日本出租男友店質素掀熱議!「店長推薦」人氣男被指顏值低:咩人都可以做?

日本出租男友店質素掀熱議!「店長推薦」人氣男被指顏值低:咩人都可以做?

時事熱話
By Jennifer on 29 Jun 2022
Digital Editor

日本有唔少「出租男友」網站,上面有唔少「男友」嘅相片同資料,近日微博就瘋傳日本出租男友嘅服務質素,唔少網友指從網站嘅相片睇嚟男友嘅顏值十分參差,完全令人無意欲同佢哋約會,直言:「原來做出租男友嘅門檻咁低。」

日本有唔少「出租男友」網站,上面有唔少「男友」嘅相片同資料Photo from 微博

日本出租男友服務掀熱議

過往曾有一位內地網紅「蛋姐」拍片畀網友了解日本「出租男友」服務,當時佢曾與一位出租男友約會,見面時卻大呻男方顏值同想像中有落差,連2個鐘都捱唔過最終要逃走!近日微博有網友就晒出日本出租男友網站截圖,掀起網民討論。

過往曾有一位內地網紅「蛋姐」拍片畀網友了解日本「出租男友」服務,當時佢曾與一位出租男友約會,見面時卻大呻男方顏值同想像中有落差Photo from 蛋姐 YouTube

帖文指:「你願意花一兩千人民幣跟他們約會嗎?」並附上網站上出租男友嘅照片,被好多網民直言呢啲男友顏值太低,根本租唔落手!

網站上出租男友嘅照片,被好多網民直言呢啲男友顏值太低,根本租唔落手!Photo from 微博

「店長推介」人氣出租男友真樣落差大?

其中一個聲稱「登録數全國No1」嘅網站「恋かれ★」首頁就放上幾位出租男友嘅相片,更寫住呢啲係「店長推介」,呢幾位店長推介嘅出租男友年齡為20歲~29歲,職業各有不同,但網站上寫明佢哋嘅個人資料,顧客覺得適合嘅就可以喺網上預約。

其中一個聲稱「登録數全國No1」嘅網站「恋かれ★」首頁就放上幾位出租男友嘅相片,更寫住呢啲係「店長推介」Photo from 恋かれ★

網站上寫明佢哋嘅個人資料,呢一位「店長推介」係韓國人!Photo from 恋かれ★

其中一位24歲嘅春菜志織就曾經獲內地網紅「蛋姐」預約過,佢係店內人氣第一位,網站資料指佢非常了解女性感受,而蛋姐拍嘅影片中佢一除口罩就同網站上嘅個人照有所出入,好難認出係同一個人!

其中一位24歲嘅春菜志織就曾經獲內地網紅「蛋姐」預約過Photo from 恋かれ★

蛋姐指佢係店內人氣第一位,網站資料指佢非常了解女性感受Photo from 蛋姐 YouTube

蛋姐拍嘅影片中佢一除口罩就同網站上嘅個人照有所出入Photo from 蛋姐 YouTube

日本出租男友服務價格

喺價錢方面,基本價格為一小時5,000~7,000円,視待男友嘅「等級」而定,最少要租兩小時,另外要畀「出差費」,男友約會期間嘅餐費、戲院等嘅費用都係由客人支付。基本上同出租男友約會2個鐘最少要$600港幣。

出租男友基本價格為一小時5,000~7,000円,視待男友嘅「等級」而定,最少要租兩小時,另外要畀「出差費」Photo from 恋かれ★

男友約會期間嘅餐費、戲院等嘅費用都係由客人支付。基本上同出租男友約會2個鐘最少要$600港幣。Photo from 蛋姐 YouTube

另一個網站「KANSAI」費用相對較平,「人氣Top 8」嘅出租男友一小時都係4,000円。人氣Top 8之一嘅比嘉龍介嘅顧客評價(用後感)則指約會時佢有「生田斗真」嘅感覺,而且講嘢好風趣,給予好評!

另一個網站「KANSAI」費用相對較平,「人氣Top 8」嘅出租男友一小時都係4,000円Photo from KANSAI

人氣Top 8之一嘅比嘉龍介Photo from KANSAI

生田斗真

日本出租男友對外型無要求?

好多網民睇完相之後就表示以呢一眾出租男友嘅外在條件而言完全唔值10,000円嘅價格!更直言估唔到做出租男友嘅門檻係咁低!翻查以上兩個出租男友網站,對於出租男友嘅外型的確並無特別要求,只需有誠信、會經常update社交網站等就可以,不過兩間店都唔接受有紋身嘅出租男友。

好多網民睇完相之後就表示以呢一眾出租男友嘅外在條件而言完全唔值10,000円嘅價格!Photo from 恋かれ★

翻查以上兩個出租男友網站,對於出租男友嘅外型的確並無特別要求Photo from 恋かれ★

不過亦有人指出租男友嘅服務對象本來就係一啲被逼婚、要見家長嘅女性,所以唔需要太靚仔,平凡啲更似真男友。但有人反駁指如果顏值太低或者會被親戚問點解唔搵個好啲嘅男朋友。

有人指出租男友嘅服務對象本來就係一啲被逼婚、要見家長嘅女性,所以唔需要太靚仔,平凡啲更似真男友Photo from 恋かれ★

廣告
廣告

KANSAI網站人氣No.1嘅出租男友Photo from KANSAI

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大陸網紅嫌日本出租男友顏值低,見唔夠半個鐘就逃走!為$1,200感不值 反被網友罵唔尊重對方~

26 Feb 2021

近年盛行咗一個名為「出租情人」嘅服務,大家可以透過金錢買到一段短暫嘅「情侶關係」。而早前一位大陸網紅「臭蛋你蛋姐」就喺 YouTube 上傳咗一段佢喺日本用咗 $1,000 人民幣(約 HKD$1,200)租咗一位日本「出租男友」2小時!但二人見面唔夠半個鐘,女方就忍唔住要逃走。因而引起網友熱議!

大陸網紅「臭蛋你蛋姐」就喺 YouTube 上傳咗一段佢喺日本用咗 $1,000 人民幣(約 HKD$1,200)租咗一位日本「出租男友」2小時!

大陸網紅「臭蛋你蛋姐」不時都會喺其微博分享自己旅居日本嘅生活同美妝,而最近佢更開咗 YouTube 帳號,並喺上面上傳咗一段佢用咗 1000 元人民幣體驗 2 小時日本嘅「時租男友」。

「臭蛋你蛋姐」不時都會喺其微博分享自己旅居日本嘅生活同美妝

片中一開始,佢就指依位「時租男友」係官配嘅,感覺就好似抽「盲盒」一樣,要去到現場先會知道對方嘅長相。

佢就指依位「時租男友」係官配嘅,感覺就好似抽「盲盒」一樣

去到應約當日雖然佢指自己已經有晒心理準備,對對方嘅期望並冇太大,但當正式見面時,佢就不禁直指男方嘅顏值同想像中有落差,仲好似好嫌棄對方咁添~

雖然佢指自己已經有晒心理準備,對方嘅期望並有太大

當正式見面時,佢就不禁直指男方嘅顏值同想像中有落差,仲好似好嫌棄對方咁添

雖然佢面露嫌棄,但喺依個畀咗錢嘅情況下,佢都有繼續同對方傾偈,不過就坐到遠遠,仲請男方幫自己做功課同拍片。

雖然佢面露嫌棄,但喺依個畀咗錢嘅情況下,佢都有繼續同對方傾

過程中,佢認為對方說話十分油膩外,更指對方不時傻笑,令佢非常驚恐。

過程中,佢認為對方說話十分油膩外,更指對方不時傻笑,令佢非常驚恐。

影片嘅最後「臭蛋你蛋姐」指佢同對方只相處咗短短半個鐘就搵藉口逃跑。佢仲喺跑走後驚呼「我終於逃出來啦,真的太嚇人了,沒給我油死,真是挺不了2個小時」、「我心都不跳了」,更直言覺得依個價錢太唔值得喇。

最後「臭蛋你蛋姐」指佢同對方只相處咗短短半個鐘就搵藉口逃跑。

影片曝光後,網友嘅意見有笑有彈,有網友就認為「臭蛋你蛋姐」咁做一啲都唔尊重對方,更指佢自以為自己好靚而睇唔起人「人家也沒做什麼為何要對別人長相有這麼大惡意」、仲有人覺得依位出租男友幾可愛添。

不過有網友就當笑話咁睇並留言「笑死我了」、「是他的話我一分錢都不願意租」、「浪費錢」、「女生更像是租來的漂亮女友吧」,甚至直言依位男士配唔起佢。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel