download HolidaySmart 假期日常 app
林作突然轉軚收回驗DNA提議!勸網民唔好再留意事件:收回我的offer

林作突然轉軚收回驗DNA提議!勸網民唔好再留意事件:收回我的offer

娛樂新聞
By Jennifer on 24 Jun 2022
Digital Editor

林作早前喺IG公開挑戰陳凱琳細佬Derek,畀100萬要求佢同爸爸驗DNA證明係親父子。之後佢又指陳凱琳家姐指佢出手太低,於是搵林媽媽加碼,事件發展數天,林作突然指收到Derek回應十分震驚,仲話會收回offer,呼籲網民唔好再關注事件!

林作早前喺IG公開挑戰陳凱琳細佬Derek,畀100萬要求佢同爸爸驗DNA證明係親父子。Photo from Derek IG

林作以100萬挑戰陳凱琳細佬Derek要求驗DNA

林作喺父親節後發文指願意用$100萬港幣發出挑戰,只要Derek同佢爸爸提供毛髮,如果驗DNA證實係父子關係,林作將會畀$100萬對方。如果驗出佢哋並非父子,則可以驗埋佢係咪有印巴血統,林作指:「順便咋,純八卦,驗到冇嘅我都俾100萬你。」

陳凱琳細佬Derek少有晒出父子合照,陳父坐喺佢大髀,兩人溫馨抱抱,大晒父子溫情。Photo from Derek IG

佢表示自己係出於好奇,仲話Derek一家作為公眾人物,市民有公眾利益。事件引發熱議,之後林作喺IG聲稱收到「陳家私下回覆」,又表示「包震撼」。

事件引發熱議,之後林作喺IG聲稱收到「陳家私下回覆」,又表示「包震撼」。Photo from CBNHK @Youtube

疑似陳凱琳家姐嫌出手太低,林作搵媽媽加碼

原來有疑似係陳凱琳同Derek嘅家姐Joyce喺Facebook發文:「林作先生,100萬會唔會少咗啲?」林作稱家姐Joyce嘅意思係願意做test,但嫌佢出手太低,於是林作即問佢媽媽「科水」支持佢。

疑似係陳凱琳同Derek嘅家姐Joyce喺Facebook發文:「林作先生,100萬會唔會少咗啲?」Photo from 陳凱琳IG

林媽媽亦不負眾望,表示會加碼到1,000萬,誓將DNA進行到底!不過陳家對林作單方面嘅發言並未有回應,陳凱琳喺IG大晒一家合照,力證親情不變,而陳凱琳丈夫鄭嘉穎出席公開場合時則指唔回應係最好嘅回應:「佢(林作)咩目的大家好清楚」

林媽媽亦不負眾望,表示會加碼到1,000萬,誓將DNA進行到底!Photo from 林作IG

陳凱琳喺IG大晒一家合照,力證親情不變Photo from 陳凱琳IG

Derek疑即將離港,林作轉軚收回驗DNA提議

而林作仲未放棄,事隔兩日佢又發文指得知Derek嘅回應,仲過「過於意料之外同震撼人心」,其後佢公開Derek嘅告別影片,稱對方可能因為唔想面對壓力而決定要離開香港。

林作仲未放棄,事隔兩日佢又發文指得知Derek嘅回應,仲過「過於意料之外同震撼人心」Photo from 林作IG

林作公開Derek嘅告別影片,稱對方可能因為唔想面對壓力而決定要離開香港。Photo from 林作 IG

林作轉軚收回驗DNA提議:「Derek,只要你不走,我願意收回我的offer。一家人和睦最好。」林作似有暗示:「我們沒有人想Derek離開。我們沒有人想令一個家庭要分隔兩地。昨天才拍片,不需要今日就鬧脾氣」

林作轉軚收回驗DNA提議:「Derek,只要你不走,我願意收回我的offer。一家人和睦最好。」Photo from 陳凱琳 IG

佢又呼籲所有網民唔好再留意同關注驗DNA事件:「不是我開始這個話題的,但我承認作為廣大網民之一,我有推波助瀾。但我願意成為這個話題的終結者。」佢又稱呢幾日唔知咩原因生意好咗一倍。

呼籲所有網民唔好再留意同關注驗DNA事件Photo from 林作IG

「抽水王」林作招攬吳綺莉,網友稱好彩麥明詩同佢分手

作為「抽水王」,其實喺DNA事件期間林作仲有繼續抽水,例如轉發吳綺莉考獲保險牌照轉行做保險嘅新聞,佢公開招攬對方加入佢嘅保險團隊:「歡迎你來見個面,洽談由本人及本人團隊訓練你成為保險業新晉精英。」

喺DNA事件期間林作仲有繼續抽水,例如轉發吳綺莉考獲保險牌照轉行做保險嘅新聞,佢公開招攬對方加入佢嘅保險團隊Photo from 吳綺莉微博

不過林作多次抽水惹唔少網友反感,更直言麥明詩同佢分手係最正確嘅選擇:「林作真係麥明詩嘅人生污點!」

林作多次抽水惹唔少網友反感,更直言麥明詩同佢分手係最正確嘅選擇Photo from 麥明詩IG

網友:「林作真係麥明詩嘅人生污點!」Photo from 林作IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林作出100萬挑戰陳凱琳細佬,驗DNA證實同爸爸係親父子:真心好奇

21 Jun 2022

父親節陳凱琳細佬Derek公開父子合照成網民話題,「抽水王」林作喺IG公開挑戰對方,表示只要佢同爸爸驗DNA證實父子關係就畀100萬佢,如果驗到佢並無印巴血統佢都會照畀100萬,掀起熱議。

「抽水王」林作Photo from 林作 IG

陳凱琳細佬Derek晒父子合照

早前陳凱琳細佬Derek少有晒出父子合照,陳父坐喺佢大髀,兩人溫馨抱抱,大晒父子溫情。不過向來輪廓深邃嘅Derek同爸爸唔算太相似,愛做戶外運動嘅佢膚色亦明顯比爸爸深,父子合照隨即引起網民討論。

陳凱琳細佬Derek少有晒出父子合照,陳父坐喺佢大髀,兩人溫馨抱抱,大晒父子溫情。Photo from Derek IG

林作以100萬挑戰Derek要求驗DNA

而一向鍾意抽水嘅林作亦未有放過今次呢個機會,佢喺IG轉發Derek父子合照,並表示願意用$100萬港幣發出挑戰,只要Derek同佢爸爸提供毛髮,如果驗DNA證實係父子關係,林作將會畀$100萬對方。

一向鍾意抽水嘅林作亦未有放過今次呢個機會,佢喺IG轉發Derek父子合照,並表示願意用$100萬港幣發出挑戰Photo from 林作 IG

如果驗出佢哋並非父子,則可以驗埋佢係咪有印巴血統,林作指:「順便咋,純八卦,驗到冇嘅我都俾100萬你。」林作又稱佢之所以提出挑戰純粹係另一個Derek(鍾培生)畀咗$100萬零用錢佢「無錠使」,同埋佢「真心好奇及堅信不移」。

林作稱佢之所以提出挑戰純粹係另一個Derek(鍾培生)畀咗$100萬零用錢佢「無錠使」,同埋佢「真心好奇及堅信不移」。Photo from 鍾培生Youtube

林作唔認多事,問網友:想唔想知先?

呢個post一出即即成為話題,有唔少網友表示支持林作,但亦有大批網友認為林作今次玩大咗,將人哋嘅家事擺上枱:「玩到咁盡。何必呢」、「抽水抽上腦啦」

呢個post一出即即成為話題,有唔少網友表示支持林作,但亦有大批網友認為林作今次玩大咗Photo from 林作 IG

對於被網友指唔識尊重他人,林作繼續出post:「唔好再喺度話我多管閒事,我淨係問你兩句:第一,佢地係咪公眾人物,係,就有公眾利益,也必須承受被人指指點點,我都係市民一個;第二,老老實實,想唔想知先?!」

對於被網友指唔識尊重他人,林作繼續出postPhoto from 林作 IG

但亦有網民留言指Derek家姐陳凱琳的確係公眾人物,但Derek本人並唔係:「今次你真係好過份,係親生唔係親生都好,人哋之前已經回應過,答案真係咁重要咩?」林作追問:「你答咗我第二個問題先(老老實實,想唔想知先?)」對方回覆稱唔使知人哋係唔係親生嘅真實答案。

林作唔認多事:想唔想知先?Photo from 林作 IG

陳凱琳媽媽曾透露子女異域長相原因

其實之前因為陳凱琳同龍鳳胎弟弟都係異國風情嘅長相而多次掀起熱議,陳凱琳媽媽Connie曾於電台節目《舊日的足跡》罕有地回應過子女樣子疑團。佢指Grace同Derek啱啱出生嘅時候,皮膚白淨同大家姐Joyce一樣,直到14、15歲兩人突然變到眼大大、面尖尖,細佬Derek仲開始長出鬍根!

之前因為陳凱琳同龍鳳胎弟弟都係異國風情嘅長相而多次掀起熱議Photo from 陳凱琳 IG

陳凱琳媽媽Connie曾於電台節目《舊日的足跡》罕有地回應過子女樣子疑團。佢指Grace同Derek啱啱出生嘅時候,皮膚白淨同大家姐Joyce一樣Photo from 陳凱琳 IG

陳媽媽透露自己媽媽係馬來西亞人,所以子女亦有部分亞裔樣貌,另外陳凱琳同細佬都喺加拿大成長:「佢哋細個鍾意戶外活動,又或者去加拿大讀書時,嗰度嘅食物好多荷爾蒙!」

陳媽媽透露自己媽媽係馬來西亞人,所以子女亦有部分亞裔樣貌Photo from CBNHK @Youtube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel