download HolidaySmart 假期日常 app
內地網紅提倡禁止女生與外國人結婚生子!激動表示「保護我們的血統」!提出唯一解決方法

內地網紅提倡禁止女生與外國人結婚生子!激動表示「保護我們的血統」!提出唯一解決方法

時事熱話 生活熱話
By Stephanie on 28 Jun 2022
Digital Content Writer

內地自上年開始就開始訂立唔同嘅規矩,希望能夠令社會風氣有所改善。近日,一位內地網紅拍片強烈建議禁止內地女生與外國結婚,並且生育下一代,並想網民解釋佢呢個提議嘅背後原因,引起網民熱議!

內地網紅指出佢認為嘅社會問題,覺得內地嘅外國人太多,導致混血兒數量太多?!Photo from 《明天不要來》劇照

內地網紅指當地混血兒數量飆升!

呢位內地網紅一開始就非常直接咁指出問題,指現時有好多外國人於內地居住,特別講明黑皮膚嘅外國人最多,往往佢哋都非常容易搵到伴侶,並且結婚生子,導致當地出現越來越多混血兒!

內地網紅拍片表示現時因為越來越多外國人,所以導致混血BB都增加咗好多!Photo from 微博

覺得令小朋友難以培養文化認同感?!

然而,小朋友大多都係由女方嘅家人照顧「他們長大之後對中華民族的文化有認同感嗎?」,佢認為小朋友喺呢種情況下成長難以建立佢口中所講嘅「歸屬感」,即使長大後遇到任何抱打不平嘅事情都未必會挺身而出!

佢認為混血BB增加嘅最大問題係難以培養佢哋對於文化嘅認同感!Photo from 微博

認為將來若果遇到抱打不平嘅事,小朋友都唔會挺身而出?!Photo from 微博

激動表示:守住我們的血統!

網紅激動表示除咗要保護國家嘅文化、財產安全等,現時最關鍵嘅係「守住最重要的關口:我們的血統!」仲話自己深知問題嚴重,要立刻著手改善呢個問題。

佢激動提議現今最重要嘅係「保護血統」!Photo from 微博

揚言覺得現時嘅狀況已經非常危急?!Photo from 微博

提出唯一的解決方法?!

佢提出「保護血統」嘅真正方法,要由內地女生開始做起「女人自身要守住自己的底線,這樣才能保衛我們的民族性。」最後佢再次強調內地女生應該嫁俾內地男生,咁樣先達到佢心目中嘅完美標準!

網紅表示要解決呢個問題必須由內地女生做起?!Photo from 微博

片末強調覺得內地女生就應該同內地男生結婚?!Photo from 微博

網民覺得超荒謬!

大部分網民睇完影片後,都唔太認同網紅嘅諗法「憑咩管人哋嘅婚姻大事」、「會唔會大男人咗少少」等;亦有網民搞笑猜測佢情緒咁激動,係咪同自己過往嘅感情經歷有關「係咪俾外國人搶過女朋友?!」、「自己得不到,人哋都唔可以擁有嘅概念」,睇嚟佢心中嘅計畫應該難實現喇!而網民亦不禁表示叫同外國人結婚嘅藝人們情何以堪......

網民一面倒唔認同網紅嘅話,認為主要都係睇父母或者學校教育,唔可以單憑一樣嘢就咁講!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地父母為生兒子將女兒送養!10年後兒子患病求女兒捐骨髓救弟

23 Jun , 2022

內地於70年代推行「計劃生育」,唔少父母為咗生仔而將女兒送走。其中有一家連續兩個女兒,為咗生兒子「繼後香燈」,佢哋將二女兒送畀其他人,但10年後兒子患病,夫妻為救兒子竟搵送走嘅女兒捐骨髓,事件仲搞到兩家人不和!

內地於70年代推行「計劃生育」,唔少父母為咗生仔而將女兒送走。

為生兒子傳宗接代,內地父母將二女兒送養

90年代陳玲生下大女兒,為咗「追仔」佢再次懷孕,未料第二胎竟然又係女兒,陳玲同丈夫商量後決定將二女兒送養,佢哋將二女兒送畀離家300公里外一戶姓張嘅家庭撫養。

第二胎係女兒,陳玲同丈夫商量後決定將二女兒送養

送走女兒第二年,陳玲如願以償誕下兒子揚揚。不過好景不常,揚揚14歲時因為患病而要接受骨髓移植,但可惜揚揚嘅大家姐並唔符合要求,為咗救治愛子,陳玲同丈夫想到一出生就被佢哋送走嘅二女兒。

送走女兒第二年,陳玲如願以償誕下兒子揚揚。不過好景不常,揚揚14歲時因為患病而要接受骨髓移植

為咗救治愛子,陳玲同丈夫想到一出生就被佢哋送走嘅二女兒。

為救患病兒子搵女兒捐骨髓,養父要求支付「保證金」

當年陳玲嘅二女兒送到張家,並改名為麗娜,張家3個孩子都夭折,張爸爸對抱養返嚟嘅麗娜十分疼愛,一直都當佢係親生女咁看待。當初兩家人傾好陳玲一家之後唔可以再打擾女兒,就當係陌生人咁,但面對兒子嘅病陳玲唔理得咁多,十分心急咁搵上張家人。

當初兩家人傾好陳玲一家之後唔可以再打擾女兒,就當係陌生人咁,但面對兒子嘅病陳玲唔理得咁多,十分心急咁搵上張家人。

張爸爸得知事情後同意咗麗娜捐骨髓,但要求陳玲佢哋唔可以向麗娜公開佢哋嘅親子關係,陳玲亦同意。之後麗娜亦符合捐骨髓嘅條件。張爸爸提出要50萬人民幣保證金,以防麗娜捐骨髓後身體出現問題要花錢治療,但陳玲方面認為不可接受,為咗醫好愛子佢幾乎花光積蓄,根本無錢支付「保證金」。

張爸爸得知事情後同意咗麗娜捐骨髓,但要求陳玲佢哋唔可以向麗娜公開佢哋嘅親子關係

麗娜符合捐骨髓嘅條件。張爸爸提出要50萬人民幣保證金,以防麗娜捐骨髓後身體出現問題要花錢治療

陳玲方面認為不可接受,為咗醫好愛子佢幾乎花光積蓄,根本無錢支付「保證金」。

親母揚言要打官司搶回女兒,女兒最終拒絕捐骨髓

陳玲認為兒子嘅病已經唔可以再等,佢去到麗娜就讀嘅學校門口想直接帶走娜娜,陳玲表示:「她(麗娜)救的是自己弟弟,我們也考慮了女兒的感受,肯定是不能接受的,但是沒有辦法。」而麗娜得知身世後亦嚇一跳,喊咗一晚,決定唔捐骨髓。

學校保安指陳玲去到麗娜就讀嘅學校門口想直接帶走娜娜

陳玲表示:「她(麗娜)救的是自己弟弟」

麗娜得知身世後亦嚇一跳,喊咗一晚,決定唔捐骨髓。

陳玲更打印咗多份「大字報」指責張爸爸做人無良心,又揚言要同佢打官司搶回女兒。張爸爸直斥陳玲「農夫與蛇」,當初好心答應佢但佢竟然違反承諾打擾麗娜,雖然對陳玲十分不滿,但張爸爸稱佢同麗娜講只要佢想都可以照捐骨髓畀弟弟,不過麗娜仍然拒絕。

陳玲更打印咗多份「大字報」指責張爸爸做人無良心

張爸爸直斥陳玲「農夫與蛇」,當初好心答應佢但佢竟然違反承諾打擾麗娜

張爸爸稱佢同麗娜講只要佢想都可以照捐骨髓畀弟弟,不過麗娜仍然拒絕。

最終陳玲亦表示自己嘅出現打亂咗女兒平靜嘅生活,亦破壞咗兒子求生嘅希望,唯有放棄呢條路,寄望於骨髓庫可以盡快搵到適合嘅捐贈者。

最終陳玲亦表示自己嘅出現打亂咗女兒平靜嘅生活,亦破壞咗兒子求生嘅希望,唯有放棄呢條路

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel