老爺銀行戶口有不知名過數紀錄,驚問奶奶會搞到家變,結果意料之中?

老爺銀行戶口有不知名過數紀錄,驚問奶奶會搞到家變,結果意料之中?

生活熱話
By Moon Lam on 28 Jun 2022
Digital Content Writer

近日有網友係網上分享,發現老爺既銀行戶口有幾筆不知名過數紀錄,由幾百到幾千不等,於是就問網民應唔應該問奶奶,網民就多數都勸佢千其唔好同奶奶講,恐防家變!

《香港愛情故事》劇照Photo from 《香港愛情故事》劇照

有位女網友係網上分享,提到老爺有啲銀行問題要處理,又唔想去排隊就簽左授權書比老公去整。老爺有個私己錢戶口,但因為之前唔見左月結單,所以就比$50黎補返張月結單。

《野人老師》劇照Photo from 《野人老師》劇照

整完之後老公就打算影張相比老爺睇話佢知已經搞掂,點知就發現老爺上個月每個禮拜都有幾筆「不知名」既過數紀錄,由幾百到幾千蚊都有!老公就擔心老爺比人呃錢,依家有好多刷單騙案,老爺成日聽朋友講買好多不知名器材或者保健食品,不過最近又唔見老爺有拎一大堆嘢返屋企,搞到樓主同老公都唔知老爺係咪真係比人呃錢。

《我和父親的Final Fantasy XIV》 劇照 Photo from 《我和父親的Final Fantasy XIV》 劇照

樓主話老公因為呢件事擔心左幾日,驚老爺咁落去會過幾萬蚊比人,但又唔敢直接問老爺,稱「佢又扭扭擰擰唔問」,於是問網民應唔應該偷偷地問下奶奶知唔知咩事。

廣告
廣告

《如珠如寶》劇照Photo from 《如珠如寶》劇照

網民就勸佢應該問清楚,始終都係老人家,關心下佢有無比人呃都好正常,可能只係借左錢比人,不過就最好由丈夫開口問。如果只係比呃錢事小,但如果老爺係偷食包二奶既話比奶奶知道分分鐘家變,又建議可以扮傻,話係銀行覺得有可疑做藉口提問,如果老爺話OK就唔好再問私事。另外都有網民就話唔洗咁擔心,老人家多數都係入錢落馬會戶口。

《香港愛情故事》劇照Photo from 《香港愛情故事》劇照

後來樓主更新事件,原來老爺話佢上網見到有方法可以搵多啲錢,唔想比奶奶知,而樓主老公就叫佢唔好再信呢啲方法,再搵左好多新聞比老爺話比佢知係騙局,連樓主都覺得「講真,入左幾次錢都無比返錢你就好收手啦」。網民都同意指應該係最近經常出現既網上刷單員,要即刻叫停樓主老爺唔好再過數。

《香港愛情故事》劇照Photo from 《香港愛情故事》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel