download HolidaySmart 假期日常 app
港男呻家姐嫁唔出好難頂? 10大擇偶條件超苛刻,網民意見兩極

港男呻家姐嫁唔出好難頂? 10大擇偶條件超苛刻,網民意見兩極

時事熱話
By jack on 27 Jun 2022
Digital Content Writer

現今社會主張女性獨立自主,不靠男人也可生存,加上香港樓價高企,上車無期,生活空間不足間接影響結婚意慾,港人遲婚問題愈趨普遍,去年有報告指出,女性初婚年齡中位數首次突破30歲大關,升至30.4歲。近日有網民開po呻屋企有個嫁唔出嘅女人好難頂,引起網民熱烈討論。

有網民呻家姐嫁唔出,同住一齊好難頂。Photo from 《志明救春嬌》劇照

近日有巴打於連登討論區發文,表示同「嫁唔出嘅女人」同往好辛苦,似係講緊佢家姐,指佢各方面都好有問題,如生活習慣、思想、性格、情緒等。

網民表示家姐擇偶條件苛刻。Photo from 《29+1》劇照

樓主指家姐擇偶條件要求高,想伴侶同自己一樣係基督徒、唔講粗口、錢要多, 但又唔可靠父母,要養得起佢做少奶奶、要有安全感,但靚仔少少又驚佢有外遇。希望伴侶注重健康同就晒佢,會對方問食唔食牛肉,如果食就等於唔健康,非常無厘頭。

樓主指家姐各方面都好有問題,如生活習慣、思想、性格、情緒等。Photo from 《螢之光》劇照

不少網民都表示有同感,身邊不乏性格有問題嘅女人,並歸納出女人嫁唔出嘅各種原因,包括嚴人寬己、控制狂、覺得全世界欠咗佢、乜都要人遷就以及脾氣差。

網民歸納女人嫁唔出嘅各種原因。Photo from 《29+1》劇照

另外,更有網民舉出呢類女人嘅外在特徵,分別係:40歲以上、黑長直頭髮、戴眼鏡及手穿佛鏈,勸大家「睇路,盡量遠離呢種人」,亦有人問樓主係咪將個Logic掉轉咗,其實係佢哋太難頂先嫁唔出。

有網民認為佢哋緣唔出因為性格差。Photo from 連登網民留言

嫁唔出嘅女人外在特徵Photo from 連登留言

不過,亦有網民認為單身係個人選擇,唔結婚未必與性格相關,認為樓主太以偏概全:「女人要自強,錫自己多啲。單身都可以好幸福!」有網民認為樓主若覺得煩,就應該自己搬出去住,不過樓主則回應:「自己窮,唔搬出去係想慳返錢!」

不過亦有人認為單身係另一種生活態度。Photo from 連登留言

其實單身未婚嘅原因都有好多,結婚從來都係個人選擇,單身可能比較快樂和自由。同時有網民建議樓主不要只覺得別人有問題,自己也應好好反思,與家姐相處有問題應該好好溝通,而不是上網公審和埋怨他。

有人認為單身是個人選擇,與性格無關。Photo from 《志明救春嬌》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

細妹天生麗質由細得寵家姐心灰 被批前途灰暗 結果大反轉?

28 Apr 2021

對於唔係獨生仔囡嘅人嚟講,父母偏心係常見煩惱之一。近日,有女網民喺討論區大吐苦水,指由細到大都因為樣貌比細妹遜色,受到媽媽各種差別對待,甚至話佢會嫁唔出,揾工又無人請!女事主人生貌似會因為外表而一片黑暗,究竟事主媽媽有無批中,網民對此又有咩建議畀佢呢?

TVB《波士早晨》劇照Photo from TVB《波士早晨》劇照

日前,一名女網民喺《香港討論區》開post概述佢由細到大因為顏值不及細妹引起嘅家庭問題。由細開始,事主媽媽已經特別寵幸細妹,新玩具都係送畀細妹先。當兩人起爭執,事主媽媽都只會打同閙事主一個,並且以事主身為家姐為由,認為佢應該無條件忍讓細妹,懲罰佢都係想做個借鑒畀細妹參考。

TVB《波士早晨》劇照Photo from TVB《波士早晨》劇照

令事主印象深刻嘅係,佢媽媽曾經當住親戚面前話事主生得唔靚,將來必定嫁唔出,又批佢揾工都唔會有人請,而靚靚細妹就唔洗擔心喇。當時事主仲係一名中學生,咁細個就要當面被親生媽媽嫌棄,所以佢唔開心咗好耐,忍唔住哭泣。但佢媽媽依然無展示同理心,仲話自己只係隨便講下,事主接受唔到係性格差,應該學下細妹。

TVB《波士早晨》劇照Photo from TVB《波士早晨》劇照

輾轉多年,事主依家已經踏入社會工作,識打扮,仲有個拍拖數年,感情穩定嘅男朋友,計劃緊結婚。相反,佢細妹反而因為公主病成日被人飛。細妹甚至偷偷WhatsApp過事主男友,話家姐性格有問題,叫事主男友要諗清楚先好決定同事主繼續一齊。幸好,佢男友並無理會。

TVB《波士早晨》劇照Photo from TVB《波士早晨》劇照

事主反思,一個人嘅外表係咪咁重要?佢都深明現實社會中人人愛靚嘢,但佢認為內在美都極為重要,希望自己嘅媽媽同細妹都能夠明白依個道理。

網民大多認為樓主現時生活美滿,唔需要再理佢媽媽同細妹點睇。亦覺得樓主就算唔係美若天仙,都一定順眼,因為心地先係關鍵, 佢細妹係被媽媽同自身性格害死。但亦有人認為事主應該盡家姐責任,教導細妹改善其公主病。

香港討論區Photo from 香港討論區

Instagram @discuss_hkPhoto from Instagram @discuss_hk

Instagram @discuss_hkPhoto from Instagram @discuss_hk

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男控訴22歲妹妹上年換5個男友 交往近20個男友「次次帶上屋企唔同男人」

27 Apr 2021

每個人都會有自己嘅一套愛情觀,有啲人就鍾意細水長流嘅愛情,有啲人就追求轟烈嘅愛情。近日,有港男就喺討論區控訴妹妹只係22歲就已經結交過約20個男友,認為佢換男友嘅速度太快。就算勸喻佢修心養性,都俾佢無視!

TVBPhoto from TVB

近日,有名港男喺香港討論區度開post公開控訴妹妹花心,話佢大概16歲仲讀緊中學嘅時候,就開始拍拖,Facebook同IG嘅post全部都係關於愛情嘅嘢。當時妹妹仲要成績差,所以家人都曾經勸喻過佢唔好掛住拍拖。

香港討論區Photo from 香港討論區

後來,港男就認為妹妹當時可能年紀尚少,青春期嘅少女難免會比較注重愛情,相信妹妹中學畢業之後會有所改善。點知佢發現直到而家,妹妹依然冇變過!

TVBPhoto from TVB

佢形容妹妹好似冇咗愛情唔得咁,由中學到而家22歲已經起碼結交過接近20為男友。更誇張嘅係,只係計上年佢就已經換作5個男友,每次上屋企嘅都係唔同男人,每段戀情都只係維持一兩個月左右。

TVBPhoto from TVB

港男見狀認為妹妹已經去到濫交嘅地步,擔心妹妹會因此意外懷孕或者染上性病,所以曾經出面勸喻佢收心養性,但都唔成功。佢非常苦惱,藉此開post問網民應該點做好~

香港討論區Photo from 香港討論區

TVBPhoto from TVB

呢個post引起唔少網民嘅關注,唔少網民都覺得妹妹都已經大個,好難會勸到佢;亦有網民認為拍拖嘅次數唔代表花心,認為港男應該關心妹妹同佢傾下未來,從而了解佢嘅諗法。

香港討論區Photo from 香港討論區

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel