林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架

林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架

娛樂新聞
By Stephanie on 29 Jun 2022
Digital Content Writer

香港藝人林利(前名:林立洋)最近與台灣籍妻子陳貞均(Erin)再次鬧出婚變,而妻子喺FB公開二人嘅對話片段,指責林利「呃飲呃食」,仲大爆夫婦二人冇行房;而男方就已經搬出酒店暫住,二人關係似乎面臨重大危機?!今日(29日)凌晨,佢突然轉軚向妻子道歉,然而妻子隔空回應似乎並唔接受?!

林利最近與台灣籍妻子鬧婚變,而佢今日凌晨突然向妻子公開道歉?!Photo from 林利FB

林利2019年與細14年台灣妻子結婚!

55歲林利2019年與細14年嘅台灣籍女生陳貞均(Erin)結婚,而婚後男方就經常都需要香港台灣兩邊走。由於疫情關係,加上林利媽媽身體保恙,所以林利就甚少返台灣;直到上年林利媽媽因病去世,佢先返台灣同妻子生活,不過二人之間嘅爭吵似乎更加多!

林利2019年與台灣女生陳貞均(Erin)結婚Photo from 林利FB

其後,因為疫情關係二人經常分隔兩地,只能靠FaceTime聯絡!Photo from 林利FB

妻子公開二人爭吵片段

日前,妻子Erin突然於FB上載同林利對話嘅影片,只見Erin似乎有啲醉意「我這麼愛你,等你那麼久,你回覆我該給我的一定不會給我?你是故意的,騙我吃騙我住!」」仲指責男方欠佢戒指及婚禮。而林利喺片中反駁「我不稀罕這些(戒指及婚禮)」,仲話「我住你家,我沒有幫你付錢嗎?」否認妻子口中所講嘅「呃飲呃食」。

早前,林利妻子突然上載同林利嘅對話影片Photo from 林利FB

批評林利呃飲呃食,並且冇送戒指及婚禮俾佢!Photo from 林利FB

林利反駁妻子「一飲酒就變咗」

而林利對妻子將二人對話公開而感到不滿,後來影片已經被刪除。而男方接受台灣媒體訪問時,表示太太Erin一飲酒就會變咗第二個人「一星期至少飲3日」;現時男方已經暫時搬出酒店居住,並正式分居。

林利接受台灣媒體訪問時,指Erin鍾意飲酒,但一飲醉就性格大變!Photo from 林利FB

提及二人閨房事

其後林利又提及夫婦間嘅閨房事,指Erin曾要求行房,但佢就認為「已經沒有愛,何來性」,令妻子漸漸對婚姻失去信心。而佢指Erin媽媽患有躁鬱症,經常都會對向妻子大喊,上星期仲因為岳母而受傷進院,所以佢亦表示明白妻子嘅壓力。

佢仲透露Erin曾要求行房,但佢就認為「冇愛」難以滿足對方!Photo from 林利FB

妻子Erin反駁林利爆料

對於林利向媒體大談婚姻事,妻子Erin憤怒反駁日日飲酒嘅人係林利「他是天天喝,在和我結婚前,他前面女朋友就有傳訊提醒我,我不信,現在他這麼說我,其實真的讓人很難過」;並喺FB發文表示「人與人相處是互相的,檢討自己,而不是一昧的指摘對方,這樣才能解決任何事,做人、做事都是一樣!」睇嚟二人嘅婚姻真係面臨大危機!

妻子Erin反駁指林利先係日日飲酒嗰個?!Photo from 林利FB

Erin 出post疑似暗示緊林利?!Photo from Erin FB

林利突然轉軚向妻子公開道歉,但妻子似乎去意已決?

今日(29日)凌晨5am,林利突然喺FB向妻子道歉「希望太太息怒,我會盡力把所有要的情緒放下給妳」,似乎諗通咗,並且希望挽回婚姻。但妻子Erin其後隔空回應「好聚好散,願一切順心,祝福⋯⋯謝謝你,我什麼都不要」,言談之間好似已經下定決心,對婚姻感到徹底心淡?!

林利今日(29日)凌晨突然出post向妻子道歉!Photo from 林利FB

但妻子Erin嘅態度決絕,似乎對婚姻感到絕望?!Photo from Erin FB

上年3月二人曾隔空鬧交

其實今次並非林利同妻子第一次鬧婚變,早於上年3月妻子Erin因為呷醋,而公開林利同台灣演員陳柏渝嘅對話內容,批評對方經常私訊丈夫。其後,林利不滿對方經常將二人之間嘅事情公諸於世,二人隔空「講數」,最終成功解除婚姻危機!

2021年3月,林利妻子突然公開丈夫與藝人陳柏渝嘅短訊內容?!Photo from Erin FB

懷疑對方同丈夫嘅關係太密切?!Photo from Erin FB

當時尚在隔離嘅林利喺FB隔空回應妻子。Photo from Erin FB

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

苟芸慧帖文再掀婚變傳聞 疑似暗示老公突然消失 心情複雜?

26 May , 2022

前華姐冠軍苟芸慧(Christine)2018年與「錫礦大王」陸佑後人、兼賽車手陸漢洋結婚,但近年屢次傳出婚變消息,惟二人一直無回應。Christine近日在社交網表示,自己最近心情麻麻,因為有一些佢關心嘅人突然消失了,雖無指名道姓,但已令人揣測是否同老公有關!

苟芸慧近年與老公陸漢洋傳出婚變,近日嘅新帖文亦再次引起猜測。Photo from 苟芸慧 FB

38歲苟芸慧2008年參加選美比賽後簽約電視台,到2016年完約離巢。做藝人期間,Christine緋聞多多,對象包括高鈞賢、鄭嘉穎、郭富城,但佢公開承認過嘅伴侶只得羅天宇一人。

「女神收割機」羅天宇曾與苟芸慧有一段情。Photo from 羅天宇IG

苟芸慧因病令體重急升,曾陷人生低潮

受傳聞及工作壓力影響下,Christine一度患病,難以控制體重,身形因而變得臃腫。外型出現變化後,佢工作量大減,又不時受網民嘲笑,情緒一度非常低落。

苟芸慧曾因壓力捱出病,體型因此出現變化。Photo from 苟芸慧 FB

因賽車結識陸漢洋,大讚對方好sweet

後來,Christine愛上賽車,更因此認識了車手陸漢洋(William),二人交往兩年後拉埋天窗。佢曾在訪問透露,男方非常體貼浪漫,會記得自己何時來月事,再預先買好藥和女性用品。在拍拖首年,佢哋經常要分隔兩地,於是William別出心裁,在網上購買了一顆星,其經緯度包含「9」字,除了寓意將「天上星星」送給苟姑娘外,又代表即使Long D,只要望上天空看星就會想起對方。

苟芸慧曾公開大讚老公心思細密,做過好多好sweet嘅舉動。Photo from 苟芸慧 IG

William為了籌備婚禮花盡心思,佢哋先後去過加拿大、法國、韓國等地拍婚紗照,每個地方都別具意義。據悉,男方本來不想婚禮以童話故事做主題,但苟芸慧認為佢哋嘅愛情故事好像童話故事,最後成功令對方轉軚。

苟芸慧2018年與陸漢洋拉埋天窗。Photo from 苟芸慧 FB

而William為了準備驚喜,更親自找Christine嘅爸爸、弟弟和在加拿大認識超過二十年嘅舊同學協作安排。Christine表示,當日以為只係拍結婚照,豈料原來係正式婚禮,當中更與一些接近十年無見嘅親朋戚友相聚,所以佢大讚老公好有心意。

William出盡全力為老婆搞好婚禮。Photo from 苟芸慧 FB

William寵爆老婆

有指陸漢洋求婚時送出價值約170萬港元嘅三卡鑽石戒指,結婚時更送上家傳嘅鑽石鑲製戒指。結婚後,有傳William會畀過千萬家用,又畀老婆任用司機、車和信用卡。除了物質上嘅付出,William亦表示過,無論老婆身形係點,都一樣會深愛對方。

William婚後超寵老婆。Photo from 苟芸慧 FB

苟芸慧新帖文再掀婚變傳聞

兩人婚後一直恩愛,然而,去年卻有傳二人在生育議題上無法達成共識,Christine更被指已搬離愛巢,網民亦發現佢近兩年都無分享老公合照,又曾在有關清理舊物嘅帖文中寫道:「該斷的斷了。」婚變傳聞一直未有被平息。到昨日(25日),苟姑娘在FB上載帖文,表示:「近幾個月,心情是複雜的,一些你以為一直會在的人和事突然像泡沫一樣消失了。朋友們約起來吧!很掛念你們。」此帖一出,隨即再令網民推測佢是否暗示老公已經離去,影響心情。

苟芸慧日前發新帖文,表示身邊有人突然消失,心情複雜。Photo from 苟芸慧 FB

有人不禁猜測文中所指嘅「消失人士」是否老公陸漢洋。Photo from 苟芸慧 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel