RAZE中環新店開幕!產品簡約時尚新包裝登場~必搶全新色杜松綠+聯乘Keith Haring系列!

RAZE中環新店開幕!產品簡約時尚新包裝登場~必搶全新色杜松綠+聯乘Keith Haring系列!

香港好去處 新店直擊
By karen.ko on 28 Jun 2022
Digital Editor

樓高3層嘅RAZE中環店終於開幕啦!同以往嘅Pop-up Store一樣,今次實體店嘅驚喜都係一浪接一浪呀!最大嘅亮點之一就係所有產品以全新簡約包裝示人,包裝盒改晒用FSC環保紙~仲劃分為clean、coat同mask系列𠻹!開新店梗係唔少得新款口罩啦~除咗新色「杜松綠」之外,仲有同美國著名Pop Art藝術家Keith Haring推出限定聯乘口罩!新店打卡位處處,包括地下嗰層嘅RAZE x Keith Haring主題打卡位、1樓嘅SilverMist潔淨香味體驗區同埋2樓嘅RAZE x LeeeeeeToy「地球超市」展覽呀!立即睇下小編嘅詳細介紹,文末整理好門市同網店限定優惠俾大家,記得Mark實啦!
 

#包你由個人到屋企都咁clean!

RAZE將產品劃分為clean、coat同mask系列Photo from HolidaySmart

RAZE殺菌消毒噴霧有無香配方同全新推出嘅SilverMist香味配方,每款有齊10ml便攜裝、10ml補充裝同150ml家庭裝Photo from HolidaySmart

clean系列10ml便攜裝殺菌消毒噴霧細細支,單手就可以一扭即用,夠晒方便Photo from HolidaySmart

clean系列入面,小編覺得最吸引嘅就係10ml便攜裝殺菌消毒噴霧 ($55/支),改用咗可回收玻璃瓶,又輕身又細細支,放喺手袋或褲袋都唔嘥位,單手就可以一扭即用,夠晒方便!殺菌消毒噴霧極具人氣,主要原因係用咗苯扎氯銨(BKC)為主配方,不含酒精都能做到60秒內即時殺滅表面細菌達99.99%,同時錫住大家對手呀!同時推出1盒3支裝嘅10ml殺菌消毒噴霧補充裝($49/盒),一扭一抽,再更換噴頭到補充裝上扭實連接就換到,Refill超Easy!RAZE仲細心備有150ml家庭裝($85/支),由個人隨身以至屋企都時刻守護大家~呢款殺菌消毒噴霧一共有2款味,包括無香配方同全新推出嘅SilverMist香味配方(要留意小編之後嘅詳述!)!仲有超袖珍嘅消毒濕紙巾($10/8片),使用100%可降解天然植物纖維製造,一齊呵護大家嘅地球!立即入手:https://bit.ly/3y0Uxzb
 

#3個月長效保護coat!一支噴晒塑膠、金屬、布料等表面~

升級版配方Original+可以噴晒塑膠、金屬、布料等唔同物料,長效抗菌達3個月Photo from HolidaySmart

小編一直都係光觸媒抗菌噴霧Original 3.0嘅忠粉,今次推出升級版配方Original+( $135/150ml),令人超期待呀!一支長效抗菌噴霧就可以噴晒塑膠、金屬、布料等唔同物料,喺表面形成高達3個月嘅保護層,光觸媒粒子有效殺滅病毒細菌之餘,仲可以去除甲醛、苯、氨、TVOC等有機污染物!絕無毒性嘅配方,連毛孩同BB嘅用品都啱用㗎!如果想做好全面保護,大家不妨先用clean系列殺菌消毒噴霧消毒及清潔,再用coat系列長效抗菌噴霧,clean & coat兩步令保護力瞬間大大UP!立即入手:https://bit.ly/3xUgM9W
 

#必入手新色「杜松綠」~ mask全系列環保新裝加持!

最新「杜松綠」有活力又易襯,啱晒夏天用Photo from HolidaySmart

RAZE定時都有推出口罩新色,今次適逢新店開幕,當然唔例外!最新嘅「杜松綠」有活力又易襯,啱晒夏天用呀!每盒30個獨立包裝($99/盒),仲有齊大、中、細、小童碼4個尺寸,無論係情侶裝、閏蜜裝或親子裝都咁Perfect!RAZE嘅貼心程度點止咁吖~佢同大家一齊防疫都不忘愛地球,將所有口罩同產品嘅包裝盒改用FSC環保紙製造,而口罩嘅獨立包裝袋都改用生物可降解(Biodegradable)塑料製作。加入咁多環保元素,大家就更安心啦!立即入手:https://bit.ly/3QNUwHl

RAZE將所有口罩同產品嘅包裝盒改用FSC環保紙製造,防疫都不忘愛地球Photo from HolidaySmart

口罩嘅獨立包裝袋都改用生物可降解(Biodegradable)塑料製作,用得更安心Photo from HolidaySmart
 

#不能錯過RAZE x Keith Haring聯乘系列及全城獨家打卡位!

新店有全城獨家嘅RAZE x Keith Haring打卡位,霓虹燈超搶眼!Photo from HolidaySmart

新店開幕嘅另一個亮點係同美國Pop Art藝術家Keith Haring嘅聯乘系列($109/盒;中環店獨家發售),無論係口罩盒、獨立包裝袋,甚至口罩嘅左上角都印上上Keith Haring超有代表性嘅圖樣同符號,好有細節感!藍盒有齊5個暖色系口罩俾你揀,包括:薄荷綠、純棉白、淡柔粉、泡沫啡、奶茶橘;而紅盒就有型格黑、深海藍、杜松綠、雪松灰、煙燻灰5個冷色。每款色都咁靚,即使包色都唔誇張啦!各位記得要喺地下最入嘅RAZE x Keith Haring打卡位影相,嗰度嘅霓虹燈超搶眼、超IGable,隨手都影都影到高水準嘅打卡相呀!即睇更多:https://bit.ly/3Njb8DX

藍盒有暖色系口罩,包括薄荷綠、純棉白、淡柔粉、泡沫啡同奶茶橘Photo from HolidaySmart

紅盒有冷色系口罩,包括型格黑、深海藍、杜松綠、雪松灰同煙燻灰Photo from HolidaySmart
 

#潔淨都可以好Refreshing?!1樓SilverMist潔淨香味體驗區超治癒!

喺1樓可以一邊聞住SilverMist清新芳香,一邊拆解佢嘅秘密Photo from HolidaySmart

賣咗咁耐關子,係時候等小編揭開SilverMist嘅神秘面紗啦!行完地下嗰層,一定要上1樓感受下SilverMist潔淨香味體驗區!整個Area都瀰漫住柑橘 X 木質嘅香氣,就好似晨霧中熱帶森林嘅香氣,再滲透清爽怡人嘅果實香~大家可以一邊聞住呢種清新芳香,一邊拆解SilverMist嘅秘密:原來佢混合咗檸檬、鼠尾草、雪松木同肉豆蔻嘅香味,真係好舒服㗎!
 

#RAZE X LeeeeeeToy「地球超市」展覽超吸睛!

2樓有RAZE X LeeeeeeToy嘅「地球超市」展覽,之後仲會不定期有藝術家進駐Photo from HolidaySmart

再行上2樓,就有LeeeeeeToy進駐嘅「地球超市」展覽,呢個雙人藝術家創作組合擅長將玩具轉化成別具生命嘅當代藝術作品。今次佢哋以超市同街市常見嘅蔬果食品做主題,將玩具變形、拆解同重新組合,以天馬行空方式療癒人心!大家仲可以喺度率先睇到佢哋同RAZE嘅仍未公開發售嘅限量聯乘口罩𠻹!另外,聽講2樓八月初起仲會不定期有藝術家進駐,為大家帶嚟唔同嘅體驗同驚喜,各位要密切留意啦!

 

咪話小編唔益大家嘞!除咗以上連串嘅驚喜,RAZE由即日起至7月6日仲推出2大限時優惠:
- 中環門市獨家優惠:凡於RAZE中環店購買1支10ml殺菌消毒噴霧 (零售價$55),即可獲贈1盒10ml補充裝* (3支裝,零售價$49)
- 各大門市及網店優惠:購買任何RAZE產品淨額滿$500,即全單享88折優惠!
(官網:輸入優惠碼「RCENTRAL12」即可享有優惠)

 

唔好猶豫啦~立即約埋閨蜜同另一半去RAZE新店朝聖啦!

 

RAZE中環店
地址:中環閣麟街36號
營業時間:11:00 - 20:00(星期一至日)
了解更多:https://bit.ly/3Nj9WAt

*優惠受條款及細則。約束禮品數量有限,送完即止。

 

Text: HolidaySmart editorial
Photo source: HolidaySmart
Featured for: RAZE

 

**本文章的圖片均經其本人或其公司授權,其他媒體不得轉載

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel