【Disney+ 大眾娛樂種類超多~小編精選7月本地+亞洲電影劇集推薦!另有韓流作品預告分享】

【Disney+ 大眾娛樂種類超多~小編精選7月本地+亞洲電影劇集推薦!另有韓流作品預告分享】

電視電影 生活熱話
By nicole lam on 29 Jun 2022
Deputy Managing Editor

 

話咁快又嚟到夏天,天氣咁熱有時寧願留喺屋企嘆住冷氣煲劇呀!講到煲劇,小編最近留意到Disney+ 有好多新上線嘅影集,除咗大家已知嘅Disney、Marvel、Pixar、星球大戰、同National Geographic系列之外,其實Disney+ 入面仲有STAR呢個大眾娛樂品牌,包羅超多種類嘅電影同劇集,無論日韓台定係入圍香港電影金像獎嘅電影都有得睇!小編已經為大家精選咗7月同即將推出嘅影集嘅懶人包,即刻繼續睇落去啦~

 

#10套香港電影金像獎提名電影~典禮前必睇重溫!

香港電影金像獎喺7月17日就會舉行典禮,梗係要喺典禮前煲返一啲睇過,甚至錯過咗過嘅香港電影啦!Disney+ 一共有10套提名電影有得睇,小編心水推介以下4套金像提名電影絕對不能錯過!除咗感動還原梅姐傳奇一生、現已獨家上線嘅《梅艷芳》(導演版)之外,金像獎大熱電影《梅艷芳》亦將會喺7月2日獨家串流上線。陳木勝導演遺作——由甄子丹、謝霆鋒主演嘅香港警匪動作電影《怒火》;劇情熱血勵志、富感染力嘅《一秒拳王》;以及評價超高、熱淚不斷嘅九把刀作品《月老》都係必睇推薦啊,簡直要即刻加入「我的片單」!

 金像獎大熱電影《梅艷芳》——7月2日晚上9:30|Disney+ 獨家串流上線Photo from Disney+

《一秒拳王》劇情熱血勵志,充滿感染力。Photo from Disney+

九把刀最新電影作品《月老》Photo from Disney+

 

#Disney+ 獨家串流上線-7月本地+台灣電影推薦

金像獎電影以外,Disney+ 仲有好多獨家串流上線嘅本地電影都係值得Bookmark!小編精選咗另外3套本地電影推介俾大家,分別係:

由鄭秀文同蔡卓妍主演嘅香港懸疑犯罪片《聖荷西謀殺案》——7月1日上線Photo from Disney+

由古天樂、張智霖同鄭嘉穎主演嘅反貪風暴最終章《G風暴》——7月15日上線Photo from Disney+

7月15日同日串流上線嘅仲有由周潤發、郭富城主演,以偽鈔為題材嘅香港犯罪懸疑片《無雙》,呢套電影仲獲得2019年第38屆香港電影金像獎最佳電影、最佳導演和最佳編劇等七個大獎添㗎!

電影《無雙》劇照Photo from Disney+

另外,之前片房熱賣嘅台灣青春愛情電影《可不可以,你也剛好喜歡我》都即將喺7月8日Disney+ 上線,充滿浪漫青春嘅劇情,少女們必定要Bookmark呀!

《可不可以,你也剛好喜歡我》由陳妤、曹佑寧、林映唯領銜主演,電影改編自百萬療癒系作家「肆一」嘅同名暢銷散文。Photo from Disney+

 

#日韓迷注意!多套獨家日韓劇登上Disney+ 香港人氣榜

如果你係日韓迷嘅話,以下落嚟介紹嘅你一定有興趣!因為有多套獨家上線日韓劇登上Disney+ 香港人氣榜,分別係喺6月已經上線嘅日劇《金田一少年之事件簿》,有尊尼事務所嘅道枝駿佑做第五代金田一,作為木村師弟嘅道枝駿佑外形高佻俊朗~睇住咁高顏值嘅金田一查案,令人更加緊張呀~

第五代金田一:道枝駿佑被喻為「千年一遇美少年」Photo from Disney+

由同名漫畫改編嘅日劇《明天,我會成為誰的女友》,以5位唔同背景嘅年輕女生為主軸,講盡出租女友、被包養、整容、男公關等日本社會現象,當中有吉川愛飾演一位靠做「出租金友」賺錢的「雪」。

《明天,我會成為誰的女友》五位主角將在各自嘅故事篇章中成為主角。Photo from Disney+

韓劇方面,有由蘇志燮、林秀香主演嘅《醫法刑事》(Doctor Lawyer),劇力萬鈞,揭開醫療界黑暗面;以及以奇幻愛情為主題嘅《盡情吃 用力愛》(Link: Eat, Love, Kill),由呂珍九、文佳煐「共享情感」再一步步揭開謀殺案真相!幾套嘅日韓劇都於Disney+ 現正獨家熱播中,日韓迷千祈唔好錯過呀!

《醫法刑事》故事中,蘇志燮原本係個天才外科醫生,後來變身成為「神勇律師」登上法庭。Photo from Disney+

 《盡情吃 用力愛》絕對係集結美食、浪漫愛情同懸疑軸線嘅必睇韓劇!Photo from Disney+

 

#電影劇集以外~Disney+ 日本動漫推薦分享!

唔講唔知,其實Disney+ 都有唔少日本動漫可以睇到!好似係最近超Hit嘅《SPYxFAMILY 間諜家家酒》都有得睇,另外獨家仲有以日本足球為題嘅《青之蘆葦》(Aoashi),同新上線由日本懸疑漫畫改編嘅《夏日時光》(Summer Time Rendering),必定可以滿足到咁多位動漫迷嘅口味呀~

《SPYxFAMILY 間諜家家酒》嘅安妮亞角色可愛超討好~小編已經成為粉絲之一!Photo from Disney+

《青之蘆葦》以日本足球為主題Photo from Disney+

《夏日時光》由日本懸疑漫畫改編而成Photo from Disney+

 

#成為Disney+ 一分子!多元化韓流作品精彩預告~

除咗以上所講嘅精彩作品,小編打聽到未來幾個月Disney+ 仲會獨家引入多套超吸引嘅韓流作品!包括:由李鍾碩、潤娥主演嘅懸疑劇集《律戰江湖》(Big Mouth);由國民MC劉在錫、李光洙、俞利主持,加眾多韓星雲集挑戰全新密室逃脫遊戲嘅綜藝節目《韓星地帶:求生大作戰 》(The Zone: Survival Mission),淨係聽到都好期待呀!咪話小編唔提你,想搶先睇到韓流作品同其他多元化娛樂內容嘅話,而家就即刻登記成為Disney+ https://bit.ly/39YcZAu 嘅一分子啦~

 

Text: HolidaySmart editorial

Photo source: Disney+

Featured for: Disney+

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel