衣男不斷抱住對方大喊Photo from 微博圖片

最後自己都瞓埋係到抱頭大哭Photo from 微博圖片

幫朋友「搶救」Photo from 微博圖片

過程中可見其實黑衫男只係無咩力,但仲有意識,發現兄弟不斷「搶救」自己都有嘗試伸手阻止,不過實在不敵好友一顆赤子之心,最終擾攘咗約5分鐘黑衣男終於有力坐返起身,終止呢場鬧劇。

企圖推開花衣男但失敗Photo from 微博圖片

片段中最搞笑嘅係第3位著白色衫嘅男子,從頭到尾面對花衣男子大聲求救完全無動於衷,似乎已經見慣不怪,仲超冷靜咁打電話,亦似乎係白衣男打緊電話搵其他朋友幫手,無耐之後就有人黎接咗佢地離開現場。

微博圖片Photo from 微博圖片

網友睇完幾乎洗版式咁留言:「確定是真愛」、「在一起、在一起!」,笑稱呢個情況係「強人鎖男」、「知男而上」,又話好似花衣男咁嘅兄弟值得深交,係「兄弟嘅典範」,不過網友更加想知酒醒後兩人嘅反應,到底要點面對對方。

微博圖片Photo from 微博圖片

微博圖片Photo from 微博圖片

微博圖片Photo from 微博圖片

不過亦有網友推測,花衣男可能係怕朋友出事自己要承擔責任,呢個講法又不無道理,因為係內地真係有相關法例。但眾多網友就唔太認同,佢地話睇得出片中花衣男係「真心難過」,對朋友亦係真感情,加上醉酒狀態邊會諗咁多野,如果係怕要承受法律責任應該會下意識即刻走。

微博圖片Photo from 微博圖片

睇得出真係好難過!Photo from 微博圖片

而拍片嘅賀先生都話「少喝酒,喝多了傷身體」,飲酒真係要量力而為呀!

微博圖片Photo from 微博圖片

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel