新垣結衣婚後首次公開露面，卻被指顏值下降？！粉絲超擔心：婚後生活壓力好大？

日本人氣女演員新垣結衣人氣超高，仲被當地網民封為「國民老婆」，女神地位難以被取替～最近，佢出席電影嘅宣傳活動，亦係佢婚後首次公開露面，令唔少粉絲都萬分期待。然而，有網民就覺得佢顏值下降，仲好似有髮際線後移嘅問題，令大家感到震驚！

Photo from 《無法成為野獸的我們》劇照

新垣結衣2021年5月宣佈閃婚，傷透宅男粉絲的心！

34歲日本女演員新垣結衣過往曾拍攝多部電影及劇集，憑甜美樣貌成功獲得網民嘅歡心。直到2021年5月，佢突然宣佈與《逃避雖可恥但有用》嘅男主角星野源戲假情真，決定閃婚嘅消息，令唔少男粉絲感到失望，接受唔到女神已經名花有主嘅事實！

Photo from 《戀空》劇照

Photo from 《逃避雖可恥但有用》劇照

婚後首次公開露面！

日前，新垣結衣出席電影《GHOSTBOOK妖怪圖鑑》，亦係佢婚後首次出席公開活動。從日本傳媒所釋出嘅照片中所見，當日佢身穿白色襯衫配上粉紅色寬褲，紮起馬尾，清爽俐落，精神狀態十分好！

Photo from 《ポップUP！》

Photo from 《ポップUP！》

網民卻認為婚後顏值急跌，髮量變少？！

不過網民就發現佢似乎有髮際線後移嘅問題，覺得佢髮量明顯比以前少咗。而唔少粉絲都擔心留言「婚後怎麼變了？」、「顏值下跌」等；不過有網民大讚結衣BB依然好靚女，仲非常理智咁話「係髮型問題，佢額頭不嬲都高」，似乎係髮型令佢睇落比較禿？！

Photo from 日刊體育

Photo from 日本媒體MODEL PRESS

網民擔心婚後生活壓力大？

另一方面，部份網民擔心新垣結衣係咪因為婚後生活壓力太大，導致身體出現問題？！過往日本傳媒曾表示二人婚後採取「分居婚」，令外界不停猜測二人係咪感情有變；後來喺佢哋結婚半年後就被爆二人已經同居，先令粉絲們嘅心安定下來。

Photo from 《逃避雖可恥但有用》劇照

曾傳出夫婦二人將移居美國？

喺今年初，有傳新垣結衣將會與丈夫定居美國紐約，據悉星野源一直都非常憧憬外國嘅生活，當時有知情人士向媒體透露結衣BB喺拍攝完劇集《鎌倉殿的13人》先再移居。不過消息一曝光就瞬間引起日本網民熱議，有粉絲仲嬲到「不要把我們的國寶帶走！」、「不能理解」等，然而傳聞至今都尚未得到證實，而且結衣BB現時又再次於幕前曝光，相信各位粉絲應該唔洗擔心住喇！

Photo from 《逃避雖可恥但有用》劇照

相關文章：新垣結衣婚前曾透露理想型需具備呢幾項要求 星野源中哂?

相關文章：星野源竟是女神收割機 ？盤點歷年5段緋聞！人氣歌手、清純女星、美女主播疑似每段感情無縫接軌？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

新垣結衣星野源結婚後仍分居？日本新興「分居婚」感情反能保鮮？！

13 Oct , 2021

日本女星新垣結衣同星野源因日劇《逃避雖可恥但有用》結緣，兩人更於今年宣佈結婚。但最近有日本傳媒報道兩人至今仍未同居，原來婚後分居成日本近年流行嘅生活方式。

Photo from 《逃避雖可恥但有用》

新垣結衣與星野源因拍《逃避雖可恥但有用》結緣，宣佈結婚

現年32歲有「國民老婆」之稱嘅新垣結衣於2021年5月宣佈同40歲男歌手星野源結婚，驚震成個亞洲。

Photo from 《逃避雖可恥但有用》

兩人喺2016年合作拍攝日劇《逃避雖可恥但有用》，劇集大獲好評之餘，兩人更收穫珍貴嘅緣份，喺2021年公佈結婚消息後，結衣宣佈與事務所不再續約，日後將以個人身份繼續演藝活動。

日媒報道新垣結衣星野源婚後並未同居

結衣BB同星野源因拍劇擦出愛火，維持地下戀情幾年終於修成正果。但近日據日本傳媒《MAG2NEWS》報道，兩人雖然住喺同一幢大廈，但婚後未有同居。

Photo from 《逃避雖可恥但有用》

Photo from 《逃避雖可恥但有用》

星野源早前上日本綜藝節目《到處都是奧黛麗》就透露佢同結衣仲未開始同居生活，甚至連一齊住嘅想法都無。兩人各自住喺自己屋企，但為咗見對方都會互相前往彼此嘅家。

Photo from 《逃避雖可恥但有用》

日本近年流行新婚姻形式「分居婚」

其實結衣BB同星野源婚後分居亦係日本近年流行嘅婚姻生活，畢竟同居一室就要適應彼此嘅生活習慣，更有可能會因為對方嘅「壞習慣」而互相睇大家唔順眼。

Photo from 《逃避雖可恥但有用》

除此之外，一齊住仲要分擔家務，日見夜見，相處時間越多越容易有磨擦，出現夫婦嗌交嘅情況。

Photo from 《逃避雖可恥但有用》

「分居婚」唔止可以有返自己嘅個人空間，亦唔使花時間遷就對方嘅生活習慣，而且保持距離更唔會相看兩生厭，令感情可以繼續保持新鮮。

Photo from 《逃避雖可恥但有用》

相關文章：新垣結衣無懼風波代言服裝品牌！內地fans大崩潰揚言：換老婆！

相關文章：星野源竟是女神收割機 ？盤點歷年5段緋聞！人氣歌手、清純女星、美女主播疑似每段感情無縫接軌？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章